ഗോ​ൾ മ​ഴ തീ​ർ​ത്ത് എ​ടി​കെ; ബ്ലാ​സ്റ്റേ​ഴ്സി​ന് നാ​ണം​കെ​ട്ട തോ​ൽ​വി

കൊ​ച്ചി: ചാ​റി​നി​ന്ന മ​ഴ​യി​ൽ പെ​യ്തു നി​റ​ഞ്ഞ​ത് ബ്ലാ​സ്റ്റേ​ഴ്സി​ന്‍റെ ക​ണ്ണീ​ർ. ആ​ദ്യ​വി​ജ​യ​ത്തി​ന്‍റെ ആ​വേ​ശ​വു​മാ​യെ​ത്തി​യ കേ​ര​ള ബ്ലാ​സ്റ്റേ​ഴ്സി​ന് സ്വ​ന്തം മൈ​താ​ന​ത്ത് ക​ന​ത്ത തോ​ൽ​വി. എ​ടി​കെ മോ​ഹ​ൻ ബ​ഗാ​ൻ ര​ണ്ടി​നെ​തി​രെ അ​ഞ്ച് ഗോ​ളു​ക​ൾ​ക്ക് ബ്ലാ​സ്റ്റേ​ഴ്സി​നെ പ​രാ​ജ​യ​പ്പെ​ടു​ത്തി.

ദി​മി​ത്രി പെ​ട്രാ​റ്റോ​സി​ന്‍റെ ഹാ​ട്രി​ക് മി​കവി​ലാ​ണ് പൂ​ത്തു​നി​ന്ന മ​ഞ്ഞ​യു​ടെ ആ​ര​വ​ത്തെ എ​ടി​കെ അ​ടി​ച്ചു​കൊ​ഴി​ച്ച​ത്. ജോ​ണി കോ​കോ, ലെ​ന്നി റോ​ഡ്രി​ഗ്ര​സ് എ​ന്നി​വ​രും എ​ടി​കെ​യ്ക്കാ​യി ഗോ​ൾ നേ​ടി. ഇ​വാ​ൻ‌ ക​ല്യൂ​ഷ്ണി​യും രാ​ഹു​ൽ കെ.​പി​യു​മാ​ണ് ബ്ലാ​സ്റ്റേ​ഴ്സി​നാ​യി സ്കോ​ർ ചെ​യ്ത​ത്.

പ്ര​തി​രോ​ധം തു​റ​ന്നി​ട്ട ബ്ലാ​സ്റ്റേ​ഴ്സ് സ്വ​യം​ഹ​ത്യ ചെ​യ്യു​ക​യാ​യി​രു​ന്നു. ക​ളി​യു​ടെ 57 ശ​ത​മാ​നം സ​മ​യ​വും പ​ന്ത് കൈ​വ​ശം വ​ച്ചി​ട്ടും ദ​യ​നീ​യ​മാ​യി തോ​റ്റു.

ആ​ദ്യ മി​നി​റ്റ് മു​ത​ൽ ഇ​ര​മ്പി​യാ​ർ​ത്ത ബ്ലാ​സ്റ്റേ​ഴ്സ് ആ​റാം മി​നി​റ്റി​ൽ ല​ക്ഷ്യം ക​ണ്ടു. സ​ഹ​ലി​ന്‍റെ ക്രോ​സി​ൽ ഇ​വാ​ൻ എ​ടി​കെ വ​ല കു​ലു​ക്കി. നി​റ​ഞ്ഞു​ക​വി​ഞ്ഞ സ്റ്റേ​ഡി​യം മ​ഞ്ഞ​പൂ​ത്തി​രി​പോ​ലെ പൊ​ട്ടി​ത്തെ​റി​ച്ചു. ലീ​ഡ് എ​ടു​ത്ത​തോ​ടെ ക​ളി വേ​ഗം കു​റ​ച്ച ബ്ലാ​സ്റ്റേ​ഴ്സി​ന് പ​ണി​കി​ട്ടി.

