മാ​ത​മം​ഗ​ല​ത്തെ സി​ഐ​ടി​യു വി​ല​ക്കും മർദനവും; മിണ്ടാട്ടമില്ലാതെ സിപിഎം നേതാക്കൾ

ക​ണ്ണൂ​ർ: മാ​ത​മം​ഗ​ല​ത്ത് സി​ഐ​ടി​യു വി​ല​ക്കി​യ ക​ട​യി​ൽനി​ന്നു സാ​ധ​നം വാ​ങ്ങി​യ യു​വാ​വി​നെ സി​ഐ​ടി​യു​ടെ പ്ര​വ​ർ​ത്ത​ക​ർ ക്രൂ​ര​മാ​യി മ​ർദി​ച്ച സം​ഭ​വ​ത്തി​ൽ ആ​ഭ്യ​ന്ത​ര ​വ​കു​പ്പ് വി​ശ​ദീ​ക​ര​ണം തേ​ടും. വ​ധ​ശ്ര​മം ഉ​ൾ​പ്പെ​ടെ​യു​ള്ള വ​കു​പ്പു​ക​ൾ ചേ​ർ​ക്കാ​വു​ന്ന സം​ഭ​വ​ത്തി​ൽ നി​സാ​ര ​വ​കു​പ്പു​ക​ൾ ചേ​ർ​ത്ത പെ​രി​ങ്ങോം സി​ഐ, പ​യ്യ​ന്നൂ​ർ ഡി​വൈ​എ​സ്പി എ​ന്നി​വ​രി​ൽ നി​ന്ന് വി​ശ​ദീ​ക​ര​ണം തേ​ടാ​നാ​ണ് ആ​ഭ്യ​ന്ത​ര​വ​കു​പ്പ് തീ​രു​മാ​നി​ച്ചി​രി​ക്കു​ന്ന​ത്.

മാ​ത​മം​ഗ​ല​ത്തെ യു​വ​വ്യാ​പാ​രി​യും യൂ​ത്ത്‌​ലീ​ഗ് നേ​താ​വു​മാ​യ അ​ഫ്സ​ലി​നെ​യാ​ണ് സി​ഐ​ടി​യു പ്ര​വ​ർ​ത്ത​ക​ർ ര​ണ്ടു​ത​വ​ണ ആ​ക്ര​മി​ച്ച​ത്. പെ​രി​ങ്ങോം പോ​ലീ​സ് സ്റ്റേ​ഷ​നി​ൽ പ​രാ​തി​പ്പെ​ട്ടി​ട്ടും താ​ൻ പ​റ​ഞ്ഞ മൊ​ഴി​യ​ല്ല എ​ഫ്ഐ​ആ​റി​ൽ രേ​ഖ​പ്പെ​ടു​ത്തി​യ​തെ​ന്ന് അ​ഫ്സ​ൽ ആ​രോ​പി​ച്ചി​രു​ന്നു.

മാ​ത​മം​ഗ​ല​ത്തെ അ​ഫ്സ​ലി​ന്‍റെ ക​ട​യാ​യ എ.​ജെ സെ​ക്യു​ർ ടെ​ക് ഐ​ടി സൊ​ലൂ​ഷ​ൻ​സ് സി​ഐ​ടി​യു​വി​ന്‍റെ ഭീ​ഷ​ണി​മൂ​ലം പൂ​ട്ടി​യി​ട്ടി​രി​ക്കു​ക​യാ​ണ്. മാ​ത​മം​ഗ​ല​ത്തെ പ്ര​ശ്നം സി​പി​എ​മ്മി​നു​ള്ളി​ലും ച​ർ​ച്ച​യാ​യി​രി​ക്കു​ക​യാ​ണ്. പാ​ർ​ട്ടി​ക്കും സ​ർ​ക്കാ​രി​നും അ​വ​മ​തി​പ്പ് ഉ​ണ്ടാ​ക്കി​യെ​ന്നാ​ണ് സി​പി​എം നേ​തൃ​ത്വം ആ​രോ​പി​ക്കു​ന്ന​ത്. പ്ര​ശ്നം പ​രി​ഹ​രി​ക്കാ​ൻ മ​ന്ത്രി​യോ, എം​എ​ൽ​എ​യോ പോ​ലും ഇ​തു​വ​രെ ഇ​ട​പെ​ട്ടി​ട്ടി​ല്ല.

