ബം​ഗാ​ളി ന​ട​ൻ സൗ​മി​ത്ര ചാ​റ്റ​ർ​ജി അ​ന്ത​രി​ച്ചു

കോ​ൽ​ക്ക​ത്ത: വി​ഖ്യാ​ത ബം​ഗാ​ളി ന​ട​ൻ സൗ​മി​ത്ര ചാ​റ്റ​ർ​ജി (85) അ​ന്ത​രി​ച്ചു. കോ​ൽ​ക്ക​ത്ത​യി​ലെ ബെ​ല്ലെ വു ​ക്ലി​നി​ക്കി​ൽ ചി​കി​ത്സ​യി​ലാ​യി​രു​ന്നു.

കോ​വി​ഡ് സ്ഥി​രീ​ക​രി​ച്ച​തി​നെ തു​ട​ർ​ന്നു ഒ​ക്ടോ​ബ​ർ ആ​റി​നാ​ണ് അ​ദ്ദേ​ഹ​ത്തെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. കോ​വി​ഡ് നെ​ഗ​റ്റീ​വാ​യ​തി​നു​ശേ​ഷം അ​ദ്ദേ​ഹ​ത്തി​ന്‍റെ ആ​രോ​ഗ്യം മെ​ച്ച​പ്പെ​ട്ട​താ​യി റി​പ്പോ​ർ​ട്ടു​ക​ൾ വ​ന്നി​രു​ന്നു. വൈ​കാ​തെ അ​ദ്ദേ​ഹ​ത്തി​ന്‍റെ ആ​രോ​ഗ്യ​നി​ല വീ​ണ്ടും വ​ഷ​ളാ​കു​ക​യാ​യി​രു​ന്നു.

സ​ത്യ​ജി​ത് റേ​യു​ടെ സി​നി​മ​ക​ളി​ലെ അ​ന​ശ്വ​ര ക​ഥാ​പാ​ത്ര​ങ്ങ​ൾ​ക്ക് സൗ​മി​ത്ര ജീ​വ​ൻ ന​ൽ​കി​യി​രു​ന്നു. മൂ​ന്ന് ത​വ​ണ ദേ​ശീ​യ ച​ല​ച്ചി​ത്ര പു​ര​സ്കാ​രം അ​ദ്ദേ​ഹ​ത്തെ തേ​ടി​യെ​ത്തി​യി​ട്ടു​ണ്ട്. 2004ൽ ​പ​ത്മ​ഭൂ​ഷ​ണും 2012ൽ ​രാ​ജ്യ​ത്തെ പ​ര​മോ​ന്ന​ത ച​ല​ച്ചി​ത്ര പു​ര​സ്കാ​ര​മാ​യ ദാ​ദാ സാ​ഹി​ബ് ഫാ​ൽ​ക്കെ അ​വാ​ർ​ഡും ന​ൽ​കി രാ​ജ്യം സൗ​മി​ത്ര​യെ ആ​ദ​രി​ച്ചു.

2018ൽ ​ഫ്ര​ഞ്ച് സ​ർ​ക്കാ​ർ ക​ലാ​കാ​ര​ൻ​മാ​ർ​ക്കു ന​ൽ​കു​ന്ന പ​ര​മോ​ന്ന​ത ബ​ഹു​മ​തി​യും അ​ദ്ദേ​ഹ​ത്തി​ന് ല​ഭി​ച്ചി​ട്ടു​ണ്ട്.

സ​ത്യ​ജി​ത് റേ​യു​ടെ അ​പു​ർ സ​ൻ​സാ​റി​ലൂ​ടെ​യാ​ണ് സൗ​മി​ത്ര സി​നി​മ​യി​ൽ അ​ര​ങ്ങേ​റി​യ​ത്. പി​ന്നീ​ട് റേ​യു​ടെ 15 സി​നി​മ​ക​ളു​ടെ ഭാ​ഗ​മാ​യി. ത​പ​ൻ സി​ൻ​ഹ, ഋ​തു​പ​ർ​ണ ഘോ​ഷ്, മൃ​ണാ​ൾ സെ​ൻ, അ​സി​ത് സെ​ൻ, അ​ജോ​യ് ക​ർ തു​ട​ങ്ങി​യ​വ​രു​ടെ ചി​ത്ര​ങ്ങ​ളി​ലും സൗ​മി​ത്ര അ​ഭി​ന​യി​ച്ചു.

അ​ഭി​ജാ​ൻ, ചാ​രു​ല​ത, പ​രി​ണീ​ത, അ​ര​ണ്യേ​ർ ദി​ൻ രാ​ത്രി, അ​പു​ർ സ​ൻ​സാ​ർ, തീ​ൻ ക​ന്യ തു​ട​ങ്ങി​യ​വ​യാ​ണ് പ്ര​ധാ​ന ചി​ത്ര​ങ്ങ​ൾ.