തിരുവനന്തപുരം: സംസ്ഥാനത്തെ സ്കൂളുകളിലെ ഒൻപതു വരെയുള്ള ക്ലാസുകളിലെ വാർഷിക പരീക്ഷ മാർച്ചിൽ തന്നെ പൂർത്തിയാക്കും. ഇത് സംബന്ധിച്ച് അധ്യാപക സംഘടനകളുടെ അഭിപ്രായം വിദ്യാഭ്യാസ വകുപ്പ് കഴിഞ്ഞ ദിവസം തേടിയിരുന്നു.
ഏപ്രിലിൽ വിവിധ ആഘോഷങ്ങളും ഈസ്റ്റർ, വിഷു ഉൾപ്പെടെയുള്ള അവധികളും ഉള്ള പശ്ചാത്തലത്തിൽ മാർച്ചിൽ തന്നെ ഒൻപതാം ക്ലാസ് വരെയുള്ള പരീക്ഷകൾ പൂർത്തിയാക്കാൻ വിദ്യാഭ്യാസ വകുപ്പ് ആലോചിക്കുന്നത്. ഓണ് ലൈൻ ക്ലാസുകൾ നടന്നതിനാൽ വിദ്യാർഥികളെ പാഠഭാഗങ്ങളിലേറെയും ഇതിനോടകം പഠിപ്പിച്ചുകഴിഞ്ഞതായാണ് വിദ്യാഭ്യാസ വകുപ്പിന്റെ വിലയിരുത്തൽ.
മാർച്ച് 30 നു പ്ലസ് ടു പരീക്ഷയും 31 നു എസ്എസ്എൽസി പരീക്ഷയും ആരംഭിച്ച് ഏപ്രിൽ അവസാനത്തോടെയാണ് പൂർത്തിയാകുക. ഈ സാഹചര്യത്തിൽ പ്ലസ് വണ് പരീക്ഷകൾ ജൂണിലേക്ക് മാറ്റാനും സാധ്യതയുണ്ട്.
ഏപ്രിലിൽ വിവിധ ആഘോഷങ്ങളും ഈസ്റ്റർ, വിഷു ഉൾപ്പെടെയുള്ള അവധികളും ഉള്ള പശ്ചാത്തലത്തിൽ മാർച്ചിൽ തന്നെ ഒൻപതാം ക്ലാസ് വരെയുള്ള പരീക്ഷകൾ പൂർത്തിയാക്കാൻ വിദ്യാഭ്യാസ വകുപ്പ് ആലോചിക്കുന്നത്. ഓണ് ലൈൻ ക്ലാസുകൾ നടന്നതിനാൽ വിദ്യാർഥികളെ പാഠഭാഗങ്ങളിലേറെയും ഇതിനോടകം പഠിപ്പിച്ചുകഴിഞ്ഞതായാണ് വിദ്യാഭ്യാസ വകുപ്പിന്റെ വിലയിരുത്തൽ.
മാർച്ച് 30 നു പ്ലസ് ടു പരീക്ഷയും 31 നു എസ്എസ്എൽസി പരീക്ഷയും ആരംഭിച്ച് ഏപ്രിൽ അവസാനത്തോടെയാണ് പൂർത്തിയാകുക. ഈ സാഹചര്യത്തിൽ പ്ലസ് വണ് പരീക്ഷകൾ ജൂണിലേക്ക് മാറ്റാനും സാധ്യതയുണ്ട്.