ചെന്പേരി: പാന്പുകടിയേറ്റ് ചികിത്സയിലായിരുന്ന യുവാവ് മരിച്ചു. മണ്ണംകുണ്ടിലെ പരേതനായ പാലയ്ക്കപ്പറന്പിൽ സുബ്രഹ്മണ്യൻ-സുലോചന ദന്പതികളുടെ മകൻ ചെന്പേരിയിൽ ലോറി ഡ്രൈവറായിരുന്ന സുനിൽകുമാർ (35) ആണ് മരിച്ചത്. വെള്ളിയാഴ്ച രാത്രി വീട്ടുപറന്പിൽ നിന്നും പാന്പുകടിയേറ്റ സുനിൽകുമാറിനെ ആദ്യം നാട്ടിൽത്തന്നെയുള്ള പാരന്പര്യ വിഷചികിത്സയ്ക്ക് വിധേയനാക്കിയിരുന്നു. പിന്നീട് അവശനിലയിലായതിനെത്തുടർന്ന് പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ഞായറാഴ്ച രാവിലെ 10.30 ഓടെ മരണം സംഭവിക്കുകയായിരുന്നു. സംസ്കാരം ഇന്നുരാവിലെ 10ന് പൂപ്പറന്പിലുള്ള ഏരുവേശി പഞ്ചായത്ത് പൊതുശ്മശാനത്തിൽ. ഭാര്യ: ആശ ചെറുപുഴ തിരുമേനി വാഴയിൽ കുടുംബാംഗം. മകൾ: വൈഗ (മിഡിലാക്കയം ആംഗൻവാടി വിദ്യാർഥിനി).