മി​സ് കേ​ര​ള മ​ര​ണം: ര​ണ്ടു പോ​ലീ​സ് ഉ​ന്ന​ത​ര്‍​ക്കെ​തി​രേ ന​ട​പ​ടി​ വരും

കൊ​ച്ചി: മു​ന്‍ മി​സ് കേ​ര​ള​യ​ട​ക്കം മൂന്നു പേ​ര്‍ കാ​റ​പ​ക​ട​ത്തി​ല്‍ മ​രി​ച്ച സം​ഭ​വ​ത്തി​ല്‍ കേ​സി​ല്‍ ഇ​ട​പ്പെ​ട്ട ര​ണ്ട് പോ​ലീ​സ് ഉ​ന്ന​ത​ര്‍​ക്കെ​തി​രേ ന​ട​പ​ടി​ക്കു സാ​ധ്യ​ത. സം​ഭ​വ​ ശേ​ഷം പോ​ലീ​സ് അ​ന്വേ​ഷ​ണം ന​ട​ക്കു​ന്ന​തി​നി​ടെ സം​സ്ഥാ​ന പോ​ലീ​സ് സേ​ന​യി​ലെ ഉ​ന്ന​ത​നും ജി​ല്ല​യി​ലെ ഒ​രു പോ​ലീ​സ് ഉ​ന്ന​ത​നും ഈ ​വി​ഷ​യ​ത്തി​ല്‍ കാ​ര്യ​മാ​യ ഇ​ട​പെ​ട​ലു​ക​ള്‍ ന​ട​ത്തു​ന്ന​താ​യി വാ​ര്‍​ത്ത​ക​ള്‍ പു​റ​ത്തു​വ​ന്നി​രു​ന്നു.

ഇ​തു സം​ബ​ന്ധി​ച്ച സം​സ്ഥാ​ന ഇ​ന്‍റ​ലി​ജ​ന്‍​സ് റി​പ്പോ​ര്‍​ട്ട് ന​ല്‍​കി​യ​താ​യാ​ണ് അ​റി​യു​ന്ന​ത്.
ഈ ​ഐ​പി​എ​സ് ഉ​ദ്യോ​ഗ​സ്ഥ​രു​ടെ നി​ര്‍​ദേ​ശ പ്ര​കാ​ര​മാ​ണ് ഹോ​ട്ട​ലു​ട​മ​യെ ചോ​ദ്യം ചെ​യ്യാ​ന്‍ വൈ​കി​യ​തെ​ന്നും ആ​ക്ഷേ​പ​മു​ണ്ട്. ഇ​തി​ല്‍ ഒ​രാ​ള്‍ കൊ​ച്ചി​യി​ല്‍ ക്യാ​മ്പ് ചെ​യ്തു സ്ഥി​തി​ഗ​തി​ക​ള്‍ വി​ല​യി​രു​ത്തി​യി​രു​ന്ന​താ​യും അ​റി​യു​ന്നു.

അ​തേ​സ​മ​യം, സം​സ്ഥാ​ന പോ​ലീ​സ് മേ​ധാ​വി​യും കൊ​ച്ചി സി​റ്റി പോ​ലീ​സ് ക​മ്മീ​ഷ​ണ​റും ഈ ​കേ​സി​ല്‍ ശ​ക്ത​മാ​യ നി​ല​പാ​ടാ​ണ് എ​ടു​ത്തി​രി​ക്കു​ന്ന​ത്. ആരോപണ വിധേയരായ ​ഐ​പി​എ​സു​കാ​രെ ലോ ​ആ​ന്‍​ഡ് ഓ​ര്‍​ഡ​ര്‍ ഡ്യൂ​ട്ടി​ക​ളി​ല്‍​നിന്നു നീ​ക്കം ചെ​യ്യാ​നു​ള്ള ന​ട​പ​ടി തു​ട​ങ്ങി​യ​താ​യും അ​റി​യു​ന്നു.

കാ​യ​ലി​ല്‍ എ​റി​ഞ്ഞോ?

ഹാ​ര്‍​ഡ് ഡി​സ്‌​ക് കാ​യ​ലി​ല്‍ എ​റി​ഞ്ഞു​വെന്നു റോ​യി പ​റ​യു​മ്പോ​ഴും പോ​ലീ​സ് അ​തു മു​ഖ​വി​ല​യ്ക്ക് എ​ടു​ത്തി​ട്ടി​ല്ല. അ​ന്വേ​ഷ​ണം വ​ഴി​തി​രി​ച്ചു​വി​ടാ​നു​ള്ള ഇ​യാ​ളു​ടെ ത​ന്ത്ര​മാ​ണോ​യെ​ന്നും സം​ശ​യ​മു​ണ്ട്. ഹാ​ര്‍​ഡ് ഡി​സ്‌​ക് ഇ​ട​ക്കൊ​ച്ചി ക​ണ്ണ​ങ്ങാ​ട്ട് പാ​ല​ത്തി​ല്‍‌​നി​ന്ന് എ​റി​ഞ്ഞു​വെ​ന്നു പ​റ​യു​ന്ന കാ​യ​ലി​ലും അ​ന്വേ​ഷ​ണ സം​ഘം തെ​ര​ച്ചി​ല്‍ ന​ട​ത്താ​ന്‍ ഒ​രു​ങ്ങു​ന്നു​ണ്ട്.

