മൂ​ടി​യി​ല്ലാ​ത്ത ദു​ര​ന്തം; കു​ഴ​ൽ​ക്കി​ണ​റി​ൽ വീ​ണ് മൂ​ന്ന് വ​യ​സു​കാ​ര​ൻ മ​രി​ച്ചു

ഹൈ​ദ​രാ​ബാ​ദ്: തെ​ലു​ങ്കാ​ന​യി​ലെ മേ​ദ​ക് ജി​ല്ല​യി​ല്‍ കു​ഴ​ല്‍​ക്കി​ണ​റ്റി​ല്‍ വീ​ണ മൂ​ന്നു വ​യ​സു​കാ​ര​ന്‍ മ​രി​ച്ചു. കു​ട്ടി​യു​ടെ മൃ​ത​ശ​രീ​രം പു​റ​ത്തെ​ടു​ത്തു. ബു​ധ​നാ​ഴ്ച രാ​ത്രി പോ​ദ്ച്ച​നാ​പ്പ​ള്ളി​യി​ലാ​യി​രു​ന്നു സം​ഭ​വം. മു​ഴു​രാ​ത്രി ന​ട​ത്തി​യ ര​ക്ഷാ​പ്ര​വ​ർ​ത്ത​ന​ത്തി​നൊ​ടു​വി​ൽ വ്യാ​ഴാ​ഴ്ച രാ​വി​ലെ കു​ട്ടി​യു​ടെ മൃ​ത​ദേ​ഹ​മാ​ണ് കു​ഴ​ൽ​ക്കി​ണ​റി​ൽ​നി​ന്ന് വീ​ണ്ടെ​ടു​ക്കാ​നാ​യ​ത്.

അ​ടു​ത്തി​ടെ കു​ഴി​ച്ച മൂ​ടി​യി​ല്ലാ​ത്ത 120 അ​ടി താ​ഴ്ച​യു​ള്ള കു​ഴ​ൽ​ക്കി​ണ​റി​ലാ​ണ് കു​ട്ടി വീ​ണ​ത്. കു​ഴ​ൽ കി​ണ​റി​ലേ​ക്ക് ഓ​ക്സി​ജ​ൻ എ​ത്തി​ച്ച് കു​ട്ടി​യു​ടെ ജീ​വ​ൻ നി​ല​നി​ർ​ത്താ​ൻ ശ്ര​മി​ച്ചി​രു​ന്നു. മ​ണ്ണു​മാ​ന്തി യെ​ന്ത്രം ഉ​പ​യോ​ഗി​ച്ച് കു​ഴ​ൽ​ക്കി​ണ​റി​ന് സ​മീ​പം സ​മാ​ന്ത​ര കു​ഴി​യെ​ടു​ത്ത് ഇ​തി​ലൂ​ടെ ര​ക്ഷി​ക്കാ​നു​ള്ള ശ്ര​മ​ങ്ങ​ളും ന​ട​ന്നു. എ​ന്നാ​ൽ കു​ട്ടി​യെ ര​ക്ഷി​ക്കാ​നാ​യി​ല്ല.

സം​ഘ​റെ​ഡ്ഡി സ്വ​ദേ​ശി​യാ​യ ഫോ​ട്ടോ​ഗ്രാ​ഫ​ർ ഗോ​വ​ർ​ധ​ന്‍റെ മ​ക​ൻ സാ​യി വ​ർ​ധ​നാ​ണ് മ​രി​ച്ച​ത്. ഗോ​വ​ർ​ധ​നും കു​ടും​ബ​വും ഏ​താ​നും ദി​വ​സം മു​മ്പാ​ണ് പോ​ദ്ച്ച​നാ​പ്പ​ള്ളി​യി​ൽ എ​ത്തി​യ​ത്. അ​മ്മ​യു​ടെ അ​ച്ഛ​നൊ​പ്പം സാ​യി കൃ​ഷി​യി​ട​ത്തി​ൽ​ പോ​യ​താ​യി​രു​ന്നു. കൃ​ഷി​യി​ട​ത്തി​ൽ‌ കു​ട്ടി​യു​മാ​യി എ​ത്തി​യ മു​ത്ത​ച്ച​ൻ കു​ഴ​ൽ​ക്കി​ണ​ർ പ​രി​ശോ​ധി​ക്കു​ന്ന​തി​നി​ടെ​യാ​ണ് അ​പ​ക​ടം സം​ഭ​വി​ച്ച​ത്.

കൃ​ഷി സ്ഥ​ല​ത്ത് ആ​ദ്യം കു​ത്തി​യ കു​ഴ​ൽ​ക്കി​ണ​റി​ൽ വെ​ള്ളം ല​ഭി​ച്ചി​രു​ന്നി​ല്ല. വീ​ണ്ടും കു​ഴ​ൽ​ക്കി​ണ​ർ കു​ഴി​ച്ചെ​ങ്കി​ലും ഇ​തി​ലും വെ​ള്ളം ല​ഭി​ച്ചി​ല്ല. ഇ​ത് പ​രി​ശോ​ധി​ക്കാ​നെ​ത്തി​യ​താ​യി​രു​ന്നു സാ​യിവ​ർ​ധ​നും മു​ത്ത​ച്ച​നും. കു​ഴ​ൽ​ക്കി​ണ​റി​ന് അ​ടു​ത്തെ​ത്തി പ​രി​ശോ​ധി​ക്കു​ന്ന​തി​നി​ടെ കു​ട്ടി​യും എ​ത്തി​നോ​ക്കി. ഇ​തോ​ടെ സാ​യി കാ​ല് വ​ഴു​തി കി​ണ​റി​ലേ​ക്ക് വീ​ഴു​ക​യാ​യി​രു​ന്നു.