മുംബൈ: ഗൂഗിൾ മാപ്പ് നോക്കി ഓടിച്ച കാർ അണക്കെട്ടിൽ വീണു യുവാവിനു ദാരുണാന്ത്യം. മഹാരാഷ്ട്രയിലെ അഹമ്മദ്നഗർ ജില്ലയിലെ അകോലെയിലാണു സംഭവം. പൂന സ്വദേശിയായ സതിഷ് ഗുലെ (34)യാണ് അണക്കെട്ടിൽ മുങ്ങി മരിച്ചത്.
ശനിയാഴ്ച രാത്രിയായിരുന്നു അപകടം. അകോലയ്ക്കടുത്തുള്ള കൽസുബായ് മല കയറാൻ പോയതായിരുന്നു വ്യാപാരിയായ സതീഷും സുഹൃത്തുക്കളും. കോട്ടുലിൽനിന്ന് അകൊലെയിലേക്കു ഗൂഗിൾ മാപ്പ് കാട്ടിയ വഴിയിലൂടെയാണ് ഇവർ യാത്ര ചെയ്തത്. മഴക്കാലത്തു വെള്ളം കയറി പാലം മുങ്ങുകയും അപകടാവസ്ഥയിൽ ആവുകയും ചെയ്തതോടെ ഗതാഗതം നിരോധിച്ച വഴിയിലൂടെയായിരുന്നു ഇവരുടെ യാത്ര.
എന്നാൽ ഇതറിയാതെ യാത്ര ചെയ്ത ഇവരുടെ കാർ അണക്കെട്ടിൽ വീണു. കാറിൽ ഒപ്പമുണ്ടായിരുന്ന രണ്ടു സുഹൃത്തുക്കൾ നീന്തി രക്ഷപെട്ടു. വാഹനം മുങ്ങുന്നതു കണ്ട് ഓടിയെത്തിയ നാട്ടുകാരാണു മൃതദേഹവും കാറും അണക്കെട്ടിൽനിന്ന് പുറത്തെടുത്തത്.
ഇവർ സഞ്ചരിച്ച വഴിയിലൂടെ ഗതാഗതം നിരോധിച്ചതു സംബന്ധിച്ച അറിയിപ്പു ബോർഡുകളൊന്നും വഴികളിൽ സ്ഥാപിച്ചിരുന്നില്ലെന്നു പോലീസ് അറിയിച്ചു.
ശനിയാഴ്ച രാത്രിയായിരുന്നു അപകടം. അകോലയ്ക്കടുത്തുള്ള കൽസുബായ് മല കയറാൻ പോയതായിരുന്നു വ്യാപാരിയായ സതീഷും സുഹൃത്തുക്കളും. കോട്ടുലിൽനിന്ന് അകൊലെയിലേക്കു ഗൂഗിൾ മാപ്പ് കാട്ടിയ വഴിയിലൂടെയാണ് ഇവർ യാത്ര ചെയ്തത്. മഴക്കാലത്തു വെള്ളം കയറി പാലം മുങ്ങുകയും അപകടാവസ്ഥയിൽ ആവുകയും ചെയ്തതോടെ ഗതാഗതം നിരോധിച്ച വഴിയിലൂടെയായിരുന്നു ഇവരുടെ യാത്ര.
എന്നാൽ ഇതറിയാതെ യാത്ര ചെയ്ത ഇവരുടെ കാർ അണക്കെട്ടിൽ വീണു. കാറിൽ ഒപ്പമുണ്ടായിരുന്ന രണ്ടു സുഹൃത്തുക്കൾ നീന്തി രക്ഷപെട്ടു. വാഹനം മുങ്ങുന്നതു കണ്ട് ഓടിയെത്തിയ നാട്ടുകാരാണു മൃതദേഹവും കാറും അണക്കെട്ടിൽനിന്ന് പുറത്തെടുത്തത്.
ഇവർ സഞ്ചരിച്ച വഴിയിലൂടെ ഗതാഗതം നിരോധിച്ചതു സംബന്ധിച്ച അറിയിപ്പു ബോർഡുകളൊന്നും വഴികളിൽ സ്ഥാപിച്ചിരുന്നില്ലെന്നു പോലീസ് അറിയിച്ചു.