വ​ട​ക്ക​ഞ്ചേ​രി​ അ​പ​ക​ടം: ടൂ​റി​സ്റ്റ് ബ​സ് സ​ഞ്ച​രി​ച്ച​ത് അ​മി​ത വേ​ഗ​ത്തിൽ

പാ​ല​ക്കാ​ട്: വ​ട​ക്ക​ഞ്ചേ​രി​യി​ല്‍ അ​പ​ക​ട​ത്തി​ല്‍​പ്പെ​ട്ട ടൂ​റി​സ്റ്റ് ബ​സ് അ​മി​തവേ​ഗത്തിലാ​യി​രു​ന്ന​തി​ന് തെ​ളി​വു​ക​ൾ പു​റ​ത്ത്. അ​പ​ക​ടം ന​ട​ക്കു​ന്ന സ​മ​യ​ത്തെ വേ​ഗം മ​ണി​ക്കൂ​റി​ൽ 97.7 കി​ലോ​മീ​റ്റ​റാ​യി​രു​ന്നു. ബ​സി​ലെ ജി​പി​എ​സി​ൽ​നി​ന്നാ​ണ് ഇ​ക്കാ​ര്യം വ്യ​ക്ത​മാ​യ​ത്. ബ​സ് അ​മി​തവേ​ഗത്തിലാ​യി​രു​ന്നെ​ന്ന് അ​പ​ക​ട​ത്തി​ൽ​പ്പെ​ട്ട വി​ദ്യാ​ർ​ഥി​ക​ളും ദൃ​ക്സാ​ക്ഷി​ക​ളും പ​റ​യു​ന്നു.

ര​ണ്ടു മ​ണി​ക്കൂ​ര്‍ വൈ​കി​യാ​ണ് ബ​സ് സ്‌​കൂ​ളി​ല്‍ നി​ന്നും യാ​ത്ര പു​റ​പ്പെ​ട്ട​തെ​ന്ന് വി​നോ​ദ​യാ​ത്രാ​സം​ഘ​ത്തി​ലു​ണ്ടാ​യി​രു​ന്ന കു​ട്ടി​യു​ടെ ര​ക്ഷി​താ​വ് പ​റ​ഞ്ഞു. അ​ഞ്ചു മ​ണിക്ക് പോ​കു​മെ​ന്ന് പ​റ​ഞ്ഞ ബ​സ് സ്‌​കൂ​ളി​ല്‍ എ​ത്തി​യ​ത് ര​ണ്ടു മ​ണി​ക്കൂ​ര്‍ വൈ​കി​യാ​ണ്.

ശ്ര​ദ്ധി​ച്ചു​പോ​ക​ണ​മെ​ന്ന് ഡ്രൈ​വ​റോ​ട് പ​റ​ഞ്ഞി​രു​ന്ന​താ​യും അ​പ​ക​ട​ത്തി​ല്‍​പ്പെ​ട്ട കു​ട്ടി​യു​ടെ അ​മ്മ പ​റ​ഞ്ഞു. വേ​ളാ​ങ്ക​ണ്ണി ട്രി​പ്പി​ന് ശേ​ഷം ബ​സ് നേ​രെ സ്‌​കൂ​ളി​ലേ​ക്ക് വി​നോ​ദ​യാ​ത്ര പോ​കാ​നാ​യി എ​ത്തു​ക​യാ​യി​രു​ന്നു. ഡ്രൈ​വ​ര്‍ ക്ഷീ​ണി​ത​നാ​യി​രു​ന്നു​വെ​ന്നും ര​ക്ഷി​താ​ക്ക​ള്‍ പ​റ​യു​ന്നു.

വ​ട​ക്ക​ഞ്ചേ​രി​യി​ൽ കൊ​ല്ല​ത്ത​റ ബ​സ് സ്‌​റ്റോ​പ്പി​ന് സ​മീ​പ​ത്താ​യി​രു​ന്നു അ​പ​ക​ടം. മു​ന്നി​ലു​ണ്ടാ​യി​രു​ന്ന കാ​റി​നെ മ​റി​ക​ട​ക്കാ​നു​ള്ള ശ്ര​മ​ത്തി​നി​ടെ ടൂ​റി​സ്റ്റ് ബ​സ് നി​യ​ന്ത്ര​ണം വി​ട്ട് കെ​എ​സ്ആ​ര്‍​ടി​സി ബ​സി​ന്‍റെ പി​ന്നി​ലേ​ക്കു പാ​ഞ്ഞു​ക​യ​റു​ക​യാ​യി​രു​ന്നു. ബ​സി​ല്‍ ഇ​ടി​ച്ച​ശേ​ഷം ടൂ​റി​സ്റ്റ് ബ​സ് ച​തു​പ്പി​ലേ​ക്ക് ത​ല​കീ​ഴാ​യി മ​റി​ഞ്ഞു.