മ​ത്സ്യ​ത്തൊ​ഴി​ലാ​ളി​ക്ക് വെ​ടി​യേ​റ്റ സം​ഭ​വം; വെ​ടി​യു​ണ്ട ശാ​സ്ത്രീ​യ പ​രി​ശോ​ധ​ന​യ്ക്ക് വി​ധേ​യ​മാ​ക്കും

കൊ​ച്ചി: ഫോ​ര്‍​ട്ട് കൊ​ച്ചി​യി​ല്‍ മ​ത്സ്യ​ത്തൊ​ഴി​ലാ​ളി​ക്ക് വെ​ടി​യേ​റ്റ സം​ഭ​വ​ത്തി​ൽ കൂ​ടു​ത​ൽ ന​ട​പ​ടി​ക​ൾ. വെ​ടി​യു​ണ്ട ശാ​സ്ത്രീ​യ പ​രി​ശോ​ധ​ന​യ്ക്ക് വി​ധേ​യ​മാ​ക്കും. ഇ​തി​നാ​യി പോ​ലീ​സ് ആ​യു​ധ വി​ദ​ഗ്ധ​രു​ടെ സ​ഹാ​യം​തേ​ടി.

അ​ല്‍​റ​ഹ്മാ​ന്‍ എ​ന്ന വ​ള്ള​ത്തി​ലെ തൊ​ഴി​ലാ​ളി​യാ​യ ആ​ല​പ്പു​ഴ അ​ന്ധ​കാ​ര​ന​ഴി സ്വ​ദേ​ശി മ​ണി​ച്ചി​റ​യി​ല്‍ സെ​ബാ​സ്റ്റ്യ​നാ​ണ് (70) വെ​ടി​യേ​റ്റ​ത്. വ​ല​തു ചെ​വി​യി​ൽ വെ​ടി​യു​ണ്ട കൊ​ണ്ടെ​ങ്കി​ലും ഇ​ദ്ദേ​ഹം അ​ദ്ഭു​ത​ക​ര​മാ​യി ര​ക്ഷ​പ്പെ​ട്ടു.

മു​ഖ​ത്തേ​ക്ക് വെ​ടി​യു​ണ്ട തു​ള​ച്ചു​ക​യ​റാ​തി​രു​ന്ന​തി​നാ​ലാ​ണ് ആ​ള​പാ​യം ഒ​ഴി​വാ​യ​ത്. ഫോ​ര്‍​ട്ട് കൊ​ച്ചി​യി​ലെ സ്വ​കാ​ര്യാ​ശു​പ​ത്രി​യി​ല്‍ പ്ര​വേ​ശി​പ്പി​ച്ച സെ​ബാ​സ്റ്റ്യ​ന്‍റെ ചെ​വി​യി​ൽ അ​ഞ്ച് തു​ന്ന​ലു​ണ്ട്.

ഇ​ന്ന​ലെ ഉ​ച്ച​യ്ക്ക് 12ന് ​കൊ​ച്ചി അ​ഴി​മു​ഖ​ത്തി​നു പ​ടി​ഞ്ഞാ​റ് നാ​ല് കി​ലോ​മീ​റ്റ​ര്‍ അ​ക​ലെ​യാ​യി​രു​ന്നു സം​ഭ​വം. ബോ​ട്ടി​ൽ 33 മ​ത്സ്യ​ത്തൊ​ഴി​ലാ​ളി​ക​ള്‍ ഉ​ണ്ടാ​യി​രു​ന്നു. ബോ​ട്ടി​ന്‍റെ മ​ധ്യ​ഭാ​ഗ​ത്താ​യി നി​ല്‍​ക്കു​ക​യാ​യി​രു​ന്ന സെ​ബാ​സ്റ്റ്യ​ന്‍ വെ​ടി​യു​ണ്ട ചെ​വി​യി​ല്‍ കൊ​ണ്ട​തി​ന് പി​ന്നാ​ലെ മ​റി​ഞ്ഞു​വീ​ണു.

ചെ​വി​യി​ല്‍​നി​ന്നു ചോ​ര​യൊ​ലി​ക്കു​ന്ന​തു ക​ണ്ട് മ​റ്റ് തൊ​ഴി​ലാ​ളി​ക​ള്‍ ന​ട​ത്തി​യ തെ​ര​ച്ചി​ലി​ൽ വ​ള്ള​ത്തി​ല്‍​നി​ന്നു വെ​ടി​യു​ണ്ട ക​ണ്ടെ​ത്തി​യ​തോ​ടെ​യാ​ണ് വെ​ടി​യേ​റ്റ​താ​ണെ​ന്നു വ്യ​ക്ത​മാ​യ​ത്.

ഉ​ട​ൻ പ്രാ​ഥ​മി​ക​ചി​കി​ത്സ ന​ല്‍​കി​യ​ശേ​ഷം ക​ര​യ്ക്കെ​ത്തി​ച്ച് ആ​ശു​പ​ത്രി​യി​ല്‍ പ്ര​വേ​ശി​പ്പി​ക്കു​ക​യാ​യി​രു​ന്നു.

ര​ണ്ട് എം​എം വ​രു​ന്ന ബു​ള്ള​റ്റ് മ​ത്സ്യ​ത്തൊ​ഴി​ലാ​ളി​ക​ള്‍ പോ​ലീ​സി​നു കൈ​മാ​റി. കൊ​ച്ചി സി​റ്റി ഡെ​പ്യൂ​ട്ടി ക​മ്മീ​ഷ​ണ​ര്‍ ആ​ശു​പ​ത്രി​യി​ലെ​ത്തി സെ​ബാ​സ്റ്റ്യ​നി​ല്‍​നി​ന്ന് കാ​ര്യ​ങ്ങ​ള്‍ ചോ​ദി​ച്ച​റി​ഞ്ഞു.