കോഴിക്കോട്: ബുക്കർ പുരസ്കാര ജേതാവ് അരുന്ധതി റോയിയുടെ ലേഖനം പാഠപുസ്തകത്തിൽ ഉൾപ്പെടുത്തിയതിൽ പ്രതിഷേധവുമായി ബിജെപി. കാലിക്കറ്റ് സർവകലാശാലയുടെ ബിഎ ഇംഗ്ലീഷ് മൂന്നാം സെമസ്റ്ററിലെ പാഠപുസ്തകത്തിൽ അരുന്ധതി റോയിയുടെ കം സെപ്തംബർ എന്ന ലേഖനം ഉൾപ്പെടുത്തിയതിനെതിരേയാണു ബിജെപിയുടെ പ്രതിഷേധം.
കാശ്മീരിൽ ഇന്ത്യ നടത്തുന്നത് ഭീകരവാദമാണെന്നു പറയുന്ന ലേഖനം ഉടൻ പിൻവലിക്കണമെന്നും ലേഖനം സിലബസിൽ ഉൾപ്പെടുത്തിയവർക്കെതിരേ രാജ്യദ്രോഹത്തിനു കേസെടുക്കണമെന്നും ബിജെപി സംസ്ഥാന അധ്യക്ഷൻ കെ. സുരേന്ദ്രൻ ആവശ്യപ്പെട്ടു. വിഷയത്തിൽ സമഗ്ര അന്വേഷണം നടത്താൻ സംസ്ഥാന സർക്കാർ തയാറാവണമെന്നും അദ്ദേഹം ആവശ്യപ്പെട്ടു.
ഇന്ത്യയുടെ ആണവ പരീക്ഷണത്തിനെയും വൻ അണക്കെട്ടുകളെയും ചോദ്യം ചെയ്യുന്ന ലേഖനം കേരളത്തിലെ കുട്ടികളെ പഠിപ്പിക്കാൻ ആരുടെ കൈയിൽനിന്നാണ് വിദ്യാഭ്യാസ വകുപ്പ് അച്ചാരം വാങ്ങിയതെന്നും സുരേന്ദ്രൻ ചോദിക്കുന്നു. ലേഖനം ഉൾപ്പെടുത്തിയതിനു പിന്നിലെ ലക്ഷ്യം കാന്പസുകളെ മതത്തിന്റെ പേരിൽ വേർതിരിക്കലാണെന്നും ബിജെപി നേതാവ് കുറ്റപ്പെടുത്തി.
ആഗോള ഭീകര സംഘടനയായ അൽക്വയ്ദയെ പോലും ന്യായീകരിക്കുന്ന പാഠഭാഗം സിലബസിൽ ഉൾക്കൊള്ളിച്ചവരെ ഉടൻ അറസ്റ്റ് ചെയ്യണമെന്നും സുരേന്ദ്രൻ ആവശ്യപ്പെട്ടു.
കാശ്മീരിൽ ഇന്ത്യ നടത്തുന്നത് ഭീകരവാദമാണെന്നു പറയുന്ന ലേഖനം ഉടൻ പിൻവലിക്കണമെന്നും ലേഖനം സിലബസിൽ ഉൾപ്പെടുത്തിയവർക്കെതിരേ രാജ്യദ്രോഹത്തിനു കേസെടുക്കണമെന്നും ബിജെപി സംസ്ഥാന അധ്യക്ഷൻ കെ. സുരേന്ദ്രൻ ആവശ്യപ്പെട്ടു. വിഷയത്തിൽ സമഗ്ര അന്വേഷണം നടത്താൻ സംസ്ഥാന സർക്കാർ തയാറാവണമെന്നും അദ്ദേഹം ആവശ്യപ്പെട്ടു.
ഇന്ത്യയുടെ ആണവ പരീക്ഷണത്തിനെയും വൻ അണക്കെട്ടുകളെയും ചോദ്യം ചെയ്യുന്ന ലേഖനം കേരളത്തിലെ കുട്ടികളെ പഠിപ്പിക്കാൻ ആരുടെ കൈയിൽനിന്നാണ് വിദ്യാഭ്യാസ വകുപ്പ് അച്ചാരം വാങ്ങിയതെന്നും സുരേന്ദ്രൻ ചോദിക്കുന്നു. ലേഖനം ഉൾപ്പെടുത്തിയതിനു പിന്നിലെ ലക്ഷ്യം കാന്പസുകളെ മതത്തിന്റെ പേരിൽ വേർതിരിക്കലാണെന്നും ബിജെപി നേതാവ് കുറ്റപ്പെടുത്തി.
ആഗോള ഭീകര സംഘടനയായ അൽക്വയ്ദയെ പോലും ന്യായീകരിക്കുന്ന പാഠഭാഗം സിലബസിൽ ഉൾക്കൊള്ളിച്ചവരെ ഉടൻ അറസ്റ്റ് ചെയ്യണമെന്നും സുരേന്ദ്രൻ ആവശ്യപ്പെട്ടു.