ടയർ പഞ്ചറെന്ന് യുവതിയെ തെറ്റിദ്ധരിപ്പിച്ചു കാ​റു​മാ​യി മു​ങ്ങി​; യു​വാ​വി​നാ​യി അ​ന്വേ​ഷ​ണം

കൊ​ച്ചി: പാ​ലാ​രി​വ​ട്ട​ത്തുനി​ന്നു യുവതിയെ തെറ്റിദ്ധരിപ്പിച്ചു കാ​റു​മാ​യി മു​ങ്ങി​യ യു​വാ​വി​നെ ക​ണ്ടെ​ത്താ​നാ​യി പോ​ലീ​സ് അ​ന്വേ​ഷ​ണം ആ​രം​ഭി​ച്ചു. യു​വാ​വ് ത​ട്ടി​യെ​ടു​ത്ത പു​തി​യ ഐ 20 കാ​ര്‍ ജി​പി​എ​സി​ന്‍റെ സ​ഹാ​യ​ത്തോ​ടെ പോ​ലീ​സ് ഇ​ന്ന​ലെത്തന്നെ ക​ണ്ടെ​ത്തി​യി​രു​ന്നു.

മാ​മം​ഗ​ലം സ​ണ്ണി എ​സ്റ്റേ​റ്റി​ല്‍ താ​മ​സി​ക്കു​ന്ന യു​വ​തി​യു​ടെ കാ​ര്‍ ഫ്‌​ളാ​റ്റി​നു സ​മീ​പ​ത്തുനി​ന്നാണ് ത​ട്ടി​യെ​ടു​ത്ത​ത്. യു​വ​തി​യു​ടെ വീ​ട്ടി​ലെ മു​ന്‍ ഡ്രൈ​വ​റും സ​ഹാ​യി​യു​മാ​യ വ്യ​ക്തി​യാ​ണ് കാ​റു​മാ​യി മു​ങ്ങി​യ​തെ​ന്നു പാ​ലാ​രി​വ​ട്ടം പോ​ലീ​സ് പ​റ​ഞ്ഞു.

യു​വാ​വി​ന്‍റെ പേ​രി​ല്‍ ലോ​ണെ​ടു​ത്തു വാ​ങ്ങി​യ കാ​റി​നെ സം​ബ​ന്ധി​ച്ചു ക​ഴി​ഞ്ഞ ആ​റു​ മാ​സ​മാ​യി ഇ​വ​ര്‍ ത​മ്മി​ല്‍ ത​ര്‍​ക്കം ഉ​ണ്ടാ​യി​രു​ന്ന​താ​യി പോ​ലീ​സ് പ​റ​യു​ന്നു. ഇ​ന്ന​ലെ രാ​വി​ലെ യു​വ​തി കാ​റു​മാ​യി ഫ്‌​ളാ​റ്റി​നു പു​റ​ത്തേ​ക്കു വ​ന്ന​പ്പോ​ള്‍ വ​ഴി​യി​ല്‍ കാ​ത്തു​നി​ന്ന ഇ​യാ​ള്‍ ട​യ​ര്‍ പ​ഞ്ച​റാ​ണെ​ന്ന് അ​റി​യി​ച്ചു.

തു​ട​ര്‍ന്നു താ​ക്കോ​ല്‍ വ​ണ്ടി​യി​ല്‍ ത​ന്നെ​യി​ട്ടു യു​വ​തി പു​റ​ത്തി​റ​ങ്ങി ട​യ​ര്‍ നോ​ക്കു​ന്ന​തി​നി​ടെ യു​വാ​വ് കാ​റു​മാ​യി മു​ങ്ങു​ക​യാ​യി​രു​ന്നു. ഉ​ട​ന്‍​ത്ത​ന്നെ യു​വ​തി പാ​ലാ​രി​വ​ട്ടം പോ​ലീ​സി​ലും കാ​ര്‍ വാ​ങ്ങി​യ ഷോ​ റൂ​മി​ലും വി​വ​രം അ​റി​യി​ച്ചു.

കാ​റി​ല്‍ ജി​പി​എ​സ് സൗ​ക​ര്യ​മു​ണ്ടെ​ന്നും ഇ​തു​പ​യോ​ഗി​ച്ചു കാ​ര്‍ ക​ണ്ടെ​ത്താ​നാ​കു​മെ​ന്നും കാ​ര്‍ ഷോ​റൂ​മി​ല്‍നി​ന്ന് അ​റി​യി​ച്ചു. ഇ​തി​നെ​ത്തു​ട​ര്‍​ന്ന് കാ​റി​ന്‍റെ ജി​പി​എ​സ് ലൊ​ക്കേ​ഷ​ന്‍ വ​യ​ര്‍​ലെ​സ് സെ​റ്റി​ലൂ​ടെ പോ​ലീ​സു​കാ​ര്‍​ക്കു കൈ​മാ​റി. യു​വാ​വ് കാ​റു​മാ​യി ഏ​റെ നേ​രം ന​ഗ​ര​ത്തി​ല്‍ ക​റ​ങ്ങി.

തു​ട​ര്‍​ന്ന് കു​മ്പ​ളം ടോ​ള്‍ പ്ലാ​സ​യ്ക്കു സ​മീ​പ​ത്തു​വ​ച്ചു ഹൈ​വേ പോ​ലീ​സ് കാ​റി​നെ പി​ടി​കൂ​ടാ​നാ​യി പി​ന്നാ​ലെ പാ​ഞ്ഞു. ഇ​തു മ​ന​സി​ലാ​ക്കി കാ​ര്‍ കൈ​ക്ക​ലാ​ക്കി​യ ആ​ള്‍ കു​മ്പ​ളം റ​മ​ദ റി​സോ​ര്‍​ട്ടി​നു സ​മീ​പ​ത്തെ ഒ​ഴി​ഞ്ഞ പ​റ​മ്പി​ല്‍ കാ​ര്‍ ഉ​പേ​ക്ഷി​ച്ചു ര​ക്ഷ​പ്പെ​ടു​ക​യാ​യി​രു​ന്നു. തു​ട​ര്‍​ന്ന് ഹൈ​വേ പോ​ലീ​സ് എ​സ്‌​ഐ ര​മേ​ശ​നും സം​ഘ​വും കാ​ര്‍ ക​സ്റ്റ​ഡി​യി​ലെ​ടു​ത്തു പാ​ലാ​രി​വ​ട്ടം പോ​ലീ​സി​നു കൈ​മാ​റി.