കൊച്ചി: കൃഷിഭവനുകളിലും ഫാമുകളിലും വിവിധയിനം വിത്തുകള് എത്തിക്കാനുള്ള വാഹനവാടക നിശ്ചയിക്കാന് ഗൂഗിള് മാപ്പിന്റെ അടിസ്ഥാനത്തില് ദൂരം കണക്കാക്കിയ കൃഷിവകുപ്പ് അഡീഷണല് ഡയറക്ടറുടെയും സംസ്ഥാന വിത്തുവികസന അഥോറിറ്റിയുടെയും ഉത്തരവുകള് ഹൈക്കോടതി റദ്ദാക്കി. കരാറുകാരനു നല്കാനുള്ള അധികതുകയായ 20.68 ലക്ഷം രൂപ ഒരുമാസത്തിനകം നല്കാനും ജസ്റ്റീസ് എന്. നഗരേഷ് ഉത്തരവിട്ടു.
ഗൂഗിള് മാപ്പിലൂടെ ദൂരം നിര്ണയിച്ച് വാഹനവാടക നിശ്ചയിച്ചതിനെതിരെ കരാറുകാരനായ തൃശൂര് അന്തിക്കാട് സ്വദേശി എം.വി. രാമചന്ദ്രന് നല്കിയ ഹര്ജിയിലാണ് ഹൈക്കോടതിയുടെ തീരുമാനം. ഗൂഗിള് മാപ്പിന്റെയും ഇന്റര്നെറ്റിന്റെയും സഹായത്തോടെ കുറഞ്ഞ ദൂരം കണക്കാക്കി വാഹന വാടക നിശ്ചയിക്കുന്ന രീതി 2019 മുതലാണ് അഥോറിറ്റി നടപ്പാക്കിയത്. ഇതിനു മുമ്പുള്ള കരാറിന് ഈ വ്യവസ്ഥ ബാധകമാക്കാനാവില്ലെന്നും സിംഗിള് ബെഞ്ച് വ്യക്തമാക്കി.
ഗൂഗിള് മാപ്പിലൂടെ ദൂരം നിര്ണയിച്ച് വാഹനവാടക നിശ്ചയിച്ചതിനെതിരെ കരാറുകാരനായ തൃശൂര് അന്തിക്കാട് സ്വദേശി എം.വി. രാമചന്ദ്രന് നല്കിയ ഹര്ജിയിലാണ് ഹൈക്കോടതിയുടെ തീരുമാനം. ഗൂഗിള് മാപ്പിന്റെയും ഇന്റര്നെറ്റിന്റെയും സഹായത്തോടെ കുറഞ്ഞ ദൂരം കണക്കാക്കി വാഹന വാടക നിശ്ചയിക്കുന്ന രീതി 2019 മുതലാണ് അഥോറിറ്റി നടപ്പാക്കിയത്. ഇതിനു മുമ്പുള്ള കരാറിന് ഈ വ്യവസ്ഥ ബാധകമാക്കാനാവില്ലെന്നും സിംഗിള് ബെഞ്ച് വ്യക്തമാക്കി.