ഹരിദാസൻ വധം: കൊ​ല ന​ട​ത്തി​യ​ത് ര​ണ്ടാ​മ​ത്തെ സം​ഘം; അന്വേഷണം നിർണായക ഘട്ടത്തിൽ

ത​ല​ശേ​രി: പു​ന്നോ​ൽ താ​ഴെ​വ​യ​ലി​ൽ സി​പി​എം പ്ര​വ​ർ​ത്ത​ക​ൻ കൊ​ര​മ്പി​ൽ താ​ഴെ​കു​നി​യി​ൽ ഹ​രി​ദാ​സ(54)നെ ​വെ​ട്ടി​ കൊ​ല​പ്പെ​ടു​ത്തി​യ കേ​സി​ൽ അ​ന്വേ​ഷ​ണം നി​ർ​ണാ​യ​ക ഘ​ട്ട​ത്തി​ലേ​ക്കു ക​ട​ന്നു.

ആ​ദ്യം നി​യോ​ഗി​ച്ച സം​ഘ​മ​ല്ല, ര​ണ്ടാ​മ​ത് നി​യോ​ഗി​ച്ച ടീ​മാ​ണ് ഹ​രി​ദാ​സ​നെ വെ​ട്ടി​ക്കൊ​ല​പ്പെ​ടു​ത്തി​യ​തെ​ന്നു പ്ര​തി​ക​ളു​ടെ മൊ​ഴി​യി​ൽ പ​റ​യു​ന്നു.​ ആ​ദ്യം നി​യോ​ഗി​ച്ച സം​ഘ​ത്തി​ന്‍റെ കാ​ര്യ പ്രാ​പ്തി​യി​ൽ സം​ശ​യം തോ​ന്നി​യ​തി​നെത്തു​ട​ർ​ന്നാ​ണ് മ​ൾ​ട്ടി പ്ര​ജി ഉ​ൾ​പ്പെ​ടെ​യു​ള്ള ടീ​മി​നെ ഓ​പ്പ​റേ​ഷ​നാ​യി നി​യോ​ഗി​ച്ച​തെ​ന്നും പ്ര​തി​ക​ൾ കു​റ്റ​സ​മ്മ​ത മൊ​ഴി​യി​ൽ പറയുന്നു.

അ​ക്ര​മി​സം​ഘ​ത്തി​ലെ നാ​ലു പേ​ർ ഹ​രി​ദാ​സ​ന്‍റെ വീ​ടി​ന്‍റെ അ​ങ്ക​ണ​ത്തി​ലും ര​ണ്ടു പേ​ർ വീ​ടി​നു പു​റ​ത്തും പ​തി​യി​രു​ന്നു​മാ​ണ് ഹ​രി​ദാ​സ​നെ വ​ക​വ​രു​ത്തി​യ​ത്. നി​രീ​ക്ഷ​ണ​ത്തി​നാ​യി ര​ണ്ടു കേ​ന്ദ്ര​ങ്ങ​ളി​ലാ​യി ആ​ളു​ക​ൾ നി​ല​യു​റ​പ്പി​ച്ചി​രു​ന്ന​താ​യും അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​ട്ടു​ണ്ട്.

ആ​റം​ഗ കൊ​ല​യാ​ളി സം​ഘ​ത്തി​ലെ നാ​ലു​പേ​രെ അ​ന്വേ​ഷ​ണ സം​ഘം അ​റ​സ്റ്റ് ചെ​യ്തു ക​ഴി​ഞ്ഞു. ഇ​നി ര​ണ്ടുപേ​ർ കൂ​ടി​യാ​ണ് ഈ ​സം​ഘ​ത്തി​ൽ പി​ടി​യി​ലാ​കാ​നു​ള്ള​ത്. സം​സ്ഥാ​നം വി​ട്ട ഇ​വ​രെ ക​ണ്ടെ​ത്താ​ൻ ക​ർ​ണാ​ട​ക​യി​ലും ത​മി​ഴ്നാ​ട്ടി​ലും പോ​ലീ​സ് തെര​ച്ചി​ൽ ന​ട​ത്തി വ​രി​ക​യാ​ണ്.

