അ​യോ​ധ്യ​യി​ലെ മോ​സ്കി​ന്‍റെ ഉ​ദ്ഘാ​ട​ന​ത്തി​ന് പോ​കി​ല്ലെ​ന്ന് ആ​ദി​ത്യ​നാ​ഥ്; ക്ഷ​ണി​ക്കു​മെ​ന്ന് ട്ര​സ്റ്റ്

ല​ക്നോ: ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ അ​യോ​ധ്യ​യി​ലെ മോ​സ്ക് നി​ര്‍​മാ​ണ​ത്തി​ന്‍റെ ഉ​ദ്ഘാ​ട​ന ച​ട​ങ്ങി​ലേ​ക്ക് ക്ഷ​ണി​ക്കു​മെ​ന്ന് സു​ന്നി വ​ഖ​ഫ് ബോ​ർ​ഡ്. അ​യോ​ധ്യ​യി​ലെ പ​ള്ളി നി​ര്‍​മാ​ണ​ത്തി​ന്‍റെ ഉ​ദ്ഘാ​ട​ന​ത്തി​നു​പോ​കി​ല്ലെ​ന്ന് പ്ര​ഖ്യാ​പി​ച്ച​തി​നു പി​ന്നാ​ലെ​യാ​ണ് ആ​ദി​ത്യ​നാ​ഥി​നെ ച​ട​ങ്ങി​ലേ​ക്ക് ക്ഷ​ണി​ക്കു​മെ​ന്ന് വ​ഖ​ഫ് ബോ​ർ​ഡ് അ​റി​യി​ച്ച​ത്.

സു​പ്രീം കോ​ട​തി​യു​ടെ നി​ർ​ദേ​ശ​പ്ര​കാ​രം പ​ള്ളി നി​ർ​മാ​ണ​ത്തി​നാ​യി ന​ൽ​കി​യി​ട്ടു​ള്ള ധ​നി​പൂ​ർ ഗ്രാ​മ​ത്തി​ലെ അ​ഞ്ച് ഏ​ക്ക​ർ സ്ഥ​ല​ത്ത് ആ​ശു​പ​ത്രി, ലൈ​ബ്ര​റി, സാ​മൂ​ഹി​ക അ​ടു​ക്ക​ള, ഗ​വേ​ഷ​ണ കേ​ന്ദ്രം എ​ന്നി​വ​യും നി​ർ​മി​ക്കും. ഇ​വ പൊ​തു​ജ​ന​ങ്ങ​ൾ​ക്ക് ഉ​പ​യോ​ഗി​ക്കു​ന്ന​തി​നാ​ണ്. ഈ ​പ​ദ്ധ​തി​ക​ൾ​ക്ക് ത​റ​ക്ക​ല്ലി​ടാ​ൻ മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ ക്ഷ​ണി​ക്കു​മെ​ന്ന് ട്ര​സ്റ്റ് സെ​ക്ര​ട്ട​റി അ​താ​ർ ഹു​സൈ​ൻ പ​റ​ഞ്ഞു.

മോ​സ്കി​ന്‍റെ ഉ​ദ്ഘാ​ട​ന​ത്തി​നാ​യി ത​ന്നെ ക്ഷ​ണി​ക്കു​ക​യാ​ണെ​ങ്കി​ല്‍ ഒ​രു ഹി​ന്ദു എ​ന്ന നി​ല​യി​ല്‍ പ​ങ്കെ​ടു​ക്കി​ല്ലെ​ന്നാ​ണ് ആ​ദി​ത്യ​നാ​ഥ് ക​ഴി​ഞ്ഞ ദി​വ​സം വ്യ​ക്ത​മാ​ക്കി​യ​ത്. മു​ഖ്യ​മ​ന്ത്രി എ​ന്ന നി​ല​യി​ല്‍ ത​നി​ക്ക് ഒ​രു മ​ത​വു​മാ​യും യാ​തൊ​രു പ്ര​ശ്‌​ന​വു​മി​ല്ല. ഇ​ഫ്താ​റി​ലും മ​റ്റും പ​ങ്കെ​ടു​ക്കു​ന്ന രാ​ഷ്ട്രീ​യ നേ​താ​ക്ക​ള്‍ ത​ല​യി​ല്‍ തൊ​പ്പി​ധ​രി​ക്കു​ന്ന​ത് മ​ത​നി​ര​പേ​ക്ഷ​രാ​ണെ​ന്ന് ഭാ​വി​ക്കു​ന്ന​തി​ന് വേ​ണ്ടി​യാ​ണെ​ന്നും അ​ത് മ​തേ​ത​ര​ത്വ​മ​ല്ലെ​ന്നും അ​ദ്ദേ​ഹം പ​റ​ഞ്ഞു.

'ഞാ​ന്‍ പോ​കി​ല്ല, കാ​ര​ണം ഞാ​നൊ​രു യോ​ഗി​യാ​ണ്. ഒ​രു ഹി​ന്ദു എ​ന്ന നി​ല​യി​ല്‍ എ​നി​ക്ക് എ​ന്‍റെ ആ​രാ​ധ​നാ​രീ​തി അ​നു​സ​രി​ച്ച് ജീ​വി​ക്കാ​ന്‍ അ​ധി​കാ​ര​മു​ണ്ട്. പ​ള്ളി​യു​ടെ നി​ര്‍​മാ​ണ​വു​മാ​യി ബ​ന്ധ​പ്പെ​ട്ട യാ​തൊ​രു ക​ക്ഷി​യി​ലും ഞാ​നി​ല്ല, അ​തി​കൊ​ണ്ടാ​ണ് അ​വ​ര്‍ എ​ന്നെ അ​ങ്ങോ​ട്ടേ​ക്ക് വി​ളി​ക്കാ​ത്ത​ത്. ത​ന്നെ​യു​മ​ല്ല ഞാ​ന്‍ പോ​കാ​ന്‍ ആ​ഗ്ര​ഹി​ക്കു​ന്നു​മി​ല്ല. അ​ത്ത​ര​മൊ​രു ക്ഷ​ണ​പ​ത്രം ല​ഭി​ക്കി​ല്ലെ​ന്ന് എ​നി​ക്ക് ഉ​റ​പ്പാ​ണ്.' യോ​ഗി ആ​ദി​ത്യ​നാ​ഥ് പ​റ​ഞ്ഞു.