മു​തി​ര്‍​ന്ന നേ​താ​ക്ക​ളെ ത​ള​യ്ക്കാ​നാ​കു​മോ? ആ​ദ്യ​വെ​ടി പൊ​ട്ടി​ച്ചു സു​ധാ​ക​ര​ൻ

കോ​ഴി​ക്കോ​ട്: ഡി​സി​സി പ​ട്ടി​ക പു​റ​ത്തു​വ​ന്ന​തി​നു പി​ന്നാ​ലെ എ, ​ഐ, ഗ്രൂ​പ്പു​ക​ള്‍ പ​ര​സ്യ​മാ​യി രം​ഗ​ത്തു വ​രു​മെ​ന്നു മു​ന്‍​കൂ​ട്ടി ക​ണ്ടാ​ണ് ആ​ദ്യം പ്ര​തി​ക​രി​ച്ച​വ​ർ​ക്കെ​തി​രേ ക​ർ​ശ​ന അ​ച്ച​ട​ക്ക ന​ട​പ​ടി​യു​മാ​യി കെ​പി​സി​സി പ്ര​സി​ഡ​ന്‍റ് കെ.​സു​ധാ​ക​ര​ന്‍ രം​ഗ​ത്തു​വ​ന്ന​തെ​ന്നു സൂ​ച​ന. കോ​ൺ​ഗ്ര​സി​ൽ പ​ര​സ്പ​ര​മു​ള്ള ആ​രോ​പ​ണ​ങ്ങ​ളും വി​മ​ർ​ശ​ന​വു​മൊ​ക്കെ പു​ത്ത​രി​യ​ല്ലെ​ങ്കി​ലും മു​തി​ർ​ന്ന നേ​താ​ക്ക​ൾ​ക്കെ​തി​രേ ഉ​ട​ന​ടി ന​ട​പ​ടി വ​രു​ന്ന​ത് അ​സാ​ധാ​ര​ണ​മാ​ണ്.

മു​തി​ർ​ന്ന നേ​താ​വ് മു​ന്‍ എം​എ​ല്‍​എ കെ.​ശി​വ​ദാ​സ​ന്‍ നാ​യ​രെ​യും കെ​പി​സി​സി മു​ന്‍ ജ​ന​റ​ല്‍ സെ​ക്ര​ട്ട​റി കെ.​പി.​അ​നി​ല്‍ കു​മാ​റി​നെ​യും ഡി​സി​സി പ​ട്ടി​ക​യ്ക്കെ​തി​രേ പ്ര​തി​ക​രി​ച്ച​തി​നു തൊ​ട്ടു​പി​ന്നാ​ലെ​യാ​ണ് കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ൻ സ​സ്പെ​ൻ​ഡ് ചെ​യ്ത​ത്.

വി​ര​ട്ട​ലി​ൽ ഞെ​ട്ടി

ജി​ല്ലാ നേ​താ​ക്ക​ള്‍ മു​ത​ല്‍ കെ​പി​സി​സി ഭാ​ര​വാ​ഹി​ക​ള്‍ വ​രെ സു​ധാ​ക​ര​ന്‍റെ അ​പ്ര​തീ​ക്ഷി​ത വി​ര​ട്ട​ലി​ല്‍ ഞെ​ട്ടി. ത​ല മു​തി​ർ​ന്ന നേ​താ​ക്ക​ൾ​ക്കു​കൂ​ടി​യു​ള്ള മു​ന്ന​റി​യി​പ്പാ​ണ് സീ​നി​യ​ർ നേ​താ​ക്ക​ളെ ത​ന്നെ സ​സ്പെ​ൻ​ഡ് ചെ​യ്ത​തെ​ന്നു ക​രു​തു​ന്നു. അ​തേ​സ​മ​യം, വി​ര​ട്ട​ലി​ൽ വീ​ഴി​ല്ല എ​ന്നു തെ​ളി​യി​ക്കാ​ണ് ഉ​മ്മ​ന്‍ ചാ​ണ്ടി​യും ര​മേ​ശ് ചെ​ന്നി​ത്ത​ല​യും അ​ട​ക്ക​മു​ള്ള നേ​താ​ക്ക​ൾ പി​ന്നാ​ലെ പ​ര​സ്യ വി​മ​ര്‍​ശ​ന​വു​മാ​യി രം​ഗ​ത്തു​വ​ന്ന​തെ​ന്നു ക​രു​തു​ന്നു.

