പയ്യന്നൂർ: പയ്യന്നൂർ യോദ്ധാ കളരിപ്പയറ്റ് അക്കാദമിയിലെ വിദ്യാർഥി ശ്യാംജിത്ത് സുമിത്രൻ ഹൈദരാബാദിൽ നടക്കുന്ന ദേശീയ സാംസ്കാരികോത്സവത്തിൽ പങ്കെടുക്കും. 2013 മുതൽ കേന്ദ്ര സാംസ്കാരിക വകുപ്പിന്റെ സിസിആർടി സ്കോളർഷിപ്പ് ലഭിക്കുന്ന ശ്യാംജിത്തിന് ഇതിനുള്ള ക്ഷണം ലഭിച്ചു. കളരിപ്പയറ്റ് വിദഗ്ധനായ എ.കെ.വേണുഗോപാലന്റെ ശിഷ്യനായ ശ്യാംജിത്ത് വിവിധ സംസ്ഥാനങ്ങളിൽ കളരിപ്പയറ്റ് അവതരിപ്പിച്ചിട്ടുണ്ട്. പയ്യന്നൂരിലെ വ്യാപാരി വി.പി.സുമിത്രന്റേയും രമണിയുടേയും മകനും പരിയാരം ഉർസുലൈൻ സീനിയർ സെക്കൻഡറി സ്കൂൾ വിദ്യാർഥിയുമാണ് ശ്യാംജിത്ത്.