ന്യൂഡൽഹി: കോവിഡ് പ്രതിസന്ധി നേരിടുന്ന ഇന്ത്യയ്ക്ക് സഹായവുമായി ഓസ്ട്രേലിയൻ ക്രിക്കറ്റ് താരം പാറ്റ് കമ്മിൻസ്. പ്രധാനമന്ത്രിയുടെ ദുരിതാശ്വാസ ഫണ്ടിലേക്ക് 50000 യുഎസ് ഡോളറാണ് (ഏകദേശം 37 ലക്ഷം രൂപ) കമ്മിൻസ് സംഭാവന ചെയ്തത്. ഓക്സിജൻ ക്ഷാമം പരിഹരിക്കാൻ ഈ പണം ഉപയോഗിക്കും എന്നാണ് പ്രതീക്ഷിക്കപ്പെടുന്നതെന്ന് കമ്മിൻസ് പറഞ്ഞു.
ഈ തുക ചെറുതാണെന്ന് അറിയാമെന്നും എങ്കിലും തന്റെ പങ്ക് താൻ വഹിക്കുകയാണ് എന്നും കമ്മിൻസ് പറഞ്ഞു. എല്ലാവരും ദുരിതാശ്വാസ നിധിയിലേക്ക് സംഭാവന ചെയ്യണം എന്നും അദ്ദേഹം പറഞ്ഞു. ഇന്ത്യയിൽ ഇപ്പോഴും ഐപിഎൽ നടക്കുന്നത് ശരിയാണോ എന്ന് പലരും ചോദിക്കുന്നുണ്ട്. എന്നാൽ ലോക്ക്ഡൗണിൽ കഴിയുന്ന ജനതയ്ക്ക് ആശ്വാസമായാണ് ഐപിഎൽ മാറുന്നത് എന്നും കമ്മിൻസ് പറഞ്ഞു.
ഈ തുക ചെറുതാണെന്ന് അറിയാമെന്നും എങ്കിലും തന്റെ പങ്ക് താൻ വഹിക്കുകയാണ് എന്നും കമ്മിൻസ് പറഞ്ഞു. എല്ലാവരും ദുരിതാശ്വാസ നിധിയിലേക്ക് സംഭാവന ചെയ്യണം എന്നും അദ്ദേഹം പറഞ്ഞു. ഇന്ത്യയിൽ ഇപ്പോഴും ഐപിഎൽ നടക്കുന്നത് ശരിയാണോ എന്ന് പലരും ചോദിക്കുന്നുണ്ട്. എന്നാൽ ലോക്ക്ഡൗണിൽ കഴിയുന്ന ജനതയ്ക്ക് ആശ്വാസമായാണ് ഐപിഎൽ മാറുന്നത് എന്നും കമ്മിൻസ് പറഞ്ഞു.