കോ​ണ്‍​ഗ്ര​സ് അ​ധ്യ​ക്ഷ തെ​ര​ഞ്ഞെ​ടു​പ്പ്: പോ​രാ​ട്ടം ഇ​ന്ന്

ന്യൂ​ഡ​ൽ​ഹി: ര​ണ്ടു ദ​ശാ​ബ്ദ​ത്തി​ലേ​റെ കാ​ല​ത്തി​നു​ശേ​ഷം ആ​ദ്യ​മാ​യി കോ​ണ്‍​ഗ്ര​സ് അ​ധ്യ​ക്ഷ​പ​ദ​ത്തി​ലേ​ക്ക് ഇ​ന്നു തെ​ര​ഞ്ഞെ​ടു​പ്പു ന​ട​ക്കു​ന്നു. മു​തി​ർ​ന്ന പാ​ർ​ട്ടി നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ​യും ലോ​ക്സ​ഭാം​ഗ​മാ​യ ഡോ.​ശ​ശി ത​രൂ​രും ത​മ്മി​ലാ​ണു മ​ത്സ​രം. രാ​വി​ലെ പ​ത്തു മു​ത​ൽ വൈ​കു​ന്നേ​രം നാ​ലു വ​രെ​യാ​ണ് വോ​ട്ടിം​ഗ്. 19നാ​ണ് വോ​ട്ടെ​ണ്ണ​ൽ.

കോ​ണ്‍​ഗ്ര​സ് അ​ധ്യ​ക്ഷ​സ്ഥാ​ന​ത്തേ​ക്കു ന​ട​ക്കു​ന്ന തെ​ര​ഞ്ഞെ​ടു​പ്പി​ൽ രാ​ഹു​ൽ ഗാ​ന്ധി ക​ർ​ണാ​ട​ക​യി​ലെ ബെ​ല്ലാ​രി​യി​ൽ വോ​ട്ട് ചെ​യ്യും. ബെ​ല്ലാ​രി​യി​ലെ സം​ഗ​ന​ക്ക​ല്ലി​യി​ലാ​യി​രി​ക്കും രാ​ഹു​ൽ ഗാ​ന്ധി​യും ഭാ​ര​ത് ജോ​ഡോ യാ​ത്ര​യി​ൽ പ​ങ്കെ​ടു​ക്കു​ന്ന 40 പി​സി​സി പ്ര​തി​നി​ധി​ക​ളും വോ​ട്ട് ചെ​യ്യു​ക​യെ​ന്ന് കോ​ണ്‍​ഗ്ര​സ് വ​ക്താ​വ് ജ​യ്റാം ര​മേ​ശ് അ​റി​യി​ച്ചു.

കേ​ര​ള​ത്തി​ലെ വോ​ട്ടെ​ടു​പ്പ് കെ​പി​സി​സി ആ​സ്ഥാ​ന​മാ​യ ഇ​ന്ദി​രാ ഭ​വ​നി​ൽ ഇ​ന്നു രാ​വി​ലെ 10 മു​ത​ൽ വൈ​കു​ന്നേ​രം നാ​ലു വ​രെ ന​ട​ക്കും. പാ​ർ​ട്ടി അ​ധ്യ​ക്ഷ​നെ ക​ണ്ടെ​ത്താ​നു​ള്ള തെ​ര​ഞ്ഞെ​ടു​പ്പി​ൽ 9000ൽ ​അ​ധി​കം പി​സി​സി പ്ര​തി​നി​ധി​ക​ളാ​ണ് വോ​ട്ട് ചെ​യ്യു​ന്ന​ത്.

രാ​ജ്യ​ത്താ​ക​മാ​നം 65 പോ​ളിം​ഗ് ബൂ​ത്തു​ക​ൾ ത​യാ​റാ​ക്കി​യി​ട്ടു​ണ്ട്. സം​സ്ഥാ​ന പി​സി​സി ആ​സ്ഥാ​ന​ങ്ങ​ളി​ലും ഡ​ൽ​ഹി​യി​ലെ എ​ഐ​സി​സി ആ​സ്ഥാ​ന​ത്തു​മാ​ണ് പോ​ളിം​ഗ് ബൂ​ത്തു​ക​ൾ ക്ര​മീ​ക​രി​ച്ചി​രി​ക്കു​ന്ന​ത്. കോ​ണ്‍​ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി​യും പ്രി​യ​ങ്ക ഗാ​ന്ധി​യും എ​ഐ​സി​സി ആ​സ്ഥാ​ന​ത്ത് വോ​ട്ട് ചെ​യ്യും.

