ക​ള്ള​ക്കു​റി​ച്ചി സം​ഘ​ർ​ഷം: ക​ള​ക്ട​റെ​യും എ​സ്പി​യെ​യും മാ​റ്റി

ക​ള്ള​ക്കു​റി​ച്ചി: ത​മി​ഴ്നാ​ട്ടി​ലെ ക​ള്ള​ക്കു​റി​ച്ചി സം​ഭ​വു​മാ​യി ബ​ന്ധ​പ്പെ​ട്ട് ക​ള​ക്ട​റെ​യും ജി​ല്ലാ പോ​ലീ​സ് മേ​ധാ​വി​യെ​യും മാ​റ്റി. ക​ള​ക്ട​ർ പി.​എ​ൻ ശ്രീ​ധ​ർ, പോ​ലീ​സ് മേ​ധാ​വി ശ്രാ​വ​ൺ എ​ന്നി​വ​രെ​യാ​ണ് മാ​റ്റി​യ​ത്.

ചെ​ന്നൈ അ​ഗ്രി​ക​ൾ​ച്ച​ർ ഡി​പ്പാ​ർ​ട്ട്‌​മെ​ന്‍റി​ൽ അ​ഡീ​ഷ​ണ​ൽ ഡ​യ​റ​ക്ട​റാ​യ ശ്രാ​വ​ൺ കു​മാ​ർ ജ​താ​വ​ത്ത് പു​തി​യ ക​ള​ക്ട​റാ​കും. ചെ​ന്നൈ ട്രി​പ്ലി​ക്കെ​യ്‌​നി​ലെ ഡി​സി​പി പി.​പ​ക​ല​വ​നെ ക​ള്ള​ക്കു​റി​ച്ചി​യി​ലെ പു​തി​യ എ​സ്‌​പി​യാ​യി നി​യ​മി​ച്ചു.

ക​ള്ള​ക്കു​റി​ച്ചി ക​ലാ​പം അ​ന്വേ​ഷി​ക്കാ​ൻ ത​മി​ഴ്നാ​ട് ഡി​ജി​പി ശൈ​ലേ​ന്ദ്ര ബാ​ബു പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ച്ചു. മ​ദ്രാ​സ് ഹൈ​ക്കോ​ട​തി​യു​ടെ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു ന​ട​പ​ടി.

പ്ല​സ്ടു വി​ദ്യാ​ർ​ഥി​നി ജീ​വ​നൊ​ടു​ക്കി​യ സം​ഭ​വ​വു​മാ​യി ബ​ന്ധ​പ്പെ​ട്ട് ര​ണ്ട് അ​ധ്യാ​പ​ക​രെ ചോ​ദ്യം​ചെ​യ്യാ​നാ​യി ഇ​ന്ന​ലെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. കു​ട്ടി യു​ടെ ആ​ത്മ​ഹ​ത്യാ​ക്കു​റി​പ്പി​ൽ ഇ​വ​രെ​ക്കു​റി​ച്ചു പ​രാ​മ​ർ​ശ​മു​ണ്ട്.

പ​ഠി​ക്കാ​ൻ പി​ന്നാ​ക്കം​നി​ന്ന ത​ന്നെ മാ​ത്ത​മാ​റ്റി​ക്സ്, കെ​മി​സ്ട്രി അ​ധ്യാ​പ​ക​ർ മാ​ന​സി​ക​മാ​യി പീ​ഡി​പ്പി​ച്ചെ​ന്നും വാ​ർ​ഷി​ക സ്കൂ​ൾ ഫീ​സ് അ​ട​യ്ക്കാ​ത്ത​തി​നു മാ ​താ​പി​താ​ക്ക​ളോ​ടു പ​റ​യ​ണ​മെ​ന്നു പ​റ​ഞ്ഞ് മ​റ്റു​ള്ള​വ​ർ​ക്കു മു​ന്നി​ൽ പ​രി​ഹാ​സ്യ​യാ​ക്കി​യെ​ന്നും 17 വ​യ​സു​ള്ള പെ​ൺ​കു​ട്ടി​യു​ടെ കൈ​പ്പ​ട​യി​ലു​ള്ള ആ​ത്മ​ഹ​ത്യ​ക്കു റി​പ്പി​ലു​ണ്ട്.

ജൂ​ലൈ 13നാ​ണ് ചി​ന്ന​സേ​ല​ത്തെ ക​നി​യ​മൂ​രി​ലു​ള്ള ബോ​ർ​ഡിം​ഗ് സ്കൂ​ളി​ന്‍റെ ഹോ​സ്റ്റ​ൽ പ​രി​സ​ര​ത്ത് കു​ട്ടി​യെ ജീ​വ​നൊ​ടു​ക്കി​യ നി​ല​യി​ൽ ക​ണ്ടെ​ത്തി​യ​ത്. കെ​ട്ടി ട​ത്തി​നു മു​ക​ളി​ൽ​നി​ന്നു താ​ഴേ​ക്കു ചാ​ടി​യ​താ​ണെ​ന്നു സം​ശ​യ​മു​ണ്ടെ​ന്ന് കൂ​ട്ടു​കാ​രി മൊ​ഴി ന​ല്കി​യി​ട്ടു​ണ്ട്.

എ​ന്നാ​ൽ, മ​രി​ക്കു​ന്ന​തി​നു​മു​ന്പ് ദേ​ഹ​ത്ത് പ​രി​ക്കി​ന്‍റെ പാ​ടു​ക​ളു​ണ്ടാ​യി​രു​ന്ന​താ​യാ​ണ് പോ​സ്റ്റ്മോ​ർ​ട്ടം റി​പ്പോ​ർ​ട്ട്. കു​ട്ടി​യു​ടെ മാ​താ​പി​താ​ക്ക​ളും ബ​ന്ധു​ക്ക​ളും മ​ര​ണ​ത്തി​ൽ ദു​രൂ​ഹ​ത ആ​രോ​പി​ച്ച് ക​ട​ലൂ​രി​ലെ പെ​രി​യ​സ ന​ല്ലൂ​രി​ൽ പ്ര​തി​ഷേ​ധ​സ​മ​ര​ത്തി​ലാ​ണ്.