വാഷിംഗ്ടൻ: തന്റെ തെരഞ്ഞെടുപ്പ് വിജയം തടയാൻ കോവിഡ് വാക്സിൻ വിജയമാണെന്ന പ്രഖ്യാപനം വൈകിപ്പിച്ചെന്ന ആരോപണവുമായി ഡോണൾഡ് ട്രംപ്. കോവിഡിന് എതിരെ വികസിപ്പിച്ചെടുത്ത വാക്സിൻ 90 ശതമാനത്തിലേറെ ഫലപ്രദമാണെന്ന ബഹുരാഷ്ട്ര മരുന്നുകന്പനിയായ ഫൈസറിന്റെ പ്രഖ്യാപനത്തിനു പിന്നാലെയാണ് ആരോപണങ്ങളുമായി ട്രംപ് പുതിയ വിവാദം തുറന്നത്.
ഫൈസറിന്റെ കോവിഡ് പ്രതിരോധ വാക്സിൻ മൂന്നാംഘട്ട പരീക്ഷണം 90 ശതമാനം വിജയകരമാണെന്ന പ്രഖ്യാപനം അമേരിക്കൻ പ്രസിഡന്റ് തെരഞ്ഞെടുപ്പിലെ തന്റെ വിജയം തടയാനായി ഫുഡ് ആൻഡ് ഡ്രഗ് അഡ്മിനിസ്ട്രേഷനും ഫൈസറും മനഃപൂർവം വൈകിപ്പിക്കുകയായിരുന്നുവെന്ന ആരോപണവുമായാണ് ട്രംപ് രംഗത്തെത്തിയിരിക്കുന്നത്.
ആളുകളുടെ ജീവൻ രക്ഷിക്കുന്നതിനായി ഫൈസറിന് ഈ പ്രഖ്യാപനം നേരത്തെ ആകാമായിരുന്നു. എന്നാൽ തെരഞ്ഞെടുപ്പിനു മുൻപ് പ്രഖ്യാപനം നടത്താനുള്ള ധൈര്യം അവർക്ക് ഇല്ലാതെ പോയെന്നും– ട്രംപ് തുറന്നടിച്ചു. വാക്സിൻ പരീക്ഷണത്തിനുള്ള പല ഉദ്യോഗസ്ഥതല തടസങ്ങളും തെൻറ ഇടപെടലുകളിലൂടെയാണ് ഇല്ലാതായതെന്നും ട്രംപ് അവകാശപ്പെട്ടു.
തങ്ങൾ വികസിപ്പിച്ച വാക്സിൻ 90 ശതമാനം ഫലപ്രദമാണെന്ന് അവകാശപ്പെട്ട് അമേരിക്കൻ കന്പനി ഫൈസർ തിങ്കളാഴ്ചയാണ് രംഗത്തെത്തിയത്. ജർമൻ മരുന്ന് കന്പനിയായ ബയേണ്ടെക്കുമായി ചേർന്ന് ഫൈസർ വികസിപ്പിക്കുന്ന കോവിഡ് വാക്സിന്റെ മൂന്നാംഘട്ട പരീക്ഷണത്തിൽ മരുന്ന് 90 ശതമാനം ഫലപ്രദമാണെന്ന് കണ്ടെത്തിയതായി ഫൈസർ ചെയർമാനും സിഇഒയുമായ ആൽബർട്ട് ബൗർള വ്യക്തമാക്കി.
ഫൈസറിന്റെ കോവിഡ് പ്രതിരോധ വാക്സിൻ മൂന്നാംഘട്ട പരീക്ഷണം 90 ശതമാനം വിജയകരമാണെന്ന പ്രഖ്യാപനം അമേരിക്കൻ പ്രസിഡന്റ് തെരഞ്ഞെടുപ്പിലെ തന്റെ വിജയം തടയാനായി ഫുഡ് ആൻഡ് ഡ്രഗ് അഡ്മിനിസ്ട്രേഷനും ഫൈസറും മനഃപൂർവം വൈകിപ്പിക്കുകയായിരുന്നുവെന്ന ആരോപണവുമായാണ് ട്രംപ് രംഗത്തെത്തിയിരിക്കുന്നത്.
ആളുകളുടെ ജീവൻ രക്ഷിക്കുന്നതിനായി ഫൈസറിന് ഈ പ്രഖ്യാപനം നേരത്തെ ആകാമായിരുന്നു. എന്നാൽ തെരഞ്ഞെടുപ്പിനു മുൻപ് പ്രഖ്യാപനം നടത്താനുള്ള ധൈര്യം അവർക്ക് ഇല്ലാതെ പോയെന്നും– ട്രംപ് തുറന്നടിച്ചു. വാക്സിൻ പരീക്ഷണത്തിനുള്ള പല ഉദ്യോഗസ്ഥതല തടസങ്ങളും തെൻറ ഇടപെടലുകളിലൂടെയാണ് ഇല്ലാതായതെന്നും ട്രംപ് അവകാശപ്പെട്ടു.
തങ്ങൾ വികസിപ്പിച്ച വാക്സിൻ 90 ശതമാനം ഫലപ്രദമാണെന്ന് അവകാശപ്പെട്ട് അമേരിക്കൻ കന്പനി ഫൈസർ തിങ്കളാഴ്ചയാണ് രംഗത്തെത്തിയത്. ജർമൻ മരുന്ന് കന്പനിയായ ബയേണ്ടെക്കുമായി ചേർന്ന് ഫൈസർ വികസിപ്പിക്കുന്ന കോവിഡ് വാക്സിന്റെ മൂന്നാംഘട്ട പരീക്ഷണത്തിൽ മരുന്ന് 90 ശതമാനം ഫലപ്രദമാണെന്ന് കണ്ടെത്തിയതായി ഫൈസർ ചെയർമാനും സിഇഒയുമായ ആൽബർട്ട് ബൗർള വ്യക്തമാക്കി.