ന്യൂഡല്‍ഹി: കോവിഡ് വ്യാപനം കുറഞ്ഞതിന്‍റെ പശ്ചാത്തലത്തിൽ ഡൽഹിയിൽ സ്കൂളുകളും കോളജുകളും ഘട്ടം ഘട്ടമായി തുറക്കുന്നു. സെപ്റ്റംബർ ഒന്നിന് ഒൻപത് മുതൽ 12 വരെയുള്ള ക്ലാസുകൾ ആരംഭിക്കും. കോച്ചിംഗ് ക്ലാസുകളും കോളജുകളും സർവകലാശാലകളും സെപ്റ്റംബർ ഒന്നിന് തന്നെ തുറക്കുമെന്ന് ഡൽഹി ഉപമുഖ്യമന്ത്രി മനീഷ് സിസോദിയ അറിയിച്ചു.
സെപ്റ്റംബർ എട്ടിന് രണ്ടാം ഘട്ടത്തിൽ ആറു മുതൽ എട്ടു വരെയുള്ള ക്ലാസുകൾ തുടങ്ങും. വിദ്ഗധ സമിതി റിപ്പോര്‍ട്ട് അംഗീകരിച്ചാണ് സര്‍ക്കാര്‍ തീരുമാനമെന്നും മന്ത്രി പറഞ്ഞു.
കോവിഡ് വ്യാപനത്തെ തുടര്‍ന്ന് രാജ്യത്ത് ലോക്ക്ഡൗണ്‍ പ്രഖ്യാപിച്ചതോടെ കഴിഞ്ഞ വര്‍ഷം മാര്‍ച്ചിലാണ് ഡല്‍ഹിയില്‍ സ്‌കൂളുകള്‍ അടച്ചത്. കഴിഞ്ഞ ജനുവരിയില്‍ 9-12 ക്ലാസുകള്‍ ആരംഭിച്ചിരുന്നെങ്കിലും കോവിഡ് വീണ്ടും വ്യാപിച്ചതോടെ ക്ലാസുകള്‍ നിര്‍ത്തിവയ്ക്കുകയായിരുന്നു. അടുത്തിടെ പ്രതിദിനം നൂറില്‍ താഴെയാണ് രാജ്യതലസ്ഥാനത്തെ കോവിഡ് കേസുകൾ.
സെപ്റ്റംബർ എട്ടിന് രണ്ടാം ഘട്ടത്തിൽ ആറു മുതൽ എട്ടു വരെയുള്ള ക്ലാസുകൾ തുടങ്ങും. വിദ്ഗധ സമിതി റിപ്പോര്‍ട്ട് അംഗീകരിച്ചാണ് സര്‍ക്കാര്‍ തീരുമാനമെന്നും മന്ത്രി പറഞ്ഞു.
കോവിഡ് വ്യാപനത്തെ തുടര്‍ന്ന് രാജ്യത്ത് ലോക്ക്ഡൗണ്‍ പ്രഖ്യാപിച്ചതോടെ കഴിഞ്ഞ വര്‍ഷം മാര്‍ച്ചിലാണ് ഡല്‍ഹിയില്‍ സ്‌കൂളുകള്‍ അടച്ചത്. കഴിഞ്ഞ ജനുവരിയില്‍ 9-12 ക്ലാസുകള്‍ ആരംഭിച്ചിരുന്നെങ്കിലും കോവിഡ് വീണ്ടും വ്യാപിച്ചതോടെ ക്ലാസുകള്‍ നിര്‍ത്തിവയ്ക്കുകയായിരുന്നു. അടുത്തിടെ പ്രതിദിനം നൂറില്‍ താഴെയാണ് രാജ്യതലസ്ഥാനത്തെ കോവിഡ് കേസുകൾ.
