കോട്ടയം: മലങ്കര ഓർത്തഡോക്സ് സഭയുടെ മാനവശാക്തീകരണ വിഭാഗത്തിന്‍റെ നേതൃത്വത്തിൽ നൽകുന്ന ഐക്കണ്‍ എക്സലൻസ് അവാർഡ് 11ന് പാന്പാടി മാർ കുറിയാക്കോസ് ദയറയിൽ നടക്കുന്ന ചടങ്ങിൽ സമ്മാനിക്കും. പ്രതിഭാശാലികളായ കുട്ടികൾക്കു നൽകുന്ന അവാർഡിന് ജാതിമതഭേദമന്യേ 533 കുട്ടികളാണ് ഇത്തവണ അർഹരായിരിക്കുന്നത്. പ്രശസ്തി പത്രവും കാഷ് അവാർഡും അടങ്ങുന്ന പുരസ്കാരം ബസേലിയോസ് മാർത്തോമ പൗലോസ് ദ്വിതീയൻ കാതോലിക്ക ബാവ കുട്ടികൾക്കു സമ്മാനിക്കും. ഡോ. യൂഹാനോൻ മാർ ദീയസ്ക്കോറോസ് അധ്യക്ഷത വഹിക്കും.
