വി​ദേ​ശ​ത്തേ​ക്കു പെൺകടത്ത്: ആലുവ സംഘം അഞ്ഞൂറോളം യുവതികളെ കടത്തി

ആ​ലു​വ: ന​ഗ​ര​ത്തി​ലെ വി​വി​ധ ലോ​ഡ്ജു​ക​ളി​ൽ ദു​രൂ​ഹ സാ​ഹ​ച​ര്യ​ത്തി​ൽ ത​മ്പ​ടി​ച്ചി​രു​ന്ന ഇ​ത​ര സം​സ്ഥാ​ന യു​വ​തി​ക​ളെ ക​ണ്ടെ​ത്തി​യ സം​ഭ​വ​ത്തി​ൽ കൂ​ടു​ത​ൽ അ​ന്വേ​ഷ​ണ​വു​മാ​യി റൂ​റ​ൽ ജി​ല്ലാ പോ​ലീ​സ്.

ഒ​രു മാ​സ​ത്തി​നു​ള്ളി​ൽ അ​ഞ്ഞൂ​റോ​ളം യു​വ​തി​ക​ൾ വി​ദേ​ശ​ത്തേ​ക്കു ക​ട​ന്നി​ട്ടു​ണ്ടെ​ന്നാ​ണ് സൂ​ച​ന. വി​വി​ധ ലോ​ഡ്ജു​ക​ളി​ൽ ഇ​പ്പോ​ഴും ഊ​ഴം കാ​ത്തു യു​വ​തി​ക​ൾ ത​മ്പ​ടി​ച്ചി​രി​ക്കു​ക​യാ​ണ്.
ക​ഴി​ഞ്ഞ ദി​വ​സം ആ​ലു​വ​യി​ലെ ഇ​രു​പ​തോ​ളം ലോ​ഡ്ജു​ക​ളി​ൽ ന​ട​ത്തി​യ റെ​യ്ഡി​ൽ വി​ദേ​ശ​യാ​ത്ര​ക്കാ​യെ​ത്തി​യ ഒ​ട്ടേ​റെ യു​വ​തി​ക​ള ക​ണ്ടെ​ത്തു​ക​യാ​യി​രു​ന്നു.

മ​നു​ഷ്യ​ക്ക​ട​ത്തെ​ന്ന സം​ശ​യ​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കാ​ൻ ജി​ല്ലാ പോ​ലീ​സ് മേ​ധാ​വി നി​ർ​ദേ​ശം ന​ൽ​കി​യി​രി​ക്കു​ക​യാ​ണ്. ആ​ന്ധ്ര​പ്ര​ദേ​ശി​ൽനി​ന്നു​ള്ള 30നും 40​നും ഇ​ട​യി​ലു​ള്ള യു​വ​തി​ക​ളാ​ണ് വി​ദേ​ശ​ത്തേ​ക്കു ക​ട​ക്കാ​ൻ കൂ​ടു​ത​ലും എ​ത്തു​ന്ന​ത്.

ട്രെ​യി​ൻ മാ​ർ​ഗം ആ​ലു​വ​യി​ലെ​ത്തു​ന്ന സം​ഘ​ത്തെ മ​ല​യാ​ളി ഏ​ജ​ന്‍റു​മാ​ർ ന​ഗ​ര​ത്തി​ലെ വാ​ട​ക കു​റ​ഞ്ഞ ലോ​ഡ്ജു​ക​ളി​ൽ താ​മ​സി​പ്പി​ക്കാ​റാ​ണ് പ​തി​വ്. കോ​വി​ഡ് ടെ​സ്റ്റ​ട​ക്ക​മു​ള്ള യാ​ത്രാ​രേ​ഖ​ക​ൾ പൂ​ർ​ത്തി​യാ​ക്കി ഒ​ന്നോ ര​ണ്ടോ ദി​വ​സ​ത്തി​ന​കം നെ​ടു​മ്പാ​ശേ​രി അ​ന്താ​രാഷ്‌ട്ര വി​മാ​ന​ത്താ​വ​ളം വ​ഴി വി​ദേ​ശ​ത്തേ​ക്കയയ്​ക്കും.

വീ​ട്ടു​ജോ​ലി​ക്ക് എന്ന പേരിൽ പോ​കു​ന്ന​വ​രാ​ണ് സം​ഘ​ത്തി​ല​ധി​ക​വും. മ​റ്റു വി​മാ​ന​ത്താ​വ​ള​ങ്ങ​ളി​ൽ യാ​ത്രാ​നു​മ​തി ല​ഭി​ക്കാ​ത്ത​തു കൊ​ണ്ടാ​ണ് സം​ഘം നെ​ടു​മ്പാ​ശേ​രി തെ​ര​ഞ്ഞെ​ടു​ത്തി​രി​ക്കു​ന്ന​ത്. ഇ​വി​ടം കേ​ന്ദ്രീ​ക​രി​ച്ചു വി​മാ​ന​ത്താ​വ​ളവുമായി ബന്ധപ്പെട്ട ചിലരുടെ സ​ഹാ​യ​വും സം​ഘ​ത്തി​നു ല​ഭി​ക്കു​ന്നു​ണ്ടെ​ന്നാ​ണ് സൂ​ച​ന. ലോ​ഡ്ജു​ക​ളി​ലെ റെ​യ്ഡി​ൽ അ​സ്വാ​ഭാ​വി​ക​ത​യൊ​ന്നും കണ്ടെത്താ​ത്ത​തി​നാ​ൽ ആ​ർ​ക്കെ​തി​രേ​യും പോ​ലീ​സ് കേ​സെ​ടു​ത്തി​ട്ടി​ല്ല.

നേ​ര​ത്തെ മു​ന​മ്പം വ​ഴി മ​നു​ഷ്യ​ക്ക​ട​ത്തി​നാ​യി ആ​ലു​വ​യി​ൽ ത​മ്പ​ടി​ച്ച ശ്രീ​ല​ങ്ക​ൻ വം​ശ​ജ​രെ ലോ​ഡ്ജു​ക​ളി​ൽനി​ന്നു പോ​ലീ​സ് പി​ടി​കൂ​ടി​യി​രു​ന്നു. ഈ ​പ​ശ്ചാ​ത്ത​ല​ത്തി​ലാ​ണ് സ്പെ​ഷ​ൽ ബ്രാ​ഞ്ച് യു​വ​തി​ക​ളു​ടെ കൂ​ട്ട​ത്തോ​ടെ​യു​ള്ള വ​ര​വ് നി​രീ​ക്ഷി​ക്കാ​ൻ തു​ട​ങ്ങി​യ​ത്.