ചക്കരക്കൽ: ചക്കരക്കൽ പോലീസ് സ്റ്റേഷൻ പരിധിയിൽ രണ്ടു വാഹനാപകടങ്ങളിലായി രണ്ടു യുവാക്കൾ മരിച്ചു. മൂന്നുപെരിയയിൽ നിയന്ത്രണം വിട്ട ബൈക്ക് മതിലിലിടിച്ച് ബൈക്കിനു പിറകിൽ സഞ്ചരിക്കുകയായിരുന്ന കടന്പൂർ മമ്മാക്കുന്ന് തമാം വീട്ടിൽ ഇബ്രാഹിമിന്റെ മകൻ ഇസാഖ് (26) ആണു മരിച്ചത്. ബൈക്ക് ഓടിച്ച അർഷാദിനും പരിക്കേറ്റു. ശനിയാഴ്ച രാത്രി 11.45 ഓടെ മൂന്നുപെരിയയിലായിരുന്നു സംഭവം. റോഡിലേക്കു തെറിച്ചുവീണു പരിക്കേറ്റ ഇസാഖിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കോയ്യോട് ശനിയാഴ്ച മിനി ലോറി ബൈക്കിലിടിച്ച് പതിനാറുകാരൻ മരിച്ചു. കോയ്യോട് കേളപ്പൻമുക്കിലെ കദീജ മൻസിലിൽ റഹീമിന്റെ മകൻ സി.കെ. റഹഫത്ത് (16) ആണ് മരിച്ചത്. ബൈക്കിന്റെ പിറകിൽ യാത്ര ചെയ്തിരുന്ന കോയ്യോട് സ്വദേശി റാഹിദിനും പരിക്കേറ്റു. ശനിയാഴ്ച രാത്രി ഏഴോടെയായിരുന്നു സംഭവം. ചക്കരക്കല്ലിലേക്കു ബൈക്കിൽ പോകുന്നതിനിടയിൽ എതിരേ വന്ന കെഎൽ 59 സി 4520 മിനി ലോറിയിടിച്ചായിരുന്നു അപകടം.
പരിക്കേറ്റ ഇരുവരേയും അഞ്ചരക്കണ്ടി മെഡിക്കൽ കോളജിൽ പ്രവേശിപ്പിച്ചുവെങ്കിലും ഗുരുതരമായി പരിക്കേറ്റ റഹഫത്തിനെ പിന്നീട് പരിയാരം മെഡിക്കൽ കോളജിലേക്കു മാറ്റുകയായിരുന്നു. എന്നാൽ ശനിയാഴ്ച അർധരാത്രി പന്ത്രണ്ടോടെ മരിച്ചു.
കോയ്യോട് ശനിയാഴ്ച മിനി ലോറി ബൈക്കിലിടിച്ച് പതിനാറുകാരൻ മരിച്ചു. കോയ്യോട് കേളപ്പൻമുക്കിലെ കദീജ മൻസിലിൽ റഹീമിന്റെ മകൻ സി.കെ. റഹഫത്ത് (16) ആണ് മരിച്ചത്. ബൈക്കിന്റെ പിറകിൽ യാത്ര ചെയ്തിരുന്ന കോയ്യോട് സ്വദേശി റാഹിദിനും പരിക്കേറ്റു. ശനിയാഴ്ച രാത്രി ഏഴോടെയായിരുന്നു സംഭവം. ചക്കരക്കല്ലിലേക്കു ബൈക്കിൽ പോകുന്നതിനിടയിൽ എതിരേ വന്ന കെഎൽ 59 സി 4520 മിനി ലോറിയിടിച്ചായിരുന്നു അപകടം.
പരിക്കേറ്റ ഇരുവരേയും അഞ്ചരക്കണ്ടി മെഡിക്കൽ കോളജിൽ പ്രവേശിപ്പിച്ചുവെങ്കിലും ഗുരുതരമായി പരിക്കേറ്റ റഹഫത്തിനെ പിന്നീട് പരിയാരം മെഡിക്കൽ കോളജിലേക്കു മാറ്റുകയായിരുന്നു. എന്നാൽ ശനിയാഴ്ച അർധരാത്രി പന്ത്രണ്ടോടെ മരിച്ചു.