കണ്ണൂർ: നോർത്ത് മലബാർ ചേംബർ ഓഫ് കോമേഴ്സ് ആരംഭിച്ച അവസർ പദ്ധതിയുടെ ഔപചാരിക ഉദ്ഘാടനം നാളെ രാവിലെ 10 ന് ചേംബർ ഹാളിൽ കണ്ണൂർ സർവകലാശാല പ്രോ-വൈസ് ചാൻസിലർ ഡോ. ടി. അശോകൻ നിർവഹിക്കും. കണ്ണൂർ, കാസർഗോഡ്, വയനാട് ജില്ലകളിലെ അഭ്യസ്തവിദ്യരായ തൊഴിലന്വേഷകരായ യുവതീയുവാക്കൾക്ക് അവരുടെ അഭിരുചിക്കനുസരിച്ചു തൊഴിൽ നേടാൻ ആവശ്യമായ തൊഴിൽ പരിശീലനവും തുടർന്നു തൊഴിലും നൽകുക എന്നതാണ് അവസർ പദ്ധതി ലക്ഷ്യമാക്കുന്നത്. നോർത്ത് മലബാർ ചേംബർ ഓഫ് കോമേഴ്സ് ആരംഭിച്ച അവസർ പദ്ധതിയുടെ ആദ്യ ബാച്ചിലൂടെ പരിശീലനം നേടിയവർക്കുള്ള സർട്ടിഫിക്കറ്റ് വിതരണവും തദ്ദവസരത്തിൽ നടക്കും. തൊഴിൽ അന്വേഷകർക്കും തൊഴിൽദാതാക്കൾക്കും ചേംബർ വെബ്സൈറ്റിലെ www.nmcckannur.com അവസർ ലിങ്ക് വഴി രജിസ്റ്റർ ചെയ്യാം. പത്രസമ്മേളനത്തിൽ സി.വി. ദീപക്, സച്ചിൻ സൂര്യകാന്ത് മഖേച്ച, സി. അനിൽ കുമാർ, മാത്യു സാമുവൽ എന്നിവർ പങ്കെടുത്തു.