ആലക്കോട്: മലബാർ വികസന സമിതിയുടെ നേതൃത്വത്തിൽ പരിസ്ഥിതി സൗഹൃദ ടൂറിസം വികസിപ്പിക്കുന്നതിന്റെ ഭാഗമായി പാത്തൻപാറ കുട്ടിപ്പുല്ലിലേക്ക് പഠനയാത്ര സംഘടിപ്പിച്ചു.
ഉത്തരമലബാറിലെ പ്രധാന ടൂറിസം കേന്ദ്രമായ പൈതൽമലയുടെ താഴ്വരയിൽ മൂവായിരത്തിലധികം അടി ഉയരത്തിൽ സ്ഥിതി ചെയ്യുന്ന കുട്ടിപ്പുല്ല് അടുത്തിടെ മലബാറിലെ ടൂറിസം മേഖലയിൽ ഏറെ ചർച്ചാവിഷയമായ പ്രദേശമാണ്.
പാലക്കയംതട്ടുപോലെ മനോഹരവും പൈതൽമലയുടെ നേർക്കാഴ്ചകൾ തിങ്ങിനിറഞ്ഞതുമായ പ്രദേശമാണ് കുട്ടിപ്പുല്ല്. പൈതൽമല ഭാഗികമായി കാണാമെന്നതും കുടകുമലനിരകളുടെയും കോടമഞ്ഞിന്റെയും കാണാക്കാഴ്ചകൾ കുട്ടിപ്പുല്ലിൽ സഞ്ചാരികൾക്ക് വിരുന്നൊരുക്കുന്നതും കുട്ടിപ്പുല്ലിലെ ടൂറിസം സാധ്യതകളിലേക്കു വിരൽചൂണ്ടുന്നു.
ചെന്പേരിയിൽ നിന്നും കുടിയാൻമല വഴിയും കരുവഞ്ചാലിൽ നിന്നും പാത്തൻപാറ വഴിയും നരയൻകല്ല് തട്ടിലെത്തി അവിടെ നിന്നും കുട്ടിപ്പുല്ലിലേക്ക് വളരെ എളുപ്പത്തിൽ എത്താം.
മലബാർ വികസന സമിതിയുടെ നേതൃത്വത്തിൽ നടന്ന പഠനയാത്ര നാഗ്പൂർ ഹൈക്കോടതിയിലെ അഭിഭാഷകൻ പി.സി. ബാസിദ് ഉദ്ഘാടനം ചെയ്തു. വികസനസമിതി പ്രസിഡന്റ് അഡ്വ. ബിനോയി തോമസ് അധ്യക്ഷത വഹിച്ചു.
ദീപു ജോൺ, ചാക്കോ പുതിയപറന്പിൽ, ബെന്നി ആന്റണി, ബെന്നിച്ചൻ കൊച്ചുപുരയിൽ എന്നിവർ പഠനയാത്രയ്ക്ക് നേതൃത്വം നൽകി.
കുട്ടിപ്പുല്ല് ടൂറിസം കേന്ദ്രമായി ഉയർത്തണമെന്ന് വികസനസമിതി അധികൃതരോട് ആവശ്യപ്പെട്ടു. നൂറോളം പേർ പരിപാടിയിൽ പങ്കെടുത്തു.
ഉത്തരമലബാറിലെ പ്രധാന ടൂറിസം കേന്ദ്രമായ പൈതൽമലയുടെ താഴ്വരയിൽ മൂവായിരത്തിലധികം അടി ഉയരത്തിൽ സ്ഥിതി ചെയ്യുന്ന കുട്ടിപ്പുല്ല് അടുത്തിടെ മലബാറിലെ ടൂറിസം മേഖലയിൽ ഏറെ ചർച്ചാവിഷയമായ പ്രദേശമാണ്.
പാലക്കയംതട്ടുപോലെ മനോഹരവും പൈതൽമലയുടെ നേർക്കാഴ്ചകൾ തിങ്ങിനിറഞ്ഞതുമായ പ്രദേശമാണ് കുട്ടിപ്പുല്ല്. പൈതൽമല ഭാഗികമായി കാണാമെന്നതും കുടകുമലനിരകളുടെയും കോടമഞ്ഞിന്റെയും കാണാക്കാഴ്ചകൾ കുട്ടിപ്പുല്ലിൽ സഞ്ചാരികൾക്ക് വിരുന്നൊരുക്കുന്നതും കുട്ടിപ്പുല്ലിലെ ടൂറിസം സാധ്യതകളിലേക്കു വിരൽചൂണ്ടുന്നു.
ചെന്പേരിയിൽ നിന്നും കുടിയാൻമല വഴിയും കരുവഞ്ചാലിൽ നിന്നും പാത്തൻപാറ വഴിയും നരയൻകല്ല് തട്ടിലെത്തി അവിടെ നിന്നും കുട്ടിപ്പുല്ലിലേക്ക് വളരെ എളുപ്പത്തിൽ എത്താം.
മലബാർ വികസന സമിതിയുടെ നേതൃത്വത്തിൽ നടന്ന പഠനയാത്ര നാഗ്പൂർ ഹൈക്കോടതിയിലെ അഭിഭാഷകൻ പി.സി. ബാസിദ് ഉദ്ഘാടനം ചെയ്തു. വികസനസമിതി പ്രസിഡന്റ് അഡ്വ. ബിനോയി തോമസ് അധ്യക്ഷത വഹിച്ചു.
ദീപു ജോൺ, ചാക്കോ പുതിയപറന്പിൽ, ബെന്നി ആന്റണി, ബെന്നിച്ചൻ കൊച്ചുപുരയിൽ എന്നിവർ പഠനയാത്രയ്ക്ക് നേതൃത്വം നൽകി.
കുട്ടിപ്പുല്ല് ടൂറിസം കേന്ദ്രമായി ഉയർത്തണമെന്ന് വികസനസമിതി അധികൃതരോട് ആവശ്യപ്പെട്ടു. നൂറോളം പേർ പരിപാടിയിൽ പങ്കെടുത്തു.