കൊ​ല​യ്ക്കു​പ​യോ​ഗി​ച്ച ആ​യു​ധ​ങ്ങ​ളും കൊ​ല​യാ​ളി സം​ഘം സ​ഞ്ച​രി​ച്ച വാ​ഹ​ന​ങ്ങ​ളും ക​ണ്ടെ​ത്താ​നു​ള്ള ഊ​ർ​ജി​ത ശ്ര​മ​ത്തി​ലാ​ണ് അ​ന്വേ​ഷ​ണ സം​ഘം. ഗൂ​ഢാ​ലോ​ച​ന കേ​സി​ൽ പ്ര​തി​ക​ളു​ടെ എ​ണ്ണം ഇ​നി​യും കൂ​ടാ​നാ​ണ് സാ​ധ്യ​ത. നി​ല​വി​ൽ ഏ​ഴ് പേ​രെ കൂ​ടി പോ​ലീ​സ് ചോ​ദ്യം ചെ​യ്യുന്നുണ്ട്. ത​ല​ശേ​രി മേ​ഖ​ല​യി​ലെ ര​ഹ​സ്യ കേ​ന്ദ്ര​ങ്ങ​ളി​ലാ​ണ് പ്ര​തി​ക​ളെ ചോ​ദ്യം ചെ​യ്തു വ​രു​ന്ന​ത്.

ഏ​ഴു​പേ​രെ കൂ​ടി ഇ​ന്ന​ലെ അ​റ​സ്റ്റ് ചെ​യ്ത​തോ​ടെ അ​റ​സ്റ്റി​ലാ​യ പ്ര​തി​ക​ളു​ടെ എ​ണ്ണം പ​തി​നൊ​ന്നാ​യി. ന്യൂ ​മാ​ഹി പെ​രു​മു​ണ്ടേ​രി മീ​ത്ത​ലെ മ​ഠ​ത്തി​ൽ പ്ര​ജി​ത്ത് എ​ന്ന മ​ൾ​ട്ടി പ്ര​ജി (35), പു​ന്നോ​ൽ എ​സ്കെ മു​ക്കി​ലെ പൊ​ച്ച​റ ദി​നേ​ശ​ൻ (49), പു​ന്നോ​ൽ ക​ട​മ്പേ​രി ഹൗ​സി​ൽ പ്ര​ഷീ​ജ് എ​ന്ന പ്ര​ജൂ​ട്ടി (41) പു​ന്നോ​ൽ കി​ഴ​ക്ക​യി​ൽ സി.​കെ അ​ർ​ജു​ൻ (23), ടെ​ബി​ൾ ഗേ​റ്റ് സോ​പാ​ന​ത്തി​ൽ കെ. ​അ​ഭി​മ​ന്യു (22), പു​ന്നോ​ൽ ചാ​ലി​ക്ക​ണ്ടി വീ​ട്ടി​ൽ സി.​കെ അ​ശ്വ​ന്ത് (23), പു​ന്നോ​ൽ ചാ​ലി​ക്ക​ണ്ടി വീ​ട്ടി​ൽ ദീ​പ​ക് സ​ദാ​ന​ന്ദ​ൻ (28) എ​ന്നി​വ​ര​യൊ​ണ് ന്യൂ​മാ​ഹി സി ​ഐ ല​തീ​ഷും സം​ഘ​വും ഇ​ന്ന​ലെ അ​റ​സ്റ്റ് ചെ​യ്ത​ത്.

ഇ​തി​ൽ മ​ൾ​ട്ടി പ്ര​ജി​യു​ടെ അ​റ​സ്റ്റ് ഇ​ന്ന​ലെ അ​ർ​ദ്ധ രാ​ത്രി​യി​ലാ​ണ് രേ​ഖ​പ്പെ​ടു​ത്തി​യ​ത്. ബി​ജെ​പി മ​ണ്ഡ​ലം പ്ര​സി​ഡ​ന്‍റ് കെ. ​ലി​ജേ​ഷ് ഉ​ൾ​പ്പെ​ടെ നാ​ലു പേ​ർ നേ​ര​ത്തെ അ​റ​സ്റ്റി​ലാ​യി​രു​ന്നു. റി​മാ​ൻ​ഡി​ലാ​യി​രു​ന്ന ഇ​വ​രെ നാ​ലു​പേരെ​യും ശ​നി​യാ​ഴ്ച പോ​ലീ​സ് ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്തു വ​രി​ക​യാ​ണ്. മാ​ർ​ച്ച് നാ​ല് വ​രെ​യാ​ണ് ഇ​വ​രെ കോ​ട​തി പോ​ലീ​സ് ക​സ്റ്റ​ഡി​യി​ൽ വി​ട്ടി​ട്ടു​ള്ള​ത് .