ന​ന്പ​ർ18 ഹോ​ട്ട​ലി​ലെ ഒ​ന്നാം നി​ല​യി​ലെ​യും ര​ണ്ടാം നി​ല​യി​ലെ​യും പാ​ര്‍​ക്കിം​ഗ് ഏ​രി​യ​യി​ലെ​യും സി​സി​ടി​വി ദൃ​ശ്യ​ങ്ങ​ളാ​ണ് റോ​യി​യും സം​ഘ​വും മാ​റ്റി​യി​രി​ക്കു​ന്ന​ത്. ഇ​തി​ല്‍നി​ന്നു​ത​ന്നെ ഇ​വി​ടെ അ​സ്വാ​ഭാ​വി​ക​മാ​യ എ​ന്തെ​ങ്കി​ലും ന​ട​ന്നി​ട്ടു​ണ്ടാ​കാം എ​ന്ന നി​ഗ​മ​ന​ത്തി​ല്‍ ഉ​റ​ച്ചു നി​ല്‍​ക്കു​ക​യാ​ണ് അ​ന്വേ​ഷ​ണ സം​ഘം.

ഹാർഡ് ഡിസ്ക് അഴിച്ചത്

യു​വ​തി​ക​ള​ട​ക്കം മ​രി​ച്ച​ത​റി​ഞ്ഞ റോ​യ് ഹോ​ട്ട​ലി​ലെ രാ​ത്രി ദൃ​ശ്യ​ങ്ങ​ള്‍ ല​ഭി​ക്കാ​തി​രി​ക്കാ​ന്‍ ജീ​വ​ന​ക്കാ​രു​ടെ സ​ഹാ​യ​ത്തോ​ടെ ഹോ​ട്ട​ലി​ലെ സി​സി​ടി​വി കാ​മ​റ​ക​ള്‍ ഓ​ഫ് ചെ​യ്യു​ക​യും റോ​യി​യും മ​രി​ച്ച​വ​രും ഉ​ള്‍​പ്പെ​ടു​ന്ന ദൃ​ശ്യ​ങ്ങ​ള്‍ പ​തി​ഞ്ഞ കാ​മ​റ ഏ​തെ​ന്നു മ​ന​സി​ലാ​ക്കി​യ ​ശേ​ഷം അ​തു ന​ശി​പ്പി​ക്കു​ക​യു​മാ​ണ് ചെ​യ്ത​തെ​ന്നും പോ​ലീ​സ് പ​റ​യു​ന്ന​ത്.

റോ​യി​യു​ടെ നി​ര്‍​ദേ​ശ പ്ര​കാ​രം പ്ര​തി​ക​ളി​ലൊ​രാ​ളാ​യ അ​നി​ലാ​ണ് സി​സി​ടി​വി അ​ഴി​ക്കു​ന്ന വി​ധം സ​ര്‍​വീ​സ് ന​ട​ത്തു​ന്ന മെ​ല്‍​വി​നോ​ടു ഫോ​ണി​ല്‍ തി​ര​ക്കി​യ​ത്. തു​ട​ര്‍​ന്ന് അ​ഴി​ക്കു​ന്ന ദൃ​ശ്യ​ങ്ങ​ള്‍ വാ​ട്സ്ആ​പ്പ് വ​ഴി വാ​ങ്ങി​യ ​ശേ​ഷം ഇ​വ ലി​ന്‍​സ​ണ്‍ റെ​യ്നോ​ള്‍​ഡി​നു കൈ​മാ​റി.

ലി​ന്‍​സ​ണ്‍ ഡി​വി​ആ​റി​ല്‍​നി​ന്നു ഹാ​ര്‍​ഡ് ഡി​സ്‌​ക് അ​ഴി​ച്ചു​മാ​റ്റി മെ​ല്‍​വി​നെ ഏ​ര്‍​പ്പി​ക്കു​ക​യും അ​ഴി​ച്ചെ​ടു​ത്ത ഹാ​ര്‍​ഡ് ഡി​സ്‌​കി​നു പ​ക​രം മ​റ്റൊ​രു ശു​ന്യ​മാ​യ ഹാ​ര്‍​ഡ് ഡി​സ്‌​ക് ഡി​വി​ആ​റി​ല്‍ ഘ​ടി​പ്പി​ക്കു​ക​യും ചെ​യ്തു.



ദൃ​ശ്യ​ങ്ങ​ള​ട​ങ്ങി​യ ഡി​സ്‌​ക് മെ​ല്‍​വി​ന്‍ പി​ന്നീ​ടു ഷി​ജു​ലാ​ലി​നെ ഏ​ല്‍​പ്പി​ച്ചു. ഷി​ജു​ലാ​ലും വി​ഷ്ണു​കു​മാ​റും ചേ​ര്‍​ന്നാ​ണ് ക​ണ്ണ​ങ്ങാ​ട്ട് പാ​ല​ത്തി​ല്‍​നി​ന്നു ഹാ​ര്‍​ഡ് ഡി​സ്‌​ക് കാ​യ​ലി​ലേ​ക്ക് എ​റി​ഞ്ഞ​തെ​ന്നും അ​ന്വേ​ഷ​ണ സം​ഘം പറയുന്നു.