ദത്ത് വിവാദം: കു​ഞ്ഞി​നെ കൊണ്ടുവരാൻ ഉ​ദ്യോ​ഗ​സ്ഥ​ർ ആ​ന്ധ്ര​യി​ലേ​ക്കു തിരിച്ചു

തി​രു​വ​ന​ന്ത​പു​രം: ദ​ത്തു​വി​വാ​ദം സം​ബ​ന്ധി​ച്ച കേ​സ് തി​രു​വ​ന​ന്ത​പു​രം കു​ടും​ബ​കോ​ട​തി ഇ​ന്നു പ​രി​ഗ​ണി​ക്കാ​നി​രി​ക്കെ കു​ഞ്ഞി​നെ കേ​ര​ള​ത്തി​ലെ​ത്തി​ക്കാ​ന്‍ ശി​ശു​ക്ഷേ​മ സ​മി​തി അം​ഗ​ങ്ങ​ള്‍ ആ​ന്ധ്ര​പ്ര​ദേ​ശി​ലേ​ക്കു യാ​ത്ര​തി​രി​ച്ചു.

ഇ​ന്നു രാ​വി​ലെ 6.10ന് ​തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ പു​റ​പ്പെ​ട്ട ഇ​ന്‍​ഡി​ഗോ വി​മാ​ന​ത്തി​ലാ​ണ് നാ​ലം​ഗ സം​ഘം യാ​ത്ര തി​രി​ച്ച​ത്. മൂ​ന്നു പൊ​ലീ​സു​കാ​രും ശി​ശു​ക്ഷേ​മ സ​മി​തി​യി​ലെ ഒ​രു ഉ​ദ്യോ​ഗ​സ്ഥ​യു​മാ​ണ് സം​ഘ​ത്തി​ലു​ള്ള​ത്. നി​ല​വി​ൽ ആ​ന്ധ്ര സ്വ​ദേ​ശി​ക​ളാ​യ ദ​ന്പ​തി​ക​ളു​ടെ സം​ര​ക്ഷ​ണ​യി​ലാ​ണ് കു​ഞ്ഞ്. ഉ​ദ്യോ​ഗ​സ്ഥ​സം​ഘം എ​ത്തു​ന്ന വി​വ​രം ആ​ന്ധ്രാ​പ്ര​ദേ​ശി​ലെ ദ​മ്പ​തി​ക​ളെ അ​റി​യി​ച്ചി​രു​ന്നു.

കു​ഞ്ഞി​നെ തി​രി​ച്ചെ​ത്തി​ച്ചു ക​ഴി​ഞ്ഞാ​ൽ ഡി​എ​ന്‍​എ പ​രി​ശോ​ധ​ന ന​ട​ത്തും. കു​ഞ്ഞി​നെ അ​ഞ്ച് ദി​വ​സ​ത്തി​ന​കം കേ​ര​ള​ത്തി​ലെ​ത്തി​ക്ക​ണ​മെ​ന്നും ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി വ്യാ​ഴാ​ഴ്ച ഉ​ത്ത​ര​വി​ട്ടി​രു​ന്നു. തി​രു​വ​ന​ന്ത​പു​ര​ത്തെ​ത്തി​ക്കു​ന്ന കു​ഞ്ഞി​നെ ജി​ല്ലാ ചൈ​ല്‍​ഡ് പ്രൊ​ട്ട​ക്ഷ​ന്‍ ഓ​ഫീ​സ​റു​ടെ സം​ര​ക്ഷ​ണ​യി​ലാ​ക്കും. തി​രു​വ​ന​ന്ത​പു​രം ക്രൈം​ബ്രാ​ഞ്ച് ഡി​വൈ​എ​സ്പി​ക്കും സം​ര​ക്ഷ​ണ ചു​മ​ത​ല വ​ഹി​ക്കും.

ത​ന്‍റെ അ​നു​മ​തി​യി​ല്ലാ​തെ​യാ​ണ് കു​ഞ്ഞി​നെ ദ​ത്ത് ന​ൽ​കി​യ​തെ​ന്ന പേ​രൂ​ർ​ക്ക​ട സ്വ​ദേ​ശി​നി അ​നു​പ​മ​യു​ടെ പ​രാ​തി​യി​ൽ വ്യ​ക്ത​ത വ​രു​ത്താ​ൻ ഡി​എ​ൻ​എ പ​രി​ശോ​ധ​ന ന​ട​ത്ത​ണ​മെന്നു കോ​ടതി ​നി​ർ​ദേ​ശി​ച്ചി​രു​ന്നു.

സ​ർ​ക്കാ​രി​ന്‍റെ ആ​വ​ശ്യ​പ്ര​കാ​രം ദ​ത്ത് ന​ട​പ​ടി​ കോ​ട​തി നി​ർ​ത്തി വ​ച്ചി​രി​ക്കു​ക​യാ​ണ്. ഡി​എ​ൻ​എ പ​രി​ശോ​ധ​ന​യ്ക്കാ​യി ദ​ത്തെ​ടു​ത്ത ദ​മ്പ​തി​ക​ളി​ൽനി​ന്നു കു​ഞ്ഞി​നെ തി​രി​കെ​യ​ത്തി​ക്കാ​ൻ ന​ട​പ​ടി സ്വീ​ക​രി​ച്ചു​വെന്നു ചൈ​ൽ​ഡ് വെ​ൽ​ഫ​ർ ക​മ്മി​റ്റി ഇ​ന്നു കോ​ട​തി​യെ അ​റി​യി​ക്കും.