ന്യൂഡല്ഹി: അദാനി ഗ്രൂപ്പിനെതിരായ ഹിന്ഡന്ബര്ഗ് റിപ്പോര്ട്ടുമായി ബന്ധപ്പെട്ട പ്രശ്നങ്ങള് പഠിക്കാന് സുപ്രീംകോടതി വിദഗ്ധ സമിതിയെ നിയോഗിച്ചു. റിട്ട. ജസ്റ്റീസ് അഭയ് മനോഹര് സപ്രെ അധ്യക്ഷനായ അഞ്ചംഗ സമിതിയാണ് അന്വേഷണറിപ്പോര്ട്ട് സമര്പ്പിക്കുക.
ബാങ്കിംഗ് മേഖലയിലെ വിദഗ്ധരായ കെ.വി.കാമത്ത്, ഒ.പി.ഭട്ട്, ഇന്ഫോസിസ് സഹസ്ഥാപകന് നന്ദന് നിലേക്കനി, റിട്ട. ജസ്റ്റീസ് ജെ.പി.ദേവ്ധര് എന്നിവരാണ് സമിതിയിലെ മറ്റംഗങ്ങള്.
നിലവില് നടന്നുകൊണ്ടിരിക്കുന്ന അന്വേഷണത്തില് രണ്ട് മാസത്തിനകം റിപ്പോര്ട്ട് സമര്പ്പിക്കാന് ഓഹരി വിപണി നിയന്ത്രണ ഏജന്സിയായ സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യയ്ക്കും (സെബി) കോടതി നിര്ദേശം നല്കി. അദാനി ഗ്രൂപ്പ് ഓഹരിവിപണിയില് കൃത്രിമം കാണിച്ചോ എന്ന് സെബി പരിശോധിക്കും.
അന്വേഷണത്തില് വിദഗ്ധ സമിതിയെ നിയോഗിക്കുന്നതിന് എതിര്പ്പില്ലെന്ന് കേന്ദ്രസര്ക്കാരും സെബിയും സുപ്രീംകോടതിയെ അറിയിച്ചിരുന്നു. എന്നാല് സമിതിയില് ഉള്പ്പെടുത്താനായി മുദ്രവെച്ച കവറില് കേന്ദ്ര സര്ക്കാര് നല്കിയ പേരുകള് സുപ്രീം കോടതി തള്ളിയിരുന്നു.
ബാങ്കിംഗ് മേഖലയിലെ വിദഗ്ധരായ കെ.വി.കാമത്ത്, ഒ.പി.ഭട്ട്, ഇന്ഫോസിസ് സഹസ്ഥാപകന് നന്ദന് നിലേക്കനി, റിട്ട. ജസ്റ്റീസ് ജെ.പി.ദേവ്ധര് എന്നിവരാണ് സമിതിയിലെ മറ്റംഗങ്ങള്.
നിലവില് നടന്നുകൊണ്ടിരിക്കുന്ന അന്വേഷണത്തില് രണ്ട് മാസത്തിനകം റിപ്പോര്ട്ട് സമര്പ്പിക്കാന് ഓഹരി വിപണി നിയന്ത്രണ ഏജന്സിയായ സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യയ്ക്കും (സെബി) കോടതി നിര്ദേശം നല്കി. അദാനി ഗ്രൂപ്പ് ഓഹരിവിപണിയില് കൃത്രിമം കാണിച്ചോ എന്ന് സെബി പരിശോധിക്കും.
അന്വേഷണത്തില് വിദഗ്ധ സമിതിയെ നിയോഗിക്കുന്നതിന് എതിര്പ്പില്ലെന്ന് കേന്ദ്രസര്ക്കാരും സെബിയും സുപ്രീംകോടതിയെ അറിയിച്ചിരുന്നു. എന്നാല് സമിതിയില് ഉള്പ്പെടുത്താനായി മുദ്രവെച്ച കവറില് കേന്ദ്ര സര്ക്കാര് നല്കിയ പേരുകള് സുപ്രീം കോടതി തള്ളിയിരുന്നു.