കെ.​എ​സ്. സേ​തു​മാ​ധ​വ​ന്‍റെ നി​ര്യാ​ണ​ത്തി​ൽ അ​നു​ശോ​ചി​ച്ച് മു​ഖ്യ​മ​ന്ത്രി

തി​രു​വ​ന​ന്ത​പു​രം: പ്ര​ശ​സ്ത സം​വി​ധാ​യ​ക​ന്‍ കെ.​എ​സ്. സേ​തു​മാ​ധ​വ​ന്‍റെ നി​ര്യാ​ണ​ത്തി​ൽ അ​നു​ശോ​ച​നം അ​റി​യി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. മ​ല​യാ​ള ച​ല​ച്ചി​ത്രം രം​ഗ​ത്ത് ന​വീ​ന​മാ​യ ഒ​രു ഭാ​വു​ക​ത്വം കൊ​ണ്ടു​വ​ന്ന സം​വി​ധാ​യ​ക​നാ​ണ് കെ.​എ​സ്. സേ​തു​മാ​ധ​വ​നെ​ന്നും​ ച​ല​ച്ചി​ത്ര​ത്തെ ഒ​രു സ​മ​ഗ്ര ക​ല​യാ​യി ഉ​യ​ർ​ത്തു​ന്ന​തി​ലും സ​മൂ​ഹ​ത്തി​ലെ എ​ല്ലാ വി​ഭാ​ഗ​ത്തി​ലും അ​ത് സ്വീ​കാ​ര്യ​മാ​കു​ന്ന​തി​ലും സേ​തു​മാ​ധ​വ​ൻ വ​ഹി​ച്ച പ​ങ്ക് എ​ടു​ത്തു​പ​റ​യേ​ണ്ട​താ​ണെ​ന്ന് മു​ഖ്യ​മ​ന്ത്രി പ​റ​ഞ്ഞു.

ശ്ര​ദ്ധേ​യ​മാ​യ സാ​ഹി​ത്യ​കൃ​തി​ക​ൾ ച​ല​ച്ചി​ത്ര​മാ​ക്കു​ക, അ​തി​നെ ഭാ​വ​ഭ​ദ്ര​മാം​വി​ധം കു​ടും​ബ​സ​ദ​സു​ക​ൾ​ക്ക് സ്വീ​കാ​ര്യ​മാ​ക്കു​ക എ​ന്നീ കാ​ര്യ​ങ്ങ​ളി​ൽ അ​ദ്ദേ​ഹം ഏ​റെ ശ്ര​ദ്ധി​ച്ചു. ദൈ​വ​ങ്ങ​ളി​ലും രാ​ജാ​ക്ക​ന്മാ​രി​ലും മാ​ത്ര​മാ​യി ഒ​തു​ങ്ങി​നി​ന്ന ച​ല​ച്ചി​ത്ര ക​ല​യു​ടെ വി​ഷ​യ​ത്തെ മ​നു​ഷ്യ കേ​ന്ദ്രീ​കൃ​ത​മാ​ക്കു​ന്ന​തി​ൽ ഏ​റെ ശ്ര​ദ്ധി​ച്ചി​രു​ന്നു.

ഏ​റെ​ക്കാ​ലം ചെ​ന്നൈ​യി​ലാ​യി​രു​ന്നു​വെ​ങ്കി​ലും മ​ല​യാ​ള​ത്തി​ന്‍റെ സാം​സ്‌​കാ​രി​ക രം​ഗ​ത്തെ​യും ക​ലാ രാ​ഷ്ട്രീ​യ സാ​മൂ​ഹ്യ രം​ഗ​ങ്ങ​ളെ​യും ഏ​റെ ശ്ര​ദ്ധി​ച്ചു പോ​ന്നി​രു​ന്നു അ​ദ്ദേ​ഹം. മ​ല​യാ​ള സി​നി​മ​യു​ടെ ഒ​രു​സം​വി​ധാ​ന കാ​ല​ഘ​ട്ട​ത്തി​ന്‍റെ ത​ല​ക്കെ​ട്ടാ​യി പ​ല പ​തി​റ്റാ​ണ്ടു​ക​ൾ നി​ന്ന് ശ്ര​ദ്ധേ​യ​നാ​യ സം​വി​ധാ​യ​ക​നാ​ണ് സേ​തു​മാ​ധ​വ​ൻ.

ച​ല​ച്ചി​ത്ര രം​ഗ​ത്തി​ന് മാ​ത്ര​മ​ല്ല പൊ​തു​സാം​സ്‌​കാ​രി​ക രം​ഗ​ത്തി​നാ​കെ ക​ന​ത്ത ന​ഷ്ട​മാ​ണ് കെ.​എ​സ്. സേ​തു​മാ​ധ​വ​ന്‍റെ വി​യോ​ഗ​മെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.