ജ​മ്മു കാ​ഷ്മീ​രി​ന് ശ​രി​യാ​യ സ​മ​യ​ത്ത് സം​സ്ഥാ​ന പ​ദ​വി ന​ൽ​കു​മെ​ന്ന് പ്ര​ധാ​ന​മ​ന്ത്രി

ന്യൂ​ഡ​ൽ​ഹി: ജ​മ്മു കാ​ഷ്മീ​രി​ന് ശ​രി​യാ​യ സ​മ​യ​ത്ത് സം​സ്ഥാ​ന പ​ദ​വി ന​ൽ​കു​മെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ഇ​ന്ന് ചേ​ർ​ന്ന സ​ർ​വ​ക​ക്ഷി യോ​ഗ​ത്തി​ലാ​ണ് പ്ര​ധാ​ന​മ​ന്ത്രി ഇ​ക്കാ​ര്യം വ്യ​ക്ത​മാ​ക്കി​യ​ത്. ജ​മ്മു കാ​ഷ്മീ​രി​ലെ 14 നേ​താ​ക്ക​ളാ​ണ് സ​ർ​വ​ക​ക്ഷി യോ​ഗ​ത്തി​നാ​യി പ്ര​ധാ​ന​മ​ന്ത്രി​യു​ടെ വ​സ​തി​യി​ൽ എ​ത്തി​യ​ത്.

ജ​മ്മു കാ​ഷ്മീ​രി​ൽ നി​യ​മ​സ​ഭാ തെ​ര​ഞ്ഞെ​ടു​പ്പ് വൈ​കി​ല്ലെ​ന്നും അ​ദ്ദേ​ഹം പ​റ​ഞ്ഞു. ജ​മ്മു കാ​ഷ്മീ​രി​ൽ മ​ണ്ഡ​ല പു​ന​ർ​നി​ർ​ണ​യ​ത്തി​നു​ശേ​ഷം നി​യ​മ​സ​ഭാ തെ​ര​ഞ്ഞെ​ടു​പ്പ് ന​ട​ത്താ​മെ​ന്നും മോ​ദി പ​റ​ഞ്ഞു. ഇ​തി​നോ​ട് ഭൂ​രി​ഭാ​ഗം നേ​താ​ക്ക​ളും യോ​ജി​ച്ച​തായാ​ണ് റി​പ്പോ​ർ​ട്ട്.

കാ​ഷ്മീ​രി​ലെ ജ​നാ​ധി​പ​ത്യ പ്ര​ക്രി​യ ശ​ക്തി​പ്പെ​ടു​ത്തു​ക​യാ​യി​രു​ന്നു യോ​ഗ​ത്തി​ന്‍റെ മു​ഖ്യ​ല​ക്ഷ്യം. കാ​ഷ്മീ​രി​ന്‍റെ ജ​നാ​ധി​പ​ത്യ പ്ര​ക്രി​യ​യ്ക്ക് ത​ങ്ങ​ൾ പ്ര​തി​ജ്ഞാ​ബ​ദ്ധ​രാ​ണെ​ന്നും പ്ര​ധാ​ന​മ​ന്ത്രി പ​റ​ഞ്ഞു. ജി​ല്ല വി​ക​സ​ന കൗ​ണ്‍​സി​ൽ തെ​ര​ഞ്ഞെ​ടു​പ്പ് വി​ജ​യ​ക​ര​മാ​യി ന​ട​ത്തി​യ​തു​പോ​ലെ നി​യ​മ​സ​ഭാ തെ​ര​ഞ്ഞെ​ടു​പ്പും ന​ട​ത്തും.

സം​സ്ഥാ​ന​പ​ദ​വി പു​നഃ​സ്ഥാ​പി​ക്കു​മെ​ന്ന് സ​ർ​വ​ക​ക്ഷി​യോ​ഗ​ത്തി​ൽ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യും പ​റ​ഞ്ഞു. അ​തേ​സ​മ​യം പ്ര​ത്യേ​ക പ​ദ​വി പു​നഃ​സ്ഥാ​പി​ക്ക​ണ​മെ​ന്നാ​ണ് കാ​ഷ്മീ​ർ താ​ഴ് വ​ര​യി​ലെ പാ​ർ​ട്ടി​ക​ളു​ടെ ഗു​പ്ക​ർ സ​ഖ്യം ആ​വ​ശ്യ​പ്പെ​ട്ട​ത്. എ​ന്നാ​ൽ പ്ര​ത്യേ​ക ഭ​ര​ണ​ഘ​ട​ന പ​ദ​വി പു​നഃ​സ്ഥാ​പി​ക്കി​ല്ലെ​ന്ന് പ്ര​ധാ​ന​മ​ന്ത്രി പ​റ​ഞ്ഞു.

യോ​ഗ​ത്തി​ൽ ജ​മ്മു കാ​ഷ്മീ​രി​ലെ ജ​ന​ങ്ങ​ളു​ടെ ഉ​ന്ന​മ​ന​ത്തി​നാ​യി പ്ര​വ​ർ​ത്തി​ക്കേ​ണ്ട​തി​ന്‍റെ ആ​വ​ശ്യ​ക​ത​യെ​ക്കു​റി​ച്ചും പ്ര​ധാ​മ​ന്ത്രി പ​റ​ഞ്ഞു. ജ​മ്മു​വി​ലു​ണ്ടാ​യ വി​ക​സ​ന​ങ്ങ​ളി​ൽ സ​ന്തോ​ഷം പ്ര​ക​ടി​പ്പി​ച്ച പ്ര​ധാ​മ​ന​ന്ത്രി ഇ​ത് ജ​ന​ത​യ്ക്ക് ന​ൽ​കു​ന്ന​ത് പു​ത്ത​ൻ പ്ര​തീ​ക്ഷ​യാ​ണെ​ന്നും കൂ​ട്ടി​ച്ചേ​ർ​ത്തു.