റ​ഷ്യ​ൻ സേ​ന​യെ വെ​ല്ലു​വി​ളി​ച്ച ആ "​ര​ക്ത​സാ​ക്ഷി​ക​ൾ' ജീ​വ​നോ​ടെ​യു​ണ്ട്

കീ​വ്: ക​രി​ങ്ക​ട​ലി​ലെ സ്മീ​ൻ​യി ദ്വീ​പ് (സ്നേ​ക്ക് ഐ​ല​ൻ​ഡ്) പി​ടി​ച്ച​ട​ക്കാ​നെ​ത്തി​യ റ​ഷ്യ​ൻ സേ​ന​യോ​ട് ‘പോ​യി തു​ല​യാ​ൻ’ മ​റു​പ​ടി ന​ൽ​കി "ര​ക്ത​സാ​ക്ഷി​ക​ളാ​യ' 13 സൈ​നി​ക​രും ജീ​വ​നോ​ടെ​യു​ണ്ടെ​ന്നു സ്ഥി​രീ​ക​ര​ണം. യു​ക്രെ​യ്ൻ നാ​വി​ക​സേ​ന​യാ​ണ് 13 പേ​രും ജീ​വ​നോ​ടെ​യു​ണ്ടെ​ന്ന വി​വ​രം സ്ഥി​രീ​ക​രി​ച്ച​ത്.

റ​ഷ്യ​ൻ യു​ദ്ധ​ക്ക​പ്പ​ലി​ന്‍റെ കീ​ഴ​ട​ങ്ങാ​നു​ള്ള ആ​ഹ്വാ​ന​ത്തോ​ട് അ​വ​ഗ​ണി​ച്ചു​കൊ​ണ്ട് പോ​രാ​ടി​യ ദ്വീ​പി​ലെ ഗാ​ർ​ഡു​ക​ളാ​യ സൈ​നി​ക​രു​ടെ ധീ​ര​ത​യെ ഏ​വ​രും പ്ര​കീ​ർ​ത്തി​ച്ചി​രു​ന്നു. 13 പേ​രും കൊ​ല്ല​പ്പെ​ട്ടെ​ന്നു യു​ക്രെ​യ്ൻ സൈ​ന്യം വെ​ളി​പ്പെ​ടു​ത്തി​യ​തി​നെ തു​ട​ർ​ന്ന് പ്ര​സി​ഡന്‍റ് വൊ​ളോ​ഡി​മി​ർ സെ​ലെ​ൻ​സ്കി 13 പേ​ർ​ക്കും ‘ഹീ​റോ ഓ​ഫ് യു​ക്രെ​യ്ൻ’ പ​ദ​വി ന​ൽ​കു​മെ​ന്നു പ്ര​ഖ്യാ​പി​ച്ചി​രു​ന്നു.

യു​ക്രെ​യ്ൻ വാ​ദം തെ​റ്റാ​ണെ​ന്നും സ്മീ​ൻ​യി ദ്വീ​പി​ൽ ആ​രെ​യും വ​ധി​ച്ചി​ട്ടി​ല്ലെ​ന്നും റ​ഷ്യ​ൻ മാ​ധ്യ​മ​ങ്ങ​ൾ അ​വ​കാ​ശ​പ്പെ​ട്ടി​രു​ന്നു. എ​ന്നാ​ൽ യു​ക്രെ​യ്ൻ സൈ​നി​ക​രു​ടെ ര​ക്ത​സാ​ക്ഷി​ത്വ​ത്തെ ധീ​ര​ന​ട​പ​ടി​യാ​യി ലോ​ക​മെ​ങ്ങും ഏ​റ്റെ​ടു​ക്കു​ക​യാ​യി​രു​ന്നു. അ​വ​ർ ജീ​വ​നോ​ടെ​യു​ണ്ടാ​കാ​മെ​ന്ന് യു​ക്രെ​യ്ൻ ബോ​ർ​ഡ​ർ ഗാ​ർ​ഡ് പി​റ്റേ​ന്നു സൂ​ചി​പ്പി​ച്ചി​രു​ന്നു.