ന്യൂഡല്‍ഹി: മുഖ്യമന്ത്രി പിണറായി വിജയനെ കരിങ്കൊടി കാണിച്ച യുവമോര്‍ച്ച വനിതാ നേതാവിനെ പുരുഷ പോലീസ് കടന്നുപിടിച്ച സംഭവത്തിൽ അന്വേഷണം പ്രഖ്യാപിച്ച് ദേശീയ വനിതാ കമ്മീഷന്‍. വിഷയം ഏറ്റെടുക്കുമെന്നും മാര്‍ച്ച് ഒൻപതിന് കേരളത്തിലെത്തുമെന്നും വനിതാ കമ്മീഷന്‍ അധ്യക്ഷ രേഖ ശര്‍മ ട്വിറ്ററിലൂടെ അറിയിച്ചു.
സംഭവത്തിൽ വനിതാ കമ്മീഷന്‍ ഇടപ്പെടണമെന്ന് ആവശ്യപ്പെട്ടുള്ള മഹിളാ മോര്‍ച്ചയുടെ ട്വീറ്റിന് മറുപടിയായിട്ടാണ് രേഖ ശര്‍മ ഇക്കാര്യം അറിയിച്ചത്.
കഴിഞ്ഞ ദിവസം കോഴിക്കോട് മുണ്ടക്കല്‍താഴം ജംഗ്ഷനില്‍വച്ചായിരുന്നു സംഭവം. മുഖ്യമന്ത്രിയുടെ വാഹനവ്യൂഹത്തിന് നേരെ കരിങ്കൊടി കാണിച്ച കോഴിക്കോട് ജില്ലാ കമ്മിറ്റി അംഗം വിസ്മയ പിലാശേരിയെ പോലീസ് ബലം പ്രയോഗിച്ച് തടയുകയായിരുന്നു. ഇതിന്‍റെ ചിത്രങ്ങള്‍ പുറത്തുവന്നതോടെ സംഭവം വിവാദമായിരുന്നു.
സംഭവത്തിൽ വനിതാ കമ്മീഷന്‍ ഇടപ്പെടണമെന്ന് ആവശ്യപ്പെട്ടുള്ള മഹിളാ മോര്‍ച്ചയുടെ ട്വീറ്റിന് മറുപടിയായിട്ടാണ് രേഖ ശര്‍മ ഇക്കാര്യം അറിയിച്ചത്.
കഴിഞ്ഞ ദിവസം കോഴിക്കോട് മുണ്ടക്കല്‍താഴം ജംഗ്ഷനില്‍വച്ചായിരുന്നു സംഭവം. മുഖ്യമന്ത്രിയുടെ വാഹനവ്യൂഹത്തിന് നേരെ കരിങ്കൊടി കാണിച്ച കോഴിക്കോട് ജില്ലാ കമ്മിറ്റി അംഗം വിസ്മയ പിലാശേരിയെ പോലീസ് ബലം പ്രയോഗിച്ച് തടയുകയായിരുന്നു. ഇതിന്‍റെ ചിത്രങ്ങള്‍ പുറത്തുവന്നതോടെ സംഭവം വിവാദമായിരുന്നു.