എ​ന്നാ​ല്‍, ഇ​വ​ര്‍​ക്കെ​ല്ലാ​മെ​തി​രേ ന​ട​പ​ടി സ്വീ​ക​രി​ക്കാ​ന്‍ സു​ധാ​ക​ര​നു സാ​ധി​ക്കി​ല്ലെ​ന്നാ​ണ് നേ​താ​ക്ക​ള്‍ പ​റ​യു​ന്ന​ത്. പ്ര​തി​ക​രി​ച്ച​തി​നു സ​സ്പെ​ൻ​ഷ​ൻ ന​ൽ​കി​യ​തി​നെ വി​മ​ർ​ശി​ച്ചു ഉ​മ്മ​ൻ‌ ചാ​ണ്ടി അ​ട​ക്കം പ​ര​സ്യ​മാ​യി രം​ഗ​ത്തു​വ​രി​ക​യും ചെ​യ്തു. വി​ശ​ദീ​ക​ര​ണം ചോ​ദി​ക്കാ​തെ സ​സ്പെ​ൻ​ഡ് ചെ​യ്യു​ന്ന രീ​തി കോ​ൺ​ഗ്ര​സി​ൽ ഇ​ല്ലെ​ന്നാ​ണ് ഉ​മ്മ​ൻ ചാ​ണ്ടി പ​റ​ഞ്ഞ​ത്. മു​തി​ർ​ന്ന നേ​താ​ക്ക​ളെ മെ​രു​ക്കാ​ൻ സു​ധാ​ക​ര​നും സ​തീ​ശ​നും ക​ഴി​യു​മോ​യെ​ന്ന ആ​കാം​ക്ഷ​യാ​ണ് ഇ​പ്പോ​ൾ കോ​ൺ​ഗ്ര​സ് വൃ​ത്ത​ങ്ങ​ളി​ൽ ഉ​ള്ള​ത്.

അ​തേ​സ​മ​യം, ഗ്രൂ​പ്പി​ന് അ​തീ​ത​മാ​യ ത​ങ്ങ​ളു​ടെ നി​ല​പാ​ടി​നു പാ​ർ​ട്ടി​യി​ൽ പി​ന്തു​ണ കൂ​ടി​വ​രു​ന്ന​തി​ന്‍റെ ആ​വേ​ശ​ത്തി​ലാ​ണ് സു​ധ​ക​ര​നും സ​തീ​ശ​നും. അ​തു​കൊ​ണ്ടു ത​ന്നെ ഇ​പ്പോ​ഴ​ത്തെ പ്ര​തി​ഷേ​ധ​ത്തെ കൈ​കാ​ര്യം ചെ​യ്യാ​ൻ സാ​ധി​ക്കു​മെ​ന്നു ത​ന്നെ​യാ​ണ് അ​വ​രു​ടെ പ്ര​തീ​ക്ഷ.

