ന്യൂഡൽഹി: ഇന്ത്യയിൽ കോവിഡ് കേസുകൾ മൂന്നു ലക്ഷം കവിഞ്ഞു. ഏറ്റവുമൊടുവിൽ ലഭിക്കുന്ന കണക്കുകൾ പ്രകാരം 3.01,579 പേർക്കാണ് രാജ്യത്ത് കോവിഡ് സ്ഥിരീകരിച്ചത്.
ഇതിൽ 1.43 ലക്ഷം പേർ രാജ്യത്തെ വിവിധ ആശുപത്രികളിൽ ചികിത്സയിൽ കഴിയുന്നുണ്ട്. 1.49 ലക്ഷം പേർ രോഗമുക്തി നേടി. 8,551 പേരാണ് രാജ്യത്ത് ആകെ മരിച്ചത്. 97,648 പേർക്ക് കോവിഡ് സ്ഥിരീകരിച്ച മഹാരാഷ്ട്രയാണ് രാജ്യത്തെ കണക്കുകളിൽ മുന്നിട്ടുനിൽക്കുന്നത്. വ്യാഴാഴ്ച വരെയുള്ള കണക്കാണിത്. 3,590 പേർ സംസ്ഥാനത്ത് ആകെ മരിച്ചു.
തമിഴ്നാട് (40,698), ഡൽഹി (34,697, ഗുജറാത്ത് (22,067), ഉത്തർപ്രദേശ് (12,088), രാജസ്ഥാൻ (11,930), പശ്ചിമ ബംഗാൾ (10,244), മധ്യപ്രദേശ് (10,241) എന്നിവയാണ് പതിനായിരത്തിനുമേൽ രോഗികളുള്ള മറ്റു സംസ്ഥാനങ്ങൾ. കേരളത്തിൽ 2,323 രോഗികളാണുള്ളത്.
ലോകത്ത് കോവിഡ് രോഗികളുടെ എണ്ണത്തിൽ ഇന്ത്യ കഴിഞ്ഞ ദിവസം നാലാം സ്ഥാനത്ത് എത്തിയിരുന്നു. ബ്രിട്ടൻ, സ്പെയിൻ എന്നീ രാജ്യങ്ങളെയാണ് ഇന്ത്യ ഒറ്റദിവസംകൊണ്ട് പിന്നിലാക്കിയത്. അമേരിക്ക, ബ്രസീൽ, റഷ്യ എന്നിവയാണ് ഇന്ത്യയേക്കാൾ കൂടുതൽ കോവിഡ് രോഗികളുള്ള രാജ്യങ്ങൾ.
ഇതിൽ 1.43 ലക്ഷം പേർ രാജ്യത്തെ വിവിധ ആശുപത്രികളിൽ ചികിത്സയിൽ കഴിയുന്നുണ്ട്. 1.49 ലക്ഷം പേർ രോഗമുക്തി നേടി. 8,551 പേരാണ് രാജ്യത്ത് ആകെ മരിച്ചത്. 97,648 പേർക്ക് കോവിഡ് സ്ഥിരീകരിച്ച മഹാരാഷ്ട്രയാണ് രാജ്യത്തെ കണക്കുകളിൽ മുന്നിട്ടുനിൽക്കുന്നത്. വ്യാഴാഴ്ച വരെയുള്ള കണക്കാണിത്. 3,590 പേർ സംസ്ഥാനത്ത് ആകെ മരിച്ചു.
തമിഴ്നാട് (40,698), ഡൽഹി (34,697, ഗുജറാത്ത് (22,067), ഉത്തർപ്രദേശ് (12,088), രാജസ്ഥാൻ (11,930), പശ്ചിമ ബംഗാൾ (10,244), മധ്യപ്രദേശ് (10,241) എന്നിവയാണ് പതിനായിരത്തിനുമേൽ രോഗികളുള്ള മറ്റു സംസ്ഥാനങ്ങൾ. കേരളത്തിൽ 2,323 രോഗികളാണുള്ളത്.
ലോകത്ത് കോവിഡ് രോഗികളുടെ എണ്ണത്തിൽ ഇന്ത്യ കഴിഞ്ഞ ദിവസം നാലാം സ്ഥാനത്ത് എത്തിയിരുന്നു. ബ്രിട്ടൻ, സ്പെയിൻ എന്നീ രാജ്യങ്ങളെയാണ് ഇന്ത്യ ഒറ്റദിവസംകൊണ്ട് പിന്നിലാക്കിയത്. അമേരിക്ക, ബ്രസീൽ, റഷ്യ എന്നിവയാണ് ഇന്ത്യയേക്കാൾ കൂടുതൽ കോവിഡ് രോഗികളുള്ള രാജ്യങ്ങൾ.