ത​രൂ​രു​മാ​യി സ​ന്ധി​യി​ല്ല; കോ​ൺ​ക്ലേ​വി​ൽ നി​ന്ന് പി​ന്മാ​റി സു​ധാ​ക​ര​ൻ

എ​റ​ണാ​കു​ളം: പ്ര​ഫ​ഷ​ണ​ൽ കോ​ൺ​ഗ്ര​സ് കൊ​ച്ചി​യി​ൽ സം​ഘ​ടി​പ്പി​ക്കു​ന്ന കോ​ൺ​ക്ലേ​വി​ൽ നി​ന്ന് കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ൻ പി​ന്മാ​റി. കോ​ൺ​ക്ലേ​വി​ന്‍റെ ഉ​ദ്ഘാ​ട​ന വേ​ദി​യി​ലെ ശ​ശി ത​രൂ​രി​ന്‍റെ സാ​ന്നി​ധ്യ​മാ​ണ് സു​ധാ​ക​ര​ന്‍റെ പി​ന്മാ​റ്റ​ത്തി​ന് പി​ന്നി​ലെ കാ​ര​ണ​മെ​ന്ന അ​ഭ്യൂ​ഹം ശ​ക്ത​മാ​ണ്.

ഞാ​യ​റാ​ഴ്ച രാ​വി​ലെ ന​ട​ക്കു​ന്ന ഉ​ദ്ഘാ​ട​ന ച​ട​ങ്ങി​ൽ ത​രൂ​രും സു​ധാ​ക​ര​നും ഒ​ന്നി​ച്ച് പ​ങ്കെ​ടു​ക്കു​മെ​ന്നാ​ണ് നേ​ര​ത്തെ അ​റി​യി​ച്ചി​രു​ന്ന​ത്. എ​ന്നാ​ൽ ശ​നി​യാ​ഴ്ച ഉ​ച്ച​യോ​ടെ പ​രി​പാ​ടി‌​യി​ൽ നി​ന്ന് പി​ന്മാ​റു​ന്ന​താ​യി സു​ധാ​ക​ര​ൻ അ​റി​യി​ച്ചു.
‌
മാ​ത്യു കു​ഴ​ൽ​നാ​ട​ൻ, എ​സ്. എ​സ്. ലാ​ൽ എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ത്തു​ന്ന കോ​ൺ​ക്ല​വി​ലെ മു​ഖ്യ പ്ര​ഭാ​ഷ​ക​നാ​ണ് ത​രൂ​ർ. ന​ഗ​ര​ത്തി​ലെ സ്വ​കാ​ര്യ ഹോ​ട്ട​ലി​ൽ മൂ​ന്ന് സെ​ഷ​നു​ക​ളാ​യി ന​ട​ത്തു​ന്ന പ​രി​പാ​ടി​യി​ൽ, ത​രൂ​രി​ന്‍റെ സാ​ന്നി​ധ്യ​മി​ല്ലാ​ത്ത ലീ​ഡേ​ഴ്സ് ഫോ​റ​ത്തി​ൽ പ്ര​ഭാ​ഷ​ക​നാ​യി എ​ത്തു​മെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ അ​റി​യി​ച്ചി​ട്ടു​ണ്ട്.

പാ​ർ​ട്ടി അ​ധ്യ​ക്ഷ തെ​ര​ഞ്ഞെ​ടു​പ്പി​ലെ സ്ഥാ​നാ​ർ​ഥി​ത്വം സ​മ്മാ​നി​ച്ച ഊ​ർ​ജം മു​ത​ലാ​ക്കി സം​സ്ഥാ​ന രാ​ഷ്ട്രീ​യ​ത്തി​ൽ പി​ടി​മു​റു​ക്കാ​നു​ള്ള നീ​ക്ക​ങ്ങ​ൾ ത​രൂ​ർ തു​ട​ങ്ങി​യ​തോ​ടെ​യാ​ണ് ഔ​ദ്യോ​ഗി​ക നേ​തൃ​ത്വം അ​ദേ​ഹ​ത്തോ​ട് നീ​ര​സം പ്ര​ക​ടി​പ്പി​ക്കാ​ൻ തു​ട​ങ്ങി​യ​ത്.