ബ്ലേ​ഡ് റ​ണ്ണ​റി​ന്‍റെ കാ​ര്യ​ത്തി​ൽ "ക​ണ​ക്കു​തെ​റ്റി' ദ​ക്ഷി​ണാ​ഫ്രി​ക്ക

പ്രി​ട്ടോ​റി​യ: കാ​മു​കി​യെ കൊ​ല​പ്പെ​ടു​ത്തി​യ കേ​സി​ൽ ശി​ക്ഷ അ​നു​ഭ​വി​ക്കു​ന്ന ദ​ക്ഷി​ണാ​ഫ്രി​ക്ക​ൻ അ​ത്‌​ല​റ്റി​ക്സ് താ​രം ഓ​സ്ക​ർ പി​സ്റ്റോ​റി​യ​സി​ന് ശി​ക്ഷാ​യി​ള​വ് ന​ൽ​കാ​നു​ള്ള തീ​രു​മാ​നം ക​ണ​ക്കു​ക്കൂ​ട്ട​ലി​ലെ പാ​ളി​ച്ച മൂ​ലം മാ​റ്റി​വ​ച്ചു.

പി​സ്റ്റോ​റി​യ​സ് ശി​ക്ഷാ​കാ​ലാ​വ​ധി​യു​ടെ പ​കു​തി പൂ​ർ​ത്തി​യാ​ക്കി​യെ​ന്ന് ക​ണ​ക്കാ​ക്കി​യാ​ണ് ദ​ക്ഷി​ണാ​ഫ്രി​ക്ക​ൻ അ​ധി​കൃ​ത​ർ പ​രോ​ളി​നാ​യു​ള്ള ന​ട​പ​ടി​ക​ൾ മു​ന്നോ​ട്ട് കൊ​ണ്ടു​പോ​യ​ത്. എ​ന്നാ​ൽ ഇ​നി​യും ഒ​ന്ന​ര വ​ർ​ഷം കൂ​ടി ശി​ക്ഷ അ​നു​ഭ​വി​ച്ചാ​ൽ മാ​ത്ര​മാ​കും താ​ര​ത്തി​ന് പ​രോ​ളി​ന് അ​പേ​ക്ഷി​ക്കാ​നാ​വു​ക.

2013-ലാ​ണ് ബ്ലേ​ഡ് റ​ണ്ണ​ർ എ​ന്ന​റി​യ​പ്പെ​ടു​ന്ന പി​സ്റ്റോ​റി​യ​സ് കാ​മു​കി​യും മോ​ഡ​ലു​മാ​യ റീ​വ സ്റ്റീ​ൻ​കാം​പി​നെ വെ​ടി​വ​ച്ച് കൊ​ല​പ്പെ​ടു​ത്തി​യ​ത്. ശു​ചി​മു​റി​ക്കു​ള്ളി​ലാ​യി​രു​ന്ന സ്റ്റീ​ൻ​കാം​പി​നെ പൂ​ട്ടി​യി​ട്ടി​രു​ന്ന ക​ത​കി​ലൂ​ടെ നാ​ല് ത​വ​ണ വെ​ടി​യു​തി​ർ​ത്താ​ണ് പി​സ്റ്റോ​റി​യ​സ് കൊ​ല​പ്പെ​ടു​ത്തി​യ​ത്.

താ​ൻ കു​റ്റ​മൊ​ന്നും ചെ​യ്തി​ട്ടി​ല്ലെ​ന്നും ശു​ചി​മു​റി​ക്കു​ള്ളി​ൽ കാ​മു​കി​യെ ആ​ക്ര​മി​ക്കാ​നാ​യി ആ​രോ എ​ത്തി​യെ​ന്ന തെ​റ്റി​ധാ​ര​ണ മൂ​ല​മാ​ണ് വെ​ടി​യു​തി​ർ​ത്തെ​ന്നു​മാ​ണ് താ​രം വാ​ദി​ച്ച​ത്. ഈ ​വാ​ദം അ​വ​ഗ​ണി​ച്ച കോ​ട​തി, ഗാ​ർ​ഹി​ക പീ​ഡ​ന​ത്തെ​ത്തു​ട​ർ​ന്നു​ള്ള ന​ര​ഹ​ത്യ​ക്കു​റ്റം ചു​മ​ത്തി 13 വ​ർ​ഷ​ത്തെ ത​ട​വു​ശി​ക്ഷ‌​യാ​ണ് പി​സ്റ്റോ​റി​യ​സി​ന് വി​ധി​ച്ച​ത്.

ദ​ക്ഷി​ണാ​ഫ്രി​ക്ക​ൻ നി​യ​മ​പ്ര​കാ​രം ഒ​രു ത​ട​വു​പു​ള്ളി​ക്ക് ന​ൽ​കി​യ ശി​ക്ഷ​യു​ടെ ഉ​ദ്ദേ​ശ്യ​ല​ക്ഷ്യം നി​റ​വേ​റ്റ​പ്പെ​ട്ടു​വെ​ന്ന് പ​രോ​ൾ ബോ​ർ​ഡി​ന് ബോ​ധ്യ​മാ‌‌​യാ​ൽ ശി​ക്ഷാ​യി​ള​വ് അ​നു​വ​ദി​ക്കാ​വു​ന്ന​താ​ണ്. ഇ​ത്ത​ര​ത്തി​ൽ ഇ​ള​വ് ല​ഭി​ച്ചി​രു​ന്നെ​ങ്കി​ൽ പി​സ്റ്റോ​റി​യ​സി​ന് ജ​യി​ൽ​മോ​ചി​ത​നാ​കാ​മാ‌​യി​രു​ന്നു.