മെഡിക്കൽ കോളജ് : വാഹനാപകടത്തിൽ പരിക്കേറ്റ് മൂന്നു മാസമായി ചികിത്സയിലായിരുന്ന യുവതി മരിച്ചു. ഒറ്റശേഖരമംഗലം മണ്ഡപത്തിൻകടവ് കുറ്ററ അകരത്തുവിള വീട്ടിൽ പ്രിൻസി മേരി (32) ആണ് മരിച്ചത്. കഴിഞ്ഞ നവംബർ മാസം കാട്ടാക്കടക്കു സമീപം ബൈക്കിൽ ബസിടിച്ചായിരുന്ന അപകടം. ചികിത്സയ്ക്കു ശേഷം വീട്ടിൽ വിശ്രമിക്കുകയായിരുന്ന ഇവരെ വീണ്ടും അസ്വസ്ഥത തോന്നിയതിനെ തുടർന്ന് മെഡിക്കൽ കോളജ് ആശുപത്രിയിൽ എത്തിച്ചെങ്കിലും ഇന്നലെ രാത്രി മരിക്കുകയായിരുന്നു.. മൃതദേഹം പോസ്റ്റുമോർട്ടത്തിനു ശേഷം ഇന്നു സംസ്കരിക്കും. കാട്ടാക്കട പോലീസ് കേസെടുത്തു. ഭർത്താവ് : രാജേന്ദ്രപ്രസാദ്.