കൊച്ചി: നടിയെ ആക്രമിച്ച കേസില്‍ തുടരന്വേഷണ റിപ്പോര്‍ട്ട് സമര്‍പ്പിക്കാനുള്ള സമയം ഈ മാസം 22 വരെ ഹൈക്കോടതി നീട്ടി. കൂടുതല്‍ സമയം അനുവദിക്കാനാവില്ലെന്നും കോടതി പറഞ്ഞു.
കേസില്‍ തുടരന്വേഷണ റിപ്പോര്‍ട്ട് സമര്‍പ്പിക്കാന്‍ മൂന്നാഴ്ചത്തേയ്ക്ക് കൂടി സമയം വേണമെന്ന് ആവശ്യപെട്ടാണ് അന്വേഷണസംഘവും അതിജീവിതയും ഹൈക്കോടതിയെ സമീപിച്ചത്.
മെമ്മറി കാര്‍ഡിന്‍റെ ഹാഷ് വാല്യൂ മാറിയതിനെക്കുറിച്ചും മുന്‍ ജയില്‍ ഡിജിപി ആര്‍.ശ്രീലേഖയുടെ ദിലീപിനെ അനുകൂലിച്ചുള്ള വെളിപ്പെടുത്തലും പരിശോധിക്കാന്‍ ആവശ്യമായ സമയം വേണമെന്നാണ് അന്വേഷണസംഘം കോടതിയില്‍ ആവശ്യപെട്ടത്.
എന്നാല്‍ സംവിധായകന്‍ ബാലചന്ദ്രകുമാറിന്‍റെ വെളിപ്പെടുത്തലുകളുടെ പശ്ചാത്തലത്തിലായിരുന്നു കേസില്‍ തുടരന്വേഷണം അനുവദിച്ചതെന്നു കോടതി വ്യക്തമാക്കി.
ഇപ്പോള്‍ ഉന്നയിക്കുന്ന കാര്യങ്ങള്‍ക്ക് ബാലചന്ദ്രകുമാറിന്‍റെ വെളിപ്പെടുത്തലുമായി യാതൊരു ബന്ധവുമില്ല. അതിനാല്‍ 22നകം തുടരന്വേഷണ റിപ്പോര്‍ട്ട് സമര്‍പ്പിക്കണമെന്നും കോടതി നിര്‍ദേശിച്ചു.
കേസില്‍ തുടരന്വേഷണ റിപ്പോര്‍ട്ട് സമര്‍പ്പിക്കാന്‍ മൂന്നാഴ്ചത്തേയ്ക്ക് കൂടി സമയം വേണമെന്ന് ആവശ്യപെട്ടാണ് അന്വേഷണസംഘവും അതിജീവിതയും ഹൈക്കോടതിയെ സമീപിച്ചത്.
മെമ്മറി കാര്‍ഡിന്‍റെ ഹാഷ് വാല്യൂ മാറിയതിനെക്കുറിച്ചും മുന്‍ ജയില്‍ ഡിജിപി ആര്‍.ശ്രീലേഖയുടെ ദിലീപിനെ അനുകൂലിച്ചുള്ള വെളിപ്പെടുത്തലും പരിശോധിക്കാന്‍ ആവശ്യമായ സമയം വേണമെന്നാണ് അന്വേഷണസംഘം കോടതിയില്‍ ആവശ്യപെട്ടത്.
എന്നാല്‍ സംവിധായകന്‍ ബാലചന്ദ്രകുമാറിന്‍റെ വെളിപ്പെടുത്തലുകളുടെ പശ്ചാത്തലത്തിലായിരുന്നു കേസില്‍ തുടരന്വേഷണം അനുവദിച്ചതെന്നു കോടതി വ്യക്തമാക്കി.
ഇപ്പോള്‍ ഉന്നയിക്കുന്ന കാര്യങ്ങള്‍ക്ക് ബാലചന്ദ്രകുമാറിന്‍റെ വെളിപ്പെടുത്തലുമായി യാതൊരു ബന്ധവുമില്ല. അതിനാല്‍ 22നകം തുടരന്വേഷണ റിപ്പോര്‍ട്ട് സമര്‍പ്പിക്കണമെന്നും കോടതി നിര്‍ദേശിച്ചു.
