മുംബൈ: ക്രിക്കറ്റ് ഇതിഹാസം സച്ചിൻ തെൻഡുൽക്കറുടെ മകൻ അർജുൻ തെൻഡുൽക്കർ മുംബൈ രഞ്ജി ടീമിൽ സ്ഥാനം നേടി. പൃഥ്വി ഷാ നായകനാകുന്ന ടീമിൽ ശിവം ദുബെ, ധവാൽ കുൽക്കർണി, സർഫ്രാസ് ഖാൻ തുടങ്ങിയവരുമുണ്ട്. ലോകകപ്പ് നേടിയ ഇന്ത്യൻ അണ്ടർ 19 ടീമിന്റെ നായകനായിരുന്ന ഷാ വിജയ് ഹസാരെ ട്രോഫിയിൽ മുംബൈയെയും കിരീടത്തിലെത്തിച്ചിട്ടുണ്ട്.
ആദ്യമായാണ് അർജുൻ ഫസ്റ്റ് ക്ലാസ് മത്സരങ്ങൾക്കുള്ള രഞ്ജി ടീമിൽ എത്തുന്നത്. നേരത്തെ സയിദ് മുഷ്താഖ് അലി ട്വന്റി-20 ടൂർണമെന്റിനുള്ള മുംബൈ ടീമിൽ സ്ഥാനം നേടിയ അർജുൻ രണ്ടു മത്സരങ്ങളിൽ കളിക്കുകയും ചെയ്തിരുന്നു.
കഴിഞ്ഞ സീസണിലെ ഐപിഎൽ താരലേലത്തിൽ മുംബൈൻ ഇന്ത്യൻസ് അടിസ്ഥാന വിലയായ 20 ലക്ഷം രൂപ നൽകി അർജുനെ ടീമിലെത്തിച്ചിരുന്നു. എന്നാൽ ടൂർണമെന്റിൽ ഒരു കളിപോലും അന്തിമ ഇലവനിൽ എത്താൻ താരത്തിന് കഴിഞ്ഞിരുന്നില്ല.
41 തവണ രഞ്ജി ചാമ്പ്യന്മാരായ മുംബൈ സമീപകാലത്ത് നിറംമങ്ങിയ സ്ഥിതിയിലാണ്. ഐലൈറ്റ് ഗ്രൂപ്പ് സിയിൽ മഹാരാഷ്ട്രയ്ക്കെതിരേ ജനുവരി 13-നാണ് മുംബൈയുടെ ആദ്യ മത്സരം.
ആദ്യമായാണ് അർജുൻ ഫസ്റ്റ് ക്ലാസ് മത്സരങ്ങൾക്കുള്ള രഞ്ജി ടീമിൽ എത്തുന്നത്. നേരത്തെ സയിദ് മുഷ്താഖ് അലി ട്വന്റി-20 ടൂർണമെന്റിനുള്ള മുംബൈ ടീമിൽ സ്ഥാനം നേടിയ അർജുൻ രണ്ടു മത്സരങ്ങളിൽ കളിക്കുകയും ചെയ്തിരുന്നു.
കഴിഞ്ഞ സീസണിലെ ഐപിഎൽ താരലേലത്തിൽ മുംബൈൻ ഇന്ത്യൻസ് അടിസ്ഥാന വിലയായ 20 ലക്ഷം രൂപ നൽകി അർജുനെ ടീമിലെത്തിച്ചിരുന്നു. എന്നാൽ ടൂർണമെന്റിൽ ഒരു കളിപോലും അന്തിമ ഇലവനിൽ എത്താൻ താരത്തിന് കഴിഞ്ഞിരുന്നില്ല.
41 തവണ രഞ്ജി ചാമ്പ്യന്മാരായ മുംബൈ സമീപകാലത്ത് നിറംമങ്ങിയ സ്ഥിതിയിലാണ്. ഐലൈറ്റ് ഗ്രൂപ്പ് സിയിൽ മഹാരാഷ്ട്രയ്ക്കെതിരേ ജനുവരി 13-നാണ് മുംബൈയുടെ ആദ്യ മത്സരം.