ബെയ്ജിംഗ്: ചൈനയിലെ സിചുവാൻ എയർലൈൻസ് ഇന്ത്യയിലേക്കുള്ള എല്ലാ കാർഗോ വിമാനങ്ങളും 15 ദിവസത്തേക്ക് നിർത്തിവച്ചു. കോവിഡ് പ്രതിരോധത്തിന് ചൈന ഇന്ത്യക്ക് എല്ലാ പിന്തുണയും സഹായവും വാഗ്ദാനം ചെയ്തിരിക്കുന്നതിനിടെയാണ് ഈ നടപടി.
ഓക്സിജൻ കോൺസെൻട്രേറ്ററുകളും മറ്റു മെഡിക്കൽ സപ്ലൈകളും ചൈനയിൽ നിന്നും വാങ്ങാനുളള സ്വകാര്യ വ്യാപാരികളുടെ ശ്രമങ്ങൾക്ക് ഈ തീരുമാനം തടസമാകും. സിചുവാൻ എയർലൈൻസിന്റെ ഭാഗമായ സിചുവാൻ ചുവാൻഹാംഗ് ലോജിസ്റ്റിക് ലിമിറ്റഡ് തിങ്കളാഴ്ച സെയിൽസ് ഏജന്റുമാർക്ക് അയച്ച കത്തിലാണ് ഇക്കാര്യം അറിയിച്ചത്. സിയാനിൽ നിന്നും ഡൽഹിയിലേക്കടക്കമുള്ള ആറ് റൂട്ടുകളിൽ സർവീസ് നിർത്തിവച്ചിരിക്കുന്നതായി കത്തിൽ പറയുന്നു.
ഇന്ത്യയിൽ കോവിഡ് കേസുകൾ കുതിച്ചുയരുന്ന പശ്ചാത്തലത്തിൽ പുറത്തു നിന്നും രാജ്യത്ത് എത്താൻ സാധ്യതയുള്ള കോവിഡ് കേസുകളുടെ എണ്ണം കുറയ്ക്കുന്നതിനായാണ് 15 ദിവസത്തേക്ക് ഇത്തരമൊരു തീരുമാനം എടുത്തിരിക്കുന്നത്. സിചുവാൻ എയർലൈൻസിന്റെ പ്രധാനപ്പെട്ട റൂട്ടുകളാണ് ഇന്ത്യയിലേക്കുള്ളത്.
വിമാന സർവീസ് നിർത്തിവയ്ക്കാനുളള തീരുമാനം കമ്പനിക്ക് വലിയ നഷ്ടമുണ്ടാക്കി. മാറ്റമില്ലാതെ തുടരുന്ന ഈ സാഹചര്യത്തിൽ, തങ്ങൾ ഖേദിക്കുന്നതായും ഏജന്റുമാർ സാഹചര്യം മനസിലാക്കണമെന്നും കത്തിൽ പറയുന്നു. 15 ദിവസങ്ങൾക്കുശേഷം കമ്പനി സ്ഥിതിഗതികൾ അവലോകനം ചെയ്യുമെന്നും കത്തിൽ വ്യക്തമാക്കിയിട്ടുണ്ട്.
ഓക്സിജൻ കോൺസെൻട്രേറ്ററുകളും മറ്റു മെഡിക്കൽ സപ്ലൈകളും ചൈനയിൽ നിന്നും വാങ്ങാനുളള സ്വകാര്യ വ്യാപാരികളുടെ ശ്രമങ്ങൾക്ക് ഈ തീരുമാനം തടസമാകും. സിചുവാൻ എയർലൈൻസിന്റെ ഭാഗമായ സിചുവാൻ ചുവാൻഹാംഗ് ലോജിസ്റ്റിക് ലിമിറ്റഡ് തിങ്കളാഴ്ച സെയിൽസ് ഏജന്റുമാർക്ക് അയച്ച കത്തിലാണ് ഇക്കാര്യം അറിയിച്ചത്. സിയാനിൽ നിന്നും ഡൽഹിയിലേക്കടക്കമുള്ള ആറ് റൂട്ടുകളിൽ സർവീസ് നിർത്തിവച്ചിരിക്കുന്നതായി കത്തിൽ പറയുന്നു.
ഇന്ത്യയിൽ കോവിഡ് കേസുകൾ കുതിച്ചുയരുന്ന പശ്ചാത്തലത്തിൽ പുറത്തു നിന്നും രാജ്യത്ത് എത്താൻ സാധ്യതയുള്ള കോവിഡ് കേസുകളുടെ എണ്ണം കുറയ്ക്കുന്നതിനായാണ് 15 ദിവസത്തേക്ക് ഇത്തരമൊരു തീരുമാനം എടുത്തിരിക്കുന്നത്. സിചുവാൻ എയർലൈൻസിന്റെ പ്രധാനപ്പെട്ട റൂട്ടുകളാണ് ഇന്ത്യയിലേക്കുള്ളത്.
വിമാന സർവീസ് നിർത്തിവയ്ക്കാനുളള തീരുമാനം കമ്പനിക്ക് വലിയ നഷ്ടമുണ്ടാക്കി. മാറ്റമില്ലാതെ തുടരുന്ന ഈ സാഹചര്യത്തിൽ, തങ്ങൾ ഖേദിക്കുന്നതായും ഏജന്റുമാർ സാഹചര്യം മനസിലാക്കണമെന്നും കത്തിൽ പറയുന്നു. 15 ദിവസങ്ങൾക്കുശേഷം കമ്പനി സ്ഥിതിഗതികൾ അവലോകനം ചെയ്യുമെന്നും കത്തിൽ വ്യക്തമാക്കിയിട്ടുണ്ട്.