കോ​ൺ​ഗ്ര​സ് 91 സീ​റ്റി​ൽ; മു​ഴുസ്ഥാ​നാ​ർ​ഥി​പ്പ​ട്ടി​ക​യു​മാ​യി ഞാ​യ​റാ​ഴ്ച പ്ര​ഖ്യാ​പ​നം

ന്യൂ​ഡ​ൽ​ഹി: മാ​ര​ത്തോ​ൺ ച​ർ​ച്ച​ക​ൾ​ക്കൊ​ടു​വി​ൽ ഇ​ന്നും കോ​ൺ​ഗ്ര​സ് സ്ഥാ​നാ​ർ​ഥി​പ്പ​ട്ടി​ക പ്ര​ഖ്യാ​പ​നം ഉ​ണ്ടാ​യി​ല്ല. ഞാ​യ​റാ​ഴ്ച മു​ഴു​വ​ൻ സീ​റ്റി​ലും സ്ഥാ​നാ​ർ​ഥി​ക​ളെ പ്ര​ഖ്യാ​പി​ക്കു​മെ​ന്ന് നേ​താ​ക്ക​ളാ​യ മു​ല്ല​പ്പ​ള്ളി രാ​മ​ച​ന്ദ്ര​ൻ, ര​മേ​ശ് ചെ​ന്നി​ത്ത​ല, ഉ​മ്മ​ൻ ചാ​ണ്ടി എ​ന്നി​വ​ർ ഡ​ൽ​ഹി​യി​ൽ അ​റി​യി​ച്ചു. നി​യ​മ​സ​ഭാ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് 91 സീ​റ്റി​ലാ​ണ് മ​ത്സ​രി​ക്കു​ക.

ഇ​തി​ൽ 81 സീ​റ്റു​ക​ളി​ൽ സ്ഥാ​നാ​ർ​ഥി​ക​ൾ സം​ബ​ന്ധി​ച്ച് തീ​രു​മാ​ന​മാ​യി. ബാ​ക്കി 10 സീ​റ്റു​ക​ളി​ൽ ആ​രൊ​ക്കെ​യെ​ന്ന് തീ​രു​മാ​നി​ച്ച ശേ​ഷം ഒ​റ്റ​ഘ​ട്ട​മാ​യി പ്ര​ഖ്യാ​പ​നം ന​ട​ത്തു​മെ​ന്ന് കെ​പി​സി​സി അ​ധ്യ​ക്ഷ​ൻ മു​ല്ല​പ്പ​ള്ളി രാ​മ​ച​ന്ദ്ര​ൻ പ​റ​ഞ്ഞു. 10 സീ​റ്റു​ക​ളി​ൽ വി​ശ​ദ​മാ​യ ച​ർ​ച്ച വേ​ണം. പ്ര​തി​സ​ന്ധി​യൊ​ന്നു​മി​ല്ല. വൈ​കാ​നു​ള്ള കാ​ര​ണം പ​ട്ടി​ക വ​രു​മ്പോ​ൾ മ​ന​സി​ലാ​കു​മെ​ന്ന് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല​യും കൂ​ട്ടി​ച്ചേ​ർ​ത്തു.