ഐ​ഐ​സി​സി​ക്കു മു​ന്പി​ൽ

ഇ​തി​നി​ടെ, അ​ച്ച​ട​ക്ക ന​ട​പ​ടി സ്വീ​ക​രി​ച്ച​തി​നെ​ത്തു​ട​ര്‍​ന്ന് എ​ഐ​സി​സി മു​മ്പാ​കെ പ​രാ​തി ന​ല്‍​കു​മെ​ന്നു മു​ൻ കെ​പി​സി​സി ജ​ന​റ​ല്‍ സെ​ക്ര​ട്ട​റി​യും നി​ര്‍​വാ​ഹ​ക സ​മി​തി അം​ഗ​വു​മാ​യ കെ.​പി.​അ​നി​ല്‍​കു​മാ​ര്‍ ദീ​പി​ക​യോ​ടു പ​റ​ഞ്ഞു. കെ.​സു​ധാ​ക​ര​നും വി.​ഡി.​സ​തീ​ശ​നു​മെ​ല്ലാം നേ​തൃ​ത്വ​ത്തി​നെ​തി​രേ മു​ന്പ് വി​മ​ര്‍​ശ​നം ന​ട​ത്തി​യി​ട്ടു​ണ്ട്. അ​ത്ര​ത​ന്നെ രൂ​ക്ഷ​മാ​യ​ല്ല താ​ന്‍ വി​മ​ര്‍​ശ​നം ഉ​ന്ന​യി​ച്ച​ത്. അ​തി​നാ​ല്‍ ഇ​ക്കാ​ര്യ​ത്തി​ല്‍ എ​ഐ​സി​സി​ക്ക് ഇ​ന്നു ത​ന്നെ പ​രാ​തി ന​ല്‍​കു​മെ​ന്നും അ​ദ്ദേ​ഹം പ​റ​ഞ്ഞു. ഏ​തു സ്ഥാ​ന​ത്തു​നി​ന്നാ​ണ് സ​സ്പ​ൻ​ഡ് ചെ​യ്ത​തെ​ന്നു വ്യ​ക്ത​മ​ല്ല. ന​ട​പ​ടി സ്വീ​ക​രി​ക്കു​ന്ന​തി​ന് മു​മ്പ് യാ​തൊ​രു അ​റി​യി​പ്പോ വി​ശ​ദീ​ക​ര​ണം ചോ​ദി​ക്കു​ക​യോ ഉ​ണ്ടാ​യി​ട്ടി​ല്ലെ​ന്നും അ​നി​ല്‍ കു​മാ​ര്‍ പ​റ​ഞ്ഞു.

എ​ന്ത് അ​ച്ച​ട​ക്ക​രാ​ഹി​ത്യ​മാ​ണ് താ​ന്‍ കാ​ണി​ച്ച​തെ​ന്നും എ​വി​ടെ നി​ന്നാ​ണ് ,ആ​രാ​ണ് ത​ന്നെ പു​റ​ത്താ​ക്കി​യ​തെ​ന്നും പാ​ര്‍​ട്ടി വ്യ​ക്ത​മാ​ക്ക​ണം. മു​മ്പു പ​ല കെ​പി​സി​സി പ്ര​സി​ഡ​ന്‍റു​മാ​ര്‍​ക്കെ​തി​രേ​യും സു​ധാ​ക​ര​ന്‍ ന​ട​ത്തി​യ വി​മ​ര്‍​ശ​ന​ങ്ങ​ള്‍, എം​എ​ല്‍​എ മാ​ത്ര​മാ​യി​രു​ന്ന​പ്പോ​ള്‍ പാ​ര്‍​ട്ടി നേ​താ​ക്ക​ള്‍, പ്ര​തി​പ​ക്ഷ നേ​താ​വ്, മു​ഖ്യ​മ​ന്ത്രി എ​ന്നി​വ​ര്‍​ക്കെ​തി​രേ വി.​ഡി. സ​തീ​ശ​ന്‍ ന​ട​ത്തി​യി​ട്ടു​ള്ള വി​മ​ര്‍​ശ​ന​ങ്ങ​ള്‍ എ​ന്നി​വ അ​ച്ച​ട​ക്ക​രാ​ഹി​ത്യ​മ​ല്ലേ‍? ഞാ​ന്‍ അ​ത്ര​ത്തോ​ള​മൊ​ന്നും​പോ​യി​ട്ടി​ല്ല. ത​ന്നേ​ക്കാ​ള്‍ രൂ​ക്ഷ​മാ​യ ഭാ​ഷ​യി​ല്‍ വി​മ​ര്‍​ശി​ച്ച ഉ​മ്മ​ന്‍ ചാ​ണ്ടി​യെ സ​സ്പെ​ന്‍​ഡ് ചെ​യ്യു​മോ എ​ന്നും അ​നി​ല്‍​കു​മാ​ർ ക​ഴി​ഞ്ഞ ദി​വ​സം വാ​ർ​ത്താ സ​മ്മേ​ള​ന​ത്തി​ലും ചോ​ദി​ച്ചി​രു​ന്നു.