പ്ര​ചാ​ര​ണ​ത്തി​ന്‍റെ അ​വ​സാ​ന​ദി​ന​ത്തി​ൽ ക​ർ​ണാ​ട​ക​യി​ലാ​ണ് മ​ല്ലി​കാ​ർ​ജു​ൻ ഖാ​ർ​ഗെ​യു​ള്ള​ത്. രാ​ഹു​ൽ ഗാ​ന്ധി​യു​ടെ ഭാ​ര​ത് ജോ​ഡോ യാ​ത്ര​യി​ലും അ​ദ്ദേ​ഹം പ​ങ്കെ​ടു​ത്തി​രു​ന്നു.

വ​ട​ക്കു-​കി​ഴ​ക്ക​ൻ സം​സ്ഥാ​ന​ങ്ങ​ളി​ൽ പ്ര​ചാ​ര​ണം പൂ​ർ​ത്തി​യാ​ക്കി​യ ശ​ശി ത​രൂ​ർ അ​വ​സാ​ന​ദി​നം സം​ഘ​ട​നാ തെ​ര​ഞ്ഞെ​ടു​പ്പി​ൽ ഏ​റ്റ​വും കൂ​ടു​ത​ൽ വോ​ട്ടു​ള്ള യു​പി​യി​ലാ​യി​രു​ന്നു. ശ​ശി ത​രൂ​രി​ന്‍റെ പ​രാ​തി​യെ​ത്തു​ട​ർ​ന്നു കോ​ണ്‍​ഗ്ര​സ് അ​ധ്യ​ക്ഷ തെ​ര​ഞ്ഞെ​ടു​പ്പി​ന്‍റെ വോ​ട്ടിം​ഗ് രീ​തി​യി​ൽ മാ​റ്റം വ​രു​ത്തി​യി​ട്ടു​ണ്ട്.

വോ​ട്ട് ചെ​യ്യാ​ൻ സ്ഥാ​നാ​ർ​ഥി​യു​ടെ പേ​രി​ന​ടു​ത്ത് ടി​ക് മാ​ർ​ക്ക് രേ​ഖ​പ്പെ​ടു​ത്തി​യാ​ൽ മ​തി. സ്ഥാ​നാ​ർ​ഥി​യു​ടെ പേ​രി​ന് നേ​രെ അ​ക്ക​ത്തി​ൽ ഒ​ന്ന് എ​ന്നെ​ഴു​തി​യാ​ൽ മ​തി​യെ​ന്നാ​യി​രു​ന്നു ആ​ദ്യ നി​ർ​ദേ​ശം. ഒ​ന്ന് എ​ന്നെ​ഴു​തു​ന്ന​ത് ബാ​ല​റ്റ് പേ​പ്പ​റി​ൽ ആ​ദ്യ പേ​രു​ള്ള മ​ല്ലി​കാ​ർ​ജു​ൻ ഖാ​ർ​ഗെ​യ്ക്ക് വോ​ട്ട് ചെ​യ്യ​ണം എ​ന്നു​ള്ള ആ​ഹ്വാ​ന​മാ​യി വ്യാ​ഖ്യാ​നി​ക്കും എ​ന്നു ത​രൂ​ർ പ​രാ​തി ഉ​ന്ന​യി​ച്ചി​രു​ന്നു.

തെ​ര​ഞ്ഞെ​ടു​പ്പ് ക​മ്മി​റ്റി ചെ​യ​ർ​മാ​ൻ മ​ധു​സൂ​ദ​ൻ മി​സ്ത്രി​യു​മാ​യി ത​രൂ​ർ ഈ ​വി​ഷ​യം ച​ർ​ച്ച ചെ​യ്തു. ഇ​തി​നു പി​ന്നാ​ലെ​യാ​ണ് വോ​ട്ടിം​ഗ് രീ​തി മാ​റ്റി​യ​ത്. അ​തേ​സ​മ​യം, എ​ഐ​സി​സി പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ലെ വോ​ട്ട​ർ​പ​ട്ടി​ക​യെ​ക്കു​റി​ച്ചു ത​രൂ​ർ ഉ​ന്ന​യി​ച്ച പ​രാ​തി​യി​ൽ ന​ട​പ​ടി​യു​ണ്ടാ​യി​ല്ല. 9,376 വോ​ട്ട​ർ​മാ​രാ​ണ് പ​ട്ടി​ക​യി​ലു​ള്ള​ത്. ഇ​തി​ൽ 3267 പേ​രു​ടെ മേ​ൽ​വി​ലാ​സ​മി​ല്ലെ​ന്നാ​യി​രു​ന്നു പ​രാ​തി.