മ​ഹാ​രാ​ഷ്ട്ര​യി​ൽ വാ​ഹ​നാ​പ​ക​ടം: അ​ഞ്ച് മ​ല​യാ​ളി​ക​ൾ മ​രി​ച്ചു; എഴ് പേർക്ക് പരിക്ക്

തൃ​ശൂ​ർ: മ​ഹാ​രാ​ഷ്ട്ര​യി​ൽ ടെ​ന്പോ ട്രാ​വ​ല​ർ പു​ഴ​യി​ലേ​ക്കു മ​റി​ഞ്ഞ് അ​ഞ്ചു മ​ല​യാ​ളി​ക​ൾ മ​രി​ച്ചു. എ​ട്ട് പേ​ർ​ക്ക് പ​രി​ക്കേ​റ്റു.

തൃ​ശൂ​ർ പു​ല്ല​ഴി കെ​എ​സ്ഇ​ബി സ​ബ് സ്റ്റേ​ഷ​നു സ​മീ​പം ക​രേ​ക്കാ​ട്ടു വീ​ട്ടി​ൽ ഗോ​വി​ന്ദ​ൻ നാ​യ​രു​ടെ മ​ക​ൻ മ​ധു​സൂ​ദ​ന​ൻ നാ​യ​ർ (49), ഭാ​ര്യ ഉ​ഷ, മ​ക​ൻ ആ​ദി​ത്യ​ൻ (21), സാ​ജ​ൻ, സാ​ജ​ന്‍റെ ര​ണ്ട​ര വ​യ​സു​ള്ള മ​ക​ൻ എ​ന്നി​വ​രാ​ണ് മ​രി​ച്ച​ത്. മ​ധു​സൂ​ദ​ന​ന്‍റെ മ​ക​ൾ​ക്ക് അ​പ​ക​ട​ത്തി​ൽ പ​രി​ക്കു​ണ്ട്. കൂ​ടു​ത​ൽ വി​വ​ര​ങ്ങ​ൾ അ​റി​വാ​യി​ട്ടി​ല്ല.

പു​ല​ർ​ച്ചെ നാ​ലി​ന് പൂ​ന-​ബാം​ഗ്ലൂ​ര്‍ ഹൈ​വേ​യി​ലെ സ​ത്താ​റ​യ്ക്കും ക​റാ​ടി​നും ഇ​ട​യി​ല്‍ ഘോ​റ​യി​ലാ​ണ് അ​പ​ക​ടം. പാ​ല​ത്തി​ൽ വ​ച്ച് ട്ര​ക്കു​മാ​യി കൂ​ട്ടി​യി​ടി​ച്ച വാ​ഹ​നം ന​ദി​യി​ലേ​ക്കു മ​റി​യു​ക​യാ​യി​രു​ന്നു.

ഡ്രൈ​വ​ർ ഒ​ഴി​കെ എ​ല്ലാ​വ​രും മ​ല​യാ​ളി​ക​ളാ​ണ്. മ​ധു​സൂ​ദ​ന​ൻ നാ​യ​രും കു​ടും​ബ​വും 30 വ​ർ​ഷ​മാ​യി മും​ബൈ​യി​ലാ​ണ്. ന്യൂ ​മും​ബൈ വാ​ഷി സെ​ക്ട​ർ 16ലാ​ണ് താ​മ​സം.

പു​ല്ല​ഴി​യി​ലു​ള്ള ത​റ​വാ​ട്ടു​വീ​ട്ടി​ൽ സ​ഹോ​ദ​രി​മാ​രാ​യ ശാ​ന്ത, സ​ര​സ്വ​തി എ​ന്നി​വ​രും ശാ​ന്ത​യു​ടെ ഭ​ർ​ത്താ​വാ​യ ഓ​ട്ടോ ഡ്രൈ​വ​ർ ശി​വ​ദാ​സ​നു​മാ​ണ് താ​മ​സി​ക്കു​ന്ന​ത്. കോ​ല​ഴി​യി​ലാ​ണ് മ​രി​ച്ച ഉ​ഷ​യു​ടെ വീ​ട്. ദീ​പാ​വ​ലി ആ​ഘോ​ഷ​ത്തോ​ട​നു​ബ​ന്ധി​ച്ചു ഗോ​വ​യി​ലേ​ക്കു വി​നോ​ദ​യാ​ത്ര പോ​കു​ന്ന​താ​യി കു​ടും​ബം നാ​ട്ടി​ൽ അ​റി​യി​ച്ചി​രു​ന്നു.