സ​മ്പൂ​ർ​ണ വി​ജ​യം; ഇ​ന്ത്യ റാ​ങ്കിം​ഗി​ൽ ഒ​ന്നാ​മ​ത്

ഇ​ൻ​ഡോ​ർ: ന്യൂ​സി​ല​ൻ​ഡി​നെ​തി​രാ​യ ഏ​ക​ദി​ന പ​ര​ന്പ​ര തൂ​ത്തു​വാ​രി ഇ​ന്ത്യ ​റാ​ങ്കിം​ഗി​ൽ പട്ടികയിൽ ഒ​ന്നാ​മ​തെ​ത്തി. നാ​യ​ക​ൻ രോ​ഹി​ത് ശ​ർ​മ(101), ശു​ഭ്മാ​ൻ ഗി​ൽ(112) എ​ന്നി​വ​രു​ടെ സെ​ഞ്ചു​റി​ക​ളു​ടെ ക​രു​ത്തി​ൽ ഇ​ന്ത്യ കെ​ട്ടി​പ്പ​ടു​ത്ത 386 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന കി​വീ​സ് 295 റ​ൺ​സി​ന് പു​റ​ത്താ​യി. 90 റ​ൺ​സി​ന്‍റെ കൂ​റ്റ​ൻ വി​ജ​യ​ത്തോ​ടെ ഇം​ഗ്ല​ണ്ടി​നെ പി​ന്നി​ലാ​ക്കി​യാ​ണ് ഇ​ന്ത്യ ഏകദിന റാ​ങ്കിം​ഗി​ൽ ഒ​ന്നാം സ്ഥാ​നം നേ​ടി​യ​ത്.

സ്കോ​ർ:
ഇ​ന്ത്യ 385/9
ന്യൂ​സി​ല​ൻ​ഡ് 295/10(41.2)

കൂ​റ്റ​ൻ സ്കോ​ർ പി​ന്തു​ട​ർ​ന്ന കി​വീ​സി​നാ​യി ഡെ​വ​ൺ കോ​ൺ​വേ ത​ക​ർ​പ്പ​ൻ സെ​ഞ്ചു​റി നേ​ടി​യെ​ങ്കി​ലും വി​ജ​യം അ​ക​ന്ന് നി​ന്നു. 100 പ​ന്തി​ൽ 14 ഫോ​റും എ​ട്ട് സി​ക്സും പാ​യി​ച്ച് 138 റ​ൺ​സ് നേ​ടി​യാ​ണ് കോ​ൺ​വെ പു​റ​ത്താ​യ​ത്. കോ​ൺ​വെ​യ്ക്ക് പി​ന്തു​ണ ന​ൽ​കാ​ൻ കി​വീ​സ് ബാ​റ്റ​ർ​മാ​ർ​ക്ക് സാ​ധി​ച്ചി​ല്ല. 42 റ​ൺ​സ് നേ​ടി​യ ഹെ​ന്‍​ട്രി നി​ക്കോ​ൾ​സ്, കോ​ൺ​വെയ്ക്കൊപ്പം ര​ണ്ടാം വി​ക്ക​റ്റി​ൽ ടീമിനായി 105 റ​ൺ​സ് കൂ​ട്ടി​ച്ചേ​ർ​ത്തെ​ങ്കി​ലും മ​റ്റ് ബാ​റ്റ​ർ​മാ​ർ നി​രാ​ശ​പ്പെ​ടു​ത്തി.

34 റ​ൺ​സ് നേ​ടി​യ മി​ച്ച​ൽ സാ​ന്‍റ്ന​റാ​ണ് കി​വീ​സ് നി​ര​യി​ലെ മൂ​ന്നാ​മ​ത്തെ മി​ക​ച്ച് സ്കോ​റി​നു​ട​മ. ഒ​ര​റ്റ​ത്ത് വി​ക്ക​റ്റു​ക​ൾ വീ​ഴു​മ്പോ​ഴും കോ​ൺ​വെ പി​ടി​ച്ച് നി​ന്നെ​ങ്കി​ലും ഒ​ടു​വി​ൽ ഉ​മ്രാ​ൻ മാ​ലി​ക്കി​ന്‍റെ പ​ന്തി​ൽ രോ​ഹി​തി​ന് ക്യാ​ച്ച് ന​ൽ​കി മ​ട​ങ്ങി.

