ആ​വേ​ശം ഗോ​ൾ​ര​ഹി​തം

ഹൈ​ദ​രാ​ബാ​ദ്: ഗോ​ൾ​ര​ഹി​ത സ​മ​നി​ല​ക​ൾ ശീ​ല​മാ​ക്കി​യ ര​ണ്ട് ടീ​മു​ക​ൾ ഏ​റ്റു​മു​ട്ടി​യ ഐ​എ​സ്എ​ൽ സെ​മി​ഫൈ​ന​ലി​ൽ ഫ​ലം മ​റ്റൊ​ന്നാ​യി​ല്ല. ഗ​ച്ചി​ബൗ​ളി സ്റ്റേ​ഡി​യ​ത്തി​ൽ ഗോളില്ലാതെ പോ​രാ​ടി​യ ഹൈ​ദ​രാ​ബാ​ദ് എ​ഫ്സി​യും എ​ടി​കെ മോ​ഹ​ൻ ബ​ഗാ​നും കോ​ൽ​ക്ക​ത്ത​യി​ൽ ന​ട​ക്കു​ന്ന ര​ണ്ടാം പാ​ദ മ​ത്സ​ര​ത്തി​ൽ ഗോ​ളു​ക​ൾ കൊ​ണ്ട് എ​തി​രാ​ളി​യു​ടെ വ​ല നി​റ​യ്ക്കാ​ൻ ക​ഠി​ന​ശ്ര​മം ന​ട​ത്തു​മെ​ന്നു​റ​പ്പ്.

മ​ത്സ​ര​ത്തി​ന്‍റെ 11-ാം മി​നി​റ്റി​ൽ ജോ​യ​ൽ കി​യാ​നീ​സെ​യു​ടെ ഗോ​ളെ​ന്നു​റ​ച്ച ഷോ​ട്ട് ബ​ഗാ​ൻ ഗോ​ളി വി​ശാ​ൽ കെ​യ്ത്ത് ത‌‌​ട​ഞ്ഞി​ട്ട​ത് മ​ത്സ​ര​ത്തി​ന്‍റെ ജാ​ത​കം കു​റി​ക്കു​ന്ന തീ​രു​മാ​ന​മാ​യി.

38-ാം മി​നി​റ്റി​ൽ ബ​ഗാ​ന് ന​ഷ്ട​മാ​യ​ത് മ​ത്സ​ര​ത്തി​ലെ സു​വ​ർ​ണാ​വ​സ​രം ആ​യി​രു​ന്നു. പെ​ന​ൽ​റ്റി ബോ​ക്സി​ലേ​ക്ക് ദി​മി​ത്രി പെ​ട്രാ​ടോ​സ് ന​ൽ​കി​യ ക്രോ​സ് ത​ല​യി​ൽ സ്വീ​ക​രി​ച്ച സു​ഭാ​ശി​ഷ് ബോ​സ്, പ​ന്ത് പ്രീ​തം കോ​ട്ടാ​ലി​ന് മ​റി​ച്ച് ന​ൽ​കി. മു​ന്നോ​ട്ട് ക​യ​റി​ നിന്ന ഹൈ​ദ​രാ​ബാ​ദ് ഗോ​ളി ഗു​ർ​മീ​തി​നെ മ​റി​ക​ട​ന്ന് കോ​ട്ടാ​ൽ പ​ന്ത് ടാ​പ് ചെ​യ്തെ​ങ്കി​ലും അ​വീ​ശ്വ​സ​നീ​യ​മാ​യ രീ​തി​യി​ൽ ക്രോ​സ് ബാ​റി​ന്‍റെ താ​ഴ്വ​ശ​ത്ത് ത​ട്ടി​ത്തെ​റി​ച്ചു.

പ്ര​തി​രോ​ധ താ​രം ന​ൽ​കി​യ സ​മ്മ​ർ​ദ​ത്തി​ൽ കോ​ട്ടാ​ലി​ന്‍റെ ഷോ​ട്ട് പി​ഴ​ച്ച​ത് ബ​ഗാ​ന് തി​രി​ച്ച​ടി​യാ​യി. തു​ട​ർ​ന്നും ഇ​രു​ടീ​മു​ക​ൾ​ക്കും നി​ര​വ​ധി അ​വ​സ​ര​ങ്ങ​ൾ ല​ഭി​ച്ചെ​ങ്കി​ലും ഗോ​ൾ പി​റ​ന്നി​ല്ല.

അ​ധി​ക​സ​മ​യ​ത്തി​ന്‍റെ അ​ഞ്ചാം മി​നി​റ്റി​ൽ, മ​ത്സ​ര​ത്തി​ന്‍റെ അ​വ​സാ​ന അ​വ​സ​ര​ത്തി​ൽ പെ​ട്രാ​ടോ​സ് മ​ധ്യ​വ​ര​യി​ൽ നി​ന്നൊ​രു അ​പ്ര​തീ​ക്ഷി​ത ലോം​ഗ് റേ​ഞ്ച​ർ വി​ക്ഷേ​പി​ച്ചെ​ങ്കി​ലും കൃ​ത്യ​സ്ഥ​ല​ത്ത് നി​ല​യു​റ​പ്പി​ച്ചി​രു​ന്ന ഗു​ർ​മീ​ത് 0 -0 എ​ന്ന സ്കോ​ർ​ലൈ​നി​ൽ മാ​റ്റം വ​രു​ത്താ​ൻ അ​നു​വ​ദി​ച്ചി​ല്ല.