താമരശേരി: കിണറിൽ വീണ് തൊഴിലാളിക്ക് പരിക്കേറ്റു. നൂറാംതോട് കൊച്ചുമാരിയിൽ സജ്നാസ്(30)ന് ആണ് പരിക്കേറ്റത്. വെളളിയാഴ്ച വൈകുന്നേരമാണ് സംഭവം. നൂറാംതോട് നെല്ലോടൻകണ്ടി സോമന്റെ വീട്ടുവളപ്പിലെ കിണർ വൃത്തിയാക്കി കയറുന്നതിനിടെ അസ്വസ്ഥത അനുഭവപ്പെട്ട സജ്നാസ് താഴേക്കിറങ്ങാൻ ശ്രമിച്ചെങ്കിലും പിടിവിട് വീഴുകയായിരുന്നു. പാറക്കുമുകളിൽ വീണ സജ്നാസിന്റെ കാലിന്റെ തുടയെല്ല് പൊട്ടി. ഇതോടെ രക്ഷപ്പെടുത്താനുള്ള നാട്ടുകാരുടെ ശ്രമം വിഫലമായി. മുക്കത്തുനിന്നും ഫയർഫോഴ്സ് എത്തിയാണ് രക്ഷപ്പെടുത്തിയത്. ഇയാളെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.