മൂ​ന്ന് വി​ക്ക​റ്റ് വീ​തം നേ​ടി​യ ഷാ​ർ​ദു​ൽ ഠാ​ക്കൂ​ർ, കു​ൽ​ദീ​പ് യാ​ദ​വ് എ​ന്നി​വ​രാ​ണ് അ​തി​ഥി​ക​ളു​ടെ ന​ടു​വൊ​ടി​ച്ച​ത്. യു​സ്‌​വേ​ന്ദ്ര ചാ​ഹ​ൽ ര​ണ്ടും ഹാ​ർ​ദി​ക് പാ​ണ്ഡ്യ ഒ​രു വി​ക്ക​റ്റും നേ​ടി.

നേ​ര​ത്തെ, ഇ​ന്ത്യ​ക്കാ​യി രോ​ഹി​ത് - ഗി​ൽ സ​ഖ്യം ഒ​ന്നാം വി​ക്ക​റ്റി​ൽ 212 റ​ൺ​സ് അ​ടി​ച്ചു​കൂ​ട്ടി​യി​രു​ന്നു. രോ​ഹി​ത് ഒ​ൻ​പ​ത് ഫോ​റും ആ​റ് സി​ക്സും പ​റ​ത്തി​യാ​ണ് ഏ​ക​ദി​ന ക​രി​യ​റി​ലെ 30-ാം സെ​ഞ്ചു​റി തി​ക​ച്ച​ത്. ഗി​ൽ 13 ഫോ​റും അ​ഞ്ച് സി​ക്സും നേ​ടി നാ​ലാം ഏ​ക​ദി​ന സെ​ഞ്ചു​റി പൂ​ർ​ത്തി​യാ​ക്കി.

തു​ട​ക്കം മി​ക​ച്ച​താ​യെ​ങ്കി​ലും മ​ധ്യ​നി​ര​യി​ൽ ഇ​ന്ത്യ​യ്ക്ക് കാ​ര്യ​ങ്ങ​ൾ എ​ളു​പ്പ​മാ​യി​രു​ന്നി​ല്ല. തു​ട​ർ​ച്ച​യാ​യി വി​ക്ക​റ്റു​ക​ൾ ന​ഷ്ട​മാ​യ​തോ​ടെ സ്കോ​റിം​ഗ് വേ​ഗ​ത കു​റ​ഞ്ഞു. 54 റ​ൺ​സ് നേ​ടി​യ ഹ​ർ​ദി​ക് പാ​ണ്ഡ്യ​യും 36 റ​ൺ​സ് നേ​ടി​യ വി​രാ​ട് കോ​ഹ്ലി​യു​മാ​ണ് ചേ​ർ​ന്നാ​ണ് പി​ന്നീ​ട് സ്കോ​റിം​ഗ് നി​യ​ന്ത്രി​ച്ച​ത്.

ഒ​രു​ഘ​ട്ട​ത്തി​ൽ ഇ​ന്ത്യ 400 ക​ട​ക്കു​മെ​ന്ന് തോ​ന്നി​ച്ചെ​ങ്കി​ലും വി​ക്ക​റ്റു​ക​ൾ തു​ട​രെ ന​ഷ്ട​മാ​യ​ത് തി​രി​ച്ച​ടി​യാ​യി. കി​വീ​സി​നാ​യി ബ്ലെ​യ​ർ ടി​ക്ന​ർ, ജേ​ക്ക​ബ് ഡ​ഫി എ​ന്നി​വ​ർ മൂ​ന്ന് വീ​തം വി​ക്ക​റ്റു​ക​ൾ വീ​ഴ്ത്തി.