അതിരന്പുഴ: ചങ്ങനാശേരി അതിരൂപതാ സോഷ്യൽ സർവീസ് സൊസൈറ്റി (ചാസ്) സുവർണ ജൂബിലി ആഘോഷങ്ങളുടെ ഭാഗമായി അതിരന്പുഴ മേഖലാ സുവർണ സംഗമം ഇന്ന് അതിരന്പുഴയിൽ നടക്കും. രാവിലെ 11ന് വിശ്വമാതാ ഓഡിറ്റോറിയത്തിൽ ആരംഭിക്കുന്ന സുവർണ ജൂബിലി സമ്മേളനം കെ സുരേഷ് കുറുപ്പ് എംഎൽഎ ഉദ്ഘാടനം ചെയ്യും. അതിരന്പുഴ ഫൊറോനാ വികാരി ഫാ.സിറിയക് കോട്ടയിൽ അധ്യക്ഷത വഹിക്കും. ചാസ് അതിരൂപതാ ഡയറക്്ടർ ഫാ.ജോസഫ് കളരിക്കൽ ആമുഖപ്രഭാഷണവും ജില്ലാ പഞ്ചായത്ത് പ്രസിഡന്റ് ജോഷി ഫിലിപ് മുഖ്യപ്രഭാഷണവും നടത്തും.പൂർവകാല പ്രവർത്തകരെ ഏറ്റുമാനൂർ ബ്ലോക്ക് പഞ്ചായത്ത് പ്രസിഡന്റ്് പി. വി. മൈക്കിളും കർഷകരെയും കൃഷി ഓഫീസറെയും അതിരന്പുഴ പഞ്ചായത്ത് പ്രസിഡന്റ് ആൻസ് വർഗീസും ആദരിക്കും. സമ്മേളനത്തിന് മുന്നോടിയായി നടത്തുന്ന റാലി 10ന് അതിരന്പുഴ ചന്തക്കടവിൽനിന്ന് ആരംഭിക്കും.ലിസ്യു പള്ളി വികാരി റവ.ഡോ.ഫ്രാൻസിസ് കൊടിയൻ റാലി ഉദ്ഘാടനം ചെയ്യും.