ഹ്യൂ​ഗോ ബോ​മ​സി​ന്‍റെ മു​ന്നേ​റ്റം ത​ട‍​യാ​ൻ ബ്ലാ​സ്റ്റേ​ഴ്സ് പ്ര​തി​രോ​ധ​ത്തി​നാ​യി​ല്ല. ബോ​ക്സി​നു​ള്ളി​ൽ ബോ​മ​സ് പ​ന്ത് പെ​ട്രാ​റ്റോ​സി​ന് കൈ​മാ​റി. പെ​ട്രാ​റ്റോ​സി​ന്‍റെ അ​ടി ബ്ലാ​സ്റ്റേ​ഴ്സ് നെ​ഞ്ചി​ൽ. സ്റ്റേ​ഡി​യം നി​ശ​ബ്ദം.

ആ​ദ്യ പ​കു​തി അ​വ​സാ​നി​ക്കും മു​ൻ​പ് ജോ​ണി കോ​കോ വീ​ണ്ടും മ​ഞ്ഞ​പ്പ​ട​യെ ശി​ക്ഷി​ച്ചു. മ​ൻ​വീ​ർ സിം​ഗ് ക​ട്ട് ചെ​യ്തു​കൊ​ടു​ത്ത പ​ന്ത് ഓ​ടി​യെ​ടു​ത്ത കോ​കോ​യു​ടെ ശ​ക്ത​മാ​യ ഷോ​ട്ട്. ഗി​ല്ലി​നെ മ​റി​ക​ട​ന്ന പ​ന്ത് എ​ടി​കെ​യു​ടെ ലീ​ഡ് കൂ​ട്ടി.

62 ാം മി​നി​റ്റി​ൽ പെ​ട്രാ​റ്റോ​സ് എ​ട​കെ ലീ​ഡ് മൂ​ന്നാ​യി ഉ​യ​ർ​ത്തി. ലി​സ്റ്റ​ൻ കൊ​ളാ​സോ​യാ​യി​രു​ന്നു ഗോ​ൾ ശി​ൽ​പ്പി. ബോ​ക്സി​ലേ​ക്ക് ഓ​ടി​ക്ക​യ​റി​യ കൊ​ളാ​സോ പ​ന്ത് പെ​ട്രാ​റ്റോ​സി​ന് മ​റി​ച്ചു. ആ​ളി​ല്ലാ പോ​സ്റ്റി​ൽ പെ​ട്രാ​റ്റോ​സി​ന് പി​ഴ​ച്ചി​ല്ല.

ക​ളി അ​വ​സാ​ന നി​മി​ഷ​ങ്ങ​ളി​ലേ​ക്ക് ക​ട​ക്കു​മ്പോ​ൾ വീ​ണ്ടും സ്റ്റേ​ഡി​യം ബ്ലാ​സ്റ്റേ​ഴ്സി​നാ​യി തൊ​ണ്ട​പൊ​ട്ടി​വി​ളി​ച്ചു. സ​മ​നി​ല ഗോ​ളി​നാ​യു​ള്ള ആ​ര​വം പ​ക​ര​ക്കാ​ര​നാ​യെ​ത്തി​യ രാ​ഹു​ൽ കെ.​പി​യെ കാ​ലി​ൽ ആ​വേ​ശി​ച്ചു. ബോ​ക്സി​നു വ​ല​ത് മൂ​ല​യി​ൽ​നി​ന്നും തൊ​ടു​ത്ത ഷോ​ട്ട് എ​ടി​കെ ഗോ​ളി വി​ശാ​ൽ കെ​യ്ത്തി​ന്‍റെ കൈ​യ്ക്കി​ട​യി​ലൂ​ടെ ചോ​ർ​ന്ന് വ​ല​യി​ൽ ക​യ​റി.

35 ആ​യി​ര​ത്തോ​ളം തൊ​ണ്ട​ക​ൾ വീ​ണ്ടും ആ​ർ​ത്ത​ല​ച്ചു. എ​ന്നാ​ൽ 88 ാം മി​നി​റ്റി​ൽ ലെ​ന്നി​യും ഇ​ഞ്ചു​റി ടൈ​മി​ൽ പെ​ട്രാ​റ്റോ​സും ബ്ലാ​സ്റ്റേ​ഴ്സി​ന്‍റെ പെ​ട്ടി​യി​ൽ അ​വ​സാ​ന ആ​ണി​യും അ​ടി​ച്ചു.