താമരശേരി: വിദ്യാഭ്യാസ ജില്ലയിൽ നിന്ന് 2016 ലെ കെ-ടെറ്റ് വിജയിച്ചവരുടെ സർട്ടിഫിക്കറ്റുകളുടെ അസൽ പരിശോധന 20, 21 തീയതികളിൽ താമരശേരി ജില്ലാ വിദ്യാഭ്യാസ ഓഫീസിൽ നടത്തുമെന്ന് ഡിഇഒ അറിയച്ചു. യോഗ്യതാ സർട്ടിഫിക്കറ്റുകളുടെ ഒർജിനലും പകർപ്പും ഹാൾടിക്കറ്റിന്റെ പകർപ്പും സഹിതം ഹാജരാകണം. മാർക്കിലും ഫീസിലും ഇളവുണ്ടായിരന്ന വിഭാഗക്കാർ അതുതെളിയിക്കുന്നതിനുള്ള രേഖകളും പകർപ്പും കൊണ്ടുവരണം. അന്യസംസ്ഥാനങ്ങളിലെ യൂണിവേഴ്സിറ്റി/ബോർഡുകളിൽ നിന്നും ലഭിച്ച സർട്ടിഫിക്കറ്റുകളുടെ നിജസ്ഥിതി പരിശോധിച്ച ശേഷമേ റിപ്പോർട്ട് പരീക്ഷാ ഭവനിലേക്ക് അയയ്ക്കുകയുള്ളു. ഇതിനുള്ള ഫീസ് യൂണിവേഴ്സിറ്റിയുടെ പേരിൽ ഡിഡിയായി സമർപ്പിക്കണം. കാറ്റഗറി ഒന്ന്, രണ്ട് വിഭാഗക്കാർക്ക് 20ന് രാവിലെ 10 മുതലും മൂന്ന്, നാല് വിഭാഗങ്ങൾക്ക് 21ന് രാവിലെ 10 മുതലുമാണ് സർട്ടിഫിക്കറ്റ് പരിശോധന.