ന്യൂഡല്‍ഹി: പ്രതിപക്ഷത്തിന്‍റെ ഉപരാഷ്ട്രപതി സ്ഥാനാര്‍ഥിക്കെതിരെ തൃണമൂല്‍ കോണ്‍ഗ്രസിന് അഭിപ്രായ ഭിന്നത ഉണ്ടാകില്ലെന്ന് കോണ്‍ഗ്രസ് എംപി ശശി തരൂര്‍. ഉപരാഷ്ട്രപതി സ്ഥാനാര്‍ഥി നിര്‍ണയത്തില്‍ തൃണമൂല്‍ കോണ്‍ഗ്രസിന് എതിര്‍പ്പുണ്ടെന്ന റിപ്പോര്‍ട്ടുകള്‍ പുറത്തുവന്ന സാഹചര്യത്തിലാണ് തരൂരിന്‍റെ പ്രതികരണം.
പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയും പ്രതിപക്ഷത്തിന്‍റെ ഉപരാഷ്ട്രപതി സ്ഥാനാര്‍ഥി മാര്‍ഗരെറ്റ് ആല്‍വയും തമ്മില്‍ നല്ല ബന്ധമാണുള്ളത്. എന്നാല്‍ ആശയവിനിമയത്തില്‍ ചെറിയ വിടവുണ്ടായിട്ടുണ്ടെന്നും തരൂര്‍ പറഞ്ഞു. 2024-ലെ പൊതു തെരഞ്ഞെടുപ്പിന് പ്രതിപക്ഷ ഐക്യം പ്രധാനമാണ്. ഭിന്നത ഉണ്ടാകരുതെന്നും തരൂര്‍ ഓര്‍മിപ്പിച്ചു.
ഉപരാഷ്ട്രപതി സ്ഥാനാര്‍ഥി ആരെന്ന കാര്യം പ്രഖ്യാപനത്തിന് 20 മിനിറ്റ് മുമ്പ് മാത്രമാണ് തങ്ങള്‍ അറിഞ്ഞതെന്ന് തൃണമൂല്‍ കോണ്‍ഗ്രസ് എംപി ഡെറിക് ഒബ്രിയാന്‍ നേരത്തെ ആരോപിച്ചിരുന്നു. എന്നാല്‍ ബിജെപിയുമായി മമത സന്ധി ചര്‍ച്ച നടത്തിയെന്ന് കോണ്‍ഗ്രസ് തിരിച്ചടിച്ചു.
എന്‍ഡിഎ രാഷ്ട്രപതി സ്ഥാനാര്‍ഥിയെ പ്രഖ്യാപിക്കുന്നതിന് തൊട്ടുതലേന്ന് ഡാര്‍ജലിംഗിലെ ഗവര്‍ണര്‍ ഹൗസില്‍ എന്‍ഡിഎ സ്ഥാനാര്‍ഥിയും ആസാം മുഖ്യമന്ത്രിയും മമതയും കൂടിക്കാഴ്ച നടത്തിയെന്നും കോണ്‍ഗ്രസ് ആരോപിച്ചു.
പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയും പ്രതിപക്ഷത്തിന്‍റെ ഉപരാഷ്ട്രപതി സ്ഥാനാര്‍ഥി മാര്‍ഗരെറ്റ് ആല്‍വയും തമ്മില്‍ നല്ല ബന്ധമാണുള്ളത്. എന്നാല്‍ ആശയവിനിമയത്തില്‍ ചെറിയ വിടവുണ്ടായിട്ടുണ്ടെന്നും തരൂര്‍ പറഞ്ഞു. 2024-ലെ പൊതു തെരഞ്ഞെടുപ്പിന് പ്രതിപക്ഷ ഐക്യം പ്രധാനമാണ്. ഭിന്നത ഉണ്ടാകരുതെന്നും തരൂര്‍ ഓര്‍മിപ്പിച്ചു.
ഉപരാഷ്ട്രപതി സ്ഥാനാര്‍ഥി ആരെന്ന കാര്യം പ്രഖ്യാപനത്തിന് 20 മിനിറ്റ് മുമ്പ് മാത്രമാണ് തങ്ങള്‍ അറിഞ്ഞതെന്ന് തൃണമൂല്‍ കോണ്‍ഗ്രസ് എംപി ഡെറിക് ഒബ്രിയാന്‍ നേരത്തെ ആരോപിച്ചിരുന്നു. എന്നാല്‍ ബിജെപിയുമായി മമത സന്ധി ചര്‍ച്ച നടത്തിയെന്ന് കോണ്‍ഗ്രസ് തിരിച്ചടിച്ചു.
എന്‍ഡിഎ രാഷ്ട്രപതി സ്ഥാനാര്‍ഥിയെ പ്രഖ്യാപിക്കുന്നതിന് തൊട്ടുതലേന്ന് ഡാര്‍ജലിംഗിലെ ഗവര്‍ണര്‍ ഹൗസില്‍ എന്‍ഡിഎ സ്ഥാനാര്‍ഥിയും ആസാം മുഖ്യമന്ത്രിയും മമതയും കൂടിക്കാഴ്ച നടത്തിയെന്നും കോണ്‍ഗ്രസ് ആരോപിച്ചു.
