തിരുവനന്തപുരം: ടൂറിസ്റ്റ് ബസുകളുടെ ഏകീകൃത കളര്‍കോഡ് നടപ്പിലാക്കാന്‍ സാവകാശം നല്‍കില്ലെന്ന് സര്‍ക്കാര്‍. കളര്‍കോഡ് ലംഘിക്കുന്ന വാഹനങ്ങള്‍ ഇന്നു മുതല്‍ നിരത്തിലിറങ്ങുന്നത് തടയുമെന്ന തീരുമാനത്തില്‍ മാറ്റമില്ലെന്ന് ഗതാഗത മന്ത്രി ആന്‍റണി രാജു പറഞ്ഞു.
ബസുടമകളുമായി നടത്തിയ ചര്‍ച്ചയിലാണ് മന്ത്രിയുടെ പ്രതികരണം. അതേസമയം ഒറ്റദിവസംകൊണ്ട് പെയിന്‍റ് മാറ്റിയടിച്ച് ബസ് നിരത്തിലിറക്കുക പ്രായോഗികമല്ലെന്ന് ബസുടമകള്‍ പറഞ്ഞു.
ഇതിനു വലിയൊരു തുക ചെലവാകും. അടുത്ത ഫിറ്റ്‌നസ് ടെസ്റ്റ് നടത്തുന്നതുവരെ സാവകാശം വേണമെന്നാണ് ബസുടമകളുടെ ആവശ്യം. എന്നാല്‍ ബസുടമകളുടെ ആവശ്യം മന്ത്രി തള്ളിയ സാഹചര്യത്തില്‍ കോടതിയെ സമീപിക്കാനാണ് ഇവരുടെ നീക്കം.
കളര്‍ കോഡ് ലംഘിക്കുന്ന വാഹനങ്ങള്‍ ഇന്നു മുതല്‍ സര്‍വീസ് നടത്തുന്നത് തടയുമെന്ന് ആന്‍റണി രാജു തിങ്കളാഴ്ചയാണ് പ്രഖ്യാപിച്ചിരുന്നു. ടൂറിസ്റ്റ് ബസ് ഉള്‍പ്പെടുന്ന കോണ്‍ട്രാക്ട് കാര്യേജ് വാഹനങ്ങള്‍ വെള്ള നിറത്തില്‍ വയലറ്റ് ലൈന്‍ ബോര്‍ഡര്‍ ആക്കണമെന്നാണ് മന്ത്രി അറിയിച്ചത്. ഏകീകൃത കളര്‍ കോഡ് നടപ്പിലാക്കാന്‍ നേരത്തെ ഡിസംബര്‍ വരെ സമയം അനുവദിച്ചിരുന്നു.
എന്നാല്‍ വടക്കഞ്ചേരി അപകടത്തിന്‍റെ പശ്ചാത്തലത്തില്‍ ഇന്നലെ ചേര്‍ന്ന ഉന്നതതല യോഗത്തിലാണ് ഇന്നു മുതല്‍ ഇത് നടപ്പിലാക്കാന്‍ തീരുമാനിച്ചത്.
ബസുടമകളുമായി നടത്തിയ ചര്‍ച്ചയിലാണ് മന്ത്രിയുടെ പ്രതികരണം. അതേസമയം ഒറ്റദിവസംകൊണ്ട് പെയിന്‍റ് മാറ്റിയടിച്ച് ബസ് നിരത്തിലിറക്കുക പ്രായോഗികമല്ലെന്ന് ബസുടമകള്‍ പറഞ്ഞു.
ഇതിനു വലിയൊരു തുക ചെലവാകും. അടുത്ത ഫിറ്റ്‌നസ് ടെസ്റ്റ് നടത്തുന്നതുവരെ സാവകാശം വേണമെന്നാണ് ബസുടമകളുടെ ആവശ്യം. എന്നാല്‍ ബസുടമകളുടെ ആവശ്യം മന്ത്രി തള്ളിയ സാഹചര്യത്തില്‍ കോടതിയെ സമീപിക്കാനാണ് ഇവരുടെ നീക്കം.
കളര്‍ കോഡ് ലംഘിക്കുന്ന വാഹനങ്ങള്‍ ഇന്നു മുതല്‍ സര്‍വീസ് നടത്തുന്നത് തടയുമെന്ന് ആന്‍റണി രാജു തിങ്കളാഴ്ചയാണ് പ്രഖ്യാപിച്ചിരുന്നു. ടൂറിസ്റ്റ് ബസ് ഉള്‍പ്പെടുന്ന കോണ്‍ട്രാക്ട് കാര്യേജ് വാഹനങ്ങള്‍ വെള്ള നിറത്തില്‍ വയലറ്റ് ലൈന്‍ ബോര്‍ഡര്‍ ആക്കണമെന്നാണ് മന്ത്രി അറിയിച്ചത്. ഏകീകൃത കളര്‍ കോഡ് നടപ്പിലാക്കാന്‍ നേരത്തെ ഡിസംബര്‍ വരെ സമയം അനുവദിച്ചിരുന്നു.
എന്നാല്‍ വടക്കഞ്ചേരി അപകടത്തിന്‍റെ പശ്ചാത്തലത്തില്‍ ഇന്നലെ ചേര്‍ന്ന ഉന്നതതല യോഗത്തിലാണ് ഇന്നു മുതല്‍ ഇത് നടപ്പിലാക്കാന്‍ തീരുമാനിച്ചത്.