കൂ​ടു​ത​ൽ ആ​ലോ​ചി​ച്ചു!

ഡി​സി​സി പ​ട്ടി​ക സം​ബ​ന്ധി​ച്ചു ശ​രി​യാ​യ രീ​തി​യി​ലു​ള്ള കൂ​ടി​യാ​ലോ​ച​ന​ക​ളും ച​ർ​ച്ച​ക​ളും ന​ട​ത്തി​യി​ല്ലെ​ന്നാ​ണ് മു​തി​ർ​ന്ന നേ​താ​ക്ക​ളാ​യ ഉ​മ്മ​ൻ ചാ​ണ്ടി​യു​ടെ​യും ര​മേ​ശ് ചെ​ന്നി​ത്ത​ല​യു​ടെ​യും പ​രാ​തി. എ​ന്നാ​ൽ, ഈ ​ആ​രോ​പ​ണം കെ.​സു​ധാ​ക​ര​നും വി.​ഡി.​സ​തീ​ശ​നും നി​ഷേ​ധി​ക്കു​ന്നു. ഡി​സി​സി അ​ധ്യ​ക്ഷ തീ​രു​മാ​ന​ത്തി​ൽ സം​സ്ഥാ​ന​ത​ല ച​ർ​ച്ച​ക​ൾ ഉ​ണ്ടാ​യി​രു​ന്നെ​ങ്കി​ൽ ഹൈ​ക്ക​മാ​ൻ​ഡ് ഇ​ട​പെ​ട​ൽ ഒ​ഴി​വാ​ക്കാ​മാ​യി​രു​ന്നു​വെ​ന്നാ​ണ് ര​മേ​ശ് ചെ​ന്നി​ത്ത​ല പ​ട്ടി​ക പു​റ​ത്തു​വ​ന്ന ശേ​ഷം പ്ര​തി​ക​രി​ച്ച​ത്. എ​ന്നാ​ൽ, ഇ​തി​നെ​തി​രേ കെ.​മു​ര​ളീ​ധ​ര​ൻ അ​ട​ക്ക​മു​ള്ള​വ​ർ രം​ഗ​ത്തു​വ​ന്നു.

പു​നഃ​സം​ഘ​ട​ന​യു​മാ​യി ബ​ന്ധ​പ്പെ​ട്ടു മു​തി​ർ​ന്ന നേ​താ​ക്ക​ൾ അ​ട​ക്ക​മു​ള്ള​വ​രു​മാ​യി മു​ൻ​പി​ല്ലാ​ത്ത വി​ധം ച​ർ​ച്ച ന​ട​ത്തി​യാ​ണ് ഡി​സി​സി പ്ര​സി​ഡ​ന്‍റു​മാ​രു​ടെ പ​ട്ടി​ക പ്ര​ഖ്യാ​പി​ച്ച​തെ​ന്നു കെ​പി​സി​സി മു​ൻ പ്ര​സി​ഡ​ന്‍റ് കെ. ​മു​ര​ളീ​ധ​ര​ൻ എം​പി പ​റ​ഞ്ഞു. മു​തി​ർ​ന്ന നേ​താ​ക്ക​ളു​മാ​യി രാ​ഹു​ൽ ഗാ​ന്ധി​യാ​ണ് ച​ർ​ച്ച ന​ട​ത്തി​യ​ത്. പൊ​ട്ടി​ത്തെ​റി​ച്ച​വ​ർ​ക്കൊ​ക്കെ ക്ഷ​മാ​പ​ണം ന​ട​ത്തി തി​രി​ച്ചു വ​രാം. താ​നൊ​ക്കെ അ​ത്ത​ര​ത്തി​ൽ പാ​ർ​ട്ടി​യി​ലേ​ക്കു മ​ട​ങ്ങി​യെ​ത്തി​യ​വ​രാ​ണെ​ന്നും മു​ര​ളീ​ധ​ര​ൻ പ​റ​ഞ്ഞു.