എം​പി​മാ​ർ നി​യ​മ​സ​ഭ​യി​ലേ​ക്ക് മ​ത്സ​രി​ക്കേ​ണ്ട​തി​ല്ലെ​ന്ന തീ​രു​മാ​ന​വും സ്ക്രീ​നിം​ഗ് ക​മ്മി​റ്റി യോ​ഗ​ത്തി​ൽ ഉ​ണ്ടാ​യി. ഇ​തോ​ടെ ഉ​ദ്വേ​ഗ​ത്തോ​ടെ കാ​ത്തി​രി​ക്കു​ന്ന നേ​മം മ​ണ്ഡ​ല​ത്തി​ൽ കെ. ​മു​ര​ളീ​ധ​ര​ൻ എം​പി മ​ത്സ​രി​ക്കി​ല്ലെ​ന്ന കാ​ര്യ​ത്തി​ലും വ്യ​ക്ത​ത​യാ​യി. ഒ​രാ​ൾ ര​ണ്ട് മ​ണ്ഡ​ല​ങ്ങ​ളി​ലും മ​ത്സ​രി​ക്കി​ല്ല. ഉ​മ്മ​ൻ ചാ​ണ്ടി നേ​മ​ത്ത് മ​ത്സ​രി​ച്ചാ​ൽ പു​തു​പ്പ​ള്ളി​യി​ൽ മ​റ്റൊ​രു സ്ഥാ​നാ​ർ​ഥി​യെ ക​ണ്ടേ​ത്തേ​ണ്ട​തു​ണ്ട്. ഇ​ത​ട​ക്കം കാ​ര്യ​ത്തി​ൽ വ്യ​ക്ത​ത വ​രാ​ത്ത​തു​കൊ​ണ്ടാ​ണ് വെ​ള്ളി​യാ​ഴ്ച പ്ര​ഖ്യാ​പി​ക്കു​മെ​ന്ന് പ​റ​ഞ്ഞി​രു​ന്ന സ്ഥാ​നാ​ർ​ഥി​പ്പ​ട്ടി​ക നീ​ണ്ടു​പോ​യ​ത്.

നേ​മം സം​ബ​ന്ധി​ച്ച ആ​ശ​യ​ക്കു​ഴ​പ്പ​മാ​ണ് ച​ർ​ച്ച നീ​ണ്ടു​പോ​കു​ന്ന​തെ​ന്നാ​ണ് വി​വ​രം. ഉ​മ്മ​ൻ ചാ​ണ്ടി നേ​മ​ത്ത് മ​ത്സ​രി​ക്കു​മെ​ന്ന അ​ഭ്യൂ​ഹ​ങ്ങ​ൾ​ക്കും ഇ​ന്ന് ശ​ക്തി​കൂ​ടി. പു​തു​പ്പ​ള്ളി​യി​ൽ മാ​ത്ര​മേ മ​ത്സ​രി​ക്കു​വെ​ന്ന് ആ​വ​ർ​ത്തി​ച്ചി​രു​ന്ന ഉ​മ്മ​ൻ ചാ​ണ്ടി ഇ​ന്ന് വൈ​കു​ന്നേ​രം നേ​മ​ത്തെ ത​ള്ളി​പ്പ​റ​ഞ്ഞി​ല്ലെ​ന്ന​തും ശ്ര​ദ്ധേ​യ​മാ​യി. നേ​മ​ത്ത് ശ​ക്ത​നാ​യ സ്ഥാ​നാ​ർ​ഥി ത​ന്നെ​യാ​കും ഉ​ണ്ടാ​കു​ക​യെ​ന്ന് ര​മേ​ശ് ചെ​ന്നി​ത്ത​ല വ്യ​ക്ത​മാ​ക്കു​ക​യും ചെ​യ്തു.

ഘ​ട​ക​ക​ക്ഷി​ക​ളു​ടെ സീ​റ്റു​ക​ളു​ടെ കാ​ര്യ​ത്തി​ലും പ്ര​ഖ്യാ​പ​ന​മു​ണ്ടാ​യി. യു​ഡി​എ​ഫി​ലെ പ്ര​ധാ​ന​ഘ​ട​ക​ക​ക്ഷി​യാ​യ മു​സ്‌​ലിം ലീ​ഗ് 27 സീ​റ്റി​ൽ മ​ത്സ​രി​ക്കും. കേ​ര​ള കോ​ൺ​ഗ്ര​സ് ജോ​സ​ഫ്-10, ആ​ർ​എ​സ്പി-​അ​ഞ്ച്, എ​ൻ​സി​കെ-​ര​ണ്ട്, സി​എം​പി-​ഒ​ന്ന്, കേ​ര​ള കോ​ൺ​ഗ്ര​സ് ജേ​ക്ക​ബ്-​ഒ​ന്ന്, എ​ന്നി​ങ്ങ​നെ​യാ​ണ് മ​റ്റ് ഘ​ട​ക​ക​ക്ഷി​ക​ളു​ടെ സീ​റ്റ് നി​ല.