2021 ഓ​ഗ​സ്റ്റ് 22 നാ​ണ് മാ​ത​മം​ഗ​ല​ത്ത് എ​സ്ആ​ർ അ​സോ​സി​യേ​റ്റ്സ് എ​ന്ന ഹാ​ർ​ഡ്‍​വെ​യ​ർ ഷോ​പ്പ് റ​ബീ​ഹ് തു​ട​ങ്ങി​യ​ത്. തൃ​ശൂ​ർ ആ​സ്ഥാ​ന​മാ​യി സി​മ​ന്‍റ് വ്യാ​പാ​രം ന​ട​ത്തു​ന്ന സ്റ്റാ‍​ർ എ​ന്‍റ​ർ​പ്രൈ​സ​സ് ഉ​ട​മ കെ.​എ. സ​ബീ​ലു​മാ​യി പാ​ർ​ട്ണ​ർ​ഷി​പ്പി​ലാ​ണ് ക​ച്ച​വ​ടം ആ​രം​ഭി​ച്ച​ത്. സ്ഥാ​പ​ന​ത്തി​ലേ​ക്കു ലോ​ഡ് ഇ​റ​ക്കു​ന്ന​തി​ന് ലേ​ബ​ർ കാ​ർ​ഡു​ള്ള നാ​ല് തൊ​ഴി​ലാ​ളി​ക​ളെ സ്ഥാ​പ​നം നി​യ​മി​ച്ചി​രു​ന്നു. ഹൈ​ക്കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​ണ് ഈ ​തൊ​ഴി​ലാ​ളി​ക​ളെ നി​യ​മി​ച്ച​ത്.

എ​ന്നാ​ൽ, മാ​ത​മം​ഗ​ല​ത്തെ സി​ഐ​ടി​യു​ക്കാ​ർ ഈ ​ഉ​ത്ത​ര​വി​നു പു​ല്ലു​വി​ല​യാ​ണ് ക​ൽ​പി​ച്ച​ത്. അ​വ​ർ ഷോ​പ്പി​ന്‍റെ മു​ൻ​പി​ൽ സ​മ​രം തു​ട​ങ്ങി ഒ​ടു​വി​ൽ സ്ഥാ​പ​നം പൂ​ട്ടി​ക്കു​ക​യും ചെ​യ്തു. സി​ഐ​ടി​യു സ​മ​രം കാ​ര​ണ​മ​ല്ല ലൈ​സ​ൻ​സ് ഇ​ല്ലാ​ത്ത​തു​കൊ​ണ്ടാ​ണ് മാ​ത​മം​ഗ​ല​ത്തെ ഹാ​ർ​ഡ്‍​വെ​യ​ർ സ്ഥാ​പ​നം പൂ​ട്ടേ​ണ്ടി വ​ന്ന​തെ​ന്ന തൊ​ഴി​ൽ മ​ന്ത്രി​യു​ടെ വാ​ദ​വും പൊ​ളി​ഞ്ഞി​രു​ന്നു.

മ​ന്ത്രി​യു​ടെ വാ​ദം സി​പി​എം ഭ​രി​ക്കു​ന്ന എ​ര​മം- കു​റ്റൂ​ർ പ​ഞ്ചാ​യ​ത്തു ത​ന്നെ ഇ​ന്ന​ലെ നി​ഷേ​ധി​ച്ചു. സ്ഥാ​പ​ന​ത്തി​ന്‍റെ ലൈ​സ​ൻ​സ് റ​ദ്ദാ​ക്കി​യി​ട്ടി​ല്ലെ​ന്നും അ​നു​മ​തി​യി​ൽ കൂ​ടു​ത​ൽ സ്ഥ​ലം ഉ​പ​യോ​ഗി​ച്ചു എ​ന്ന പ​രാ​തി അ​ന്വേ​ഷി​ച്ച് നോ​ട്ടീ​സ് ന​ൽ​കു​ക മാ​ത്ര​മാ​ണ് ചെ​യ്ത​തെ​ന്നും പ​ഞ്ചാ​യ​ത്ത് സെ​ക്ര​ട്ട​റി ര​മ​ണി വ്യ​ക്ത​മാ​ക്കി.

കെ​ട്ടി​ട ഉ​ട​മ​യു​ടെ അ​നു​മ​തി​പ​ത്രം വാ​ങ്ങി ക്ര​മ​പ്പെ​ടു​ത്താ​വു​ന്ന ച​ട്ട ലം​ഘ​നം മാ​ത്ര​മാ​ണി​തെ​ന്നും ക്ര​മ​പ്പെ​ടു​ത്തേ​ണ്ട​തി​ന്‍റെ സ​മ​യ പ​രി​ധി നി​ശ്ച​യി​ച്ചി​ട്ടി​ല്ല എ​ന്നു​മാ​ണ് വി​ശ​ദീ​ക​ര​ണം. ഈ ​പ​രാ​തി​ക്കു പി​ന്നി​ലും സി​ഐ​ടി​യു ആ​ണെ​ന്ന് ഉ​ട​മ ആ​രോ​പി​ക്കു​ന്നു.