കാ​സ​ര്‍​ഗോ​ഡി​നെ വീ​ണ്ടും മു​ള്‍​മു​ന​യി​ലാ​ക്കി​യ​ത് സി​പി​എം നേ​താ​വി​ന്‍റെ നി​യ​മ​ലം​ഘ​നം

കാ​സ​ര്‍​ഗോ​ഡ്: പ​രീ​ക്ഷ​ണ​കാ​ലം ക​ഴി​ഞ്ഞ​തി​ന്‍റെ ആ​ശ്വാ​സ​ത്തി​ലാ​യി​രു​ന്ന കാ​സ​ര്‍​ഗോ​ഡ് ജി​ല്ല​യെ വീ​ണ്ടും കോ​വി​ഡ് രോ​ഗ​ഭീ​തി​യു​ടെ മു​ള്‍​മു​ന​യി​ലാ​ക്കി​യ​ത് അ​തി​ര്‍​ത്തി പ​ഞ്ചാ​യ​ത്തി​ല്‍ നി​ന്നു​ള്ള സി​പി​എം പ്രാ​ദേ​ശി​ക നേ​താ​വി​ന്‍റെ നി​യ​മ​ലം​ഘ​നം.

സ​ര്‍​ക്കാ​ര്‍ നി​ര്‍​ദേ​ശ​ങ്ങ​ളും നി​യ​ന്ത്ര​ണ​ങ്ങ​ളും ഭ​ര​ണ​ക​ക്ഷി​ക്കാ​ര​നാ​യ ത​നി​ക്കു ബാ​ധ​ക​മ​ല്ലെ​ന്ന രീ​തി​യി​ല്‍ ന​ട​ത്തി​യ പ്ര​വ​ര്‍​ത്ത​ന​ങ്ങ​ളു​ടെ ഫ​ല​മാ​യി ജി​ല്ല​യി​ലെ ര​ണ്ട് പ്ര​ധാ​ന സ​ര്‍​ക്കാ​ര്‍ ആ​ശു​പ​ത്രി​ക​ളി​ലെ ആ​രോ​ഗ്യ​പ്ര​വ​ര്‍​ത്ത​ക​രും കാ​ന്‍​സ​ര്‍ രോ​ഗി​ക​ളു​മു​ള്‍​പ്പെ​ടെ നൂ​റോ​ളം പേ​രാ​ണ് രോ​ഗ​ഭീ​തി​യി​ലാ​യ​ത്.

മേ​യ് നാ​ലി​ന് മും​ബൈ​യി​ല്‍ നി​ന്ന് ച​ര​ക്കു​ലോ​റി ക​യ​റി ത​ല​പ്പാ​ടി​യി​ലെ സം​സ്ഥാ​ന അ​തി​ര്‍​ത്തി​യി​ലെ​ത്തി​യ ബ​ന്ധു​വി​നെ സി​പി​എം നേ​താ​വ് കാ​റു​മാ​യി ചെ​ന്ന് കൂ​ട്ടി​ക്കൊ​ണ്ടു​വ​രി​ക​യാ​യി​രു​ന്നു. പൈ​വെ​ളി​ഗെ പ​ഞ്ചാ​യ​ത്ത് അം​ഗ​മാ​യ ഭാ​ര്യ​യും നേ​താ​വി​നൊ​പ്പം ത​ല​പ്പാ​ടി​യി​ലെ​ത്തി​യി​രു​ന്നു. യാ​ത്രാ പാ​സ് പോ​ലു​മി​ല്ലാ​തെ​യാ​ണ് ബ​ന്ധു അ​തി​ര്‍​ത്തി ക​ട​ന്നെ​ത്തി​യ​തെ​ന്നും ആ​രോ​പ​ണ​മു​ണ്ട്.

ഇ​യാ​ളെ സ​ര്‍​ക്കാ​ര്‍ പ​രി​ശോ​ധ​ന​ക​ളൊ​ന്നു​മി​ല്ലാ​തെ നേ​രി​ട്ട് പൈ​വെ​ളി​ഗെ​യി​ലെ വീ​ട്ടി​ലെ​ത്തി​ക്കു​ക​യാ​യി​രു​ന്നു. മും​ബൈ​യി​ല്‍ ത​ട്ടു​ക​ട ന​ട​ത്തു​ന്ന ആ​ളാ​യി​രു​ന്നു നേ​താ​വി​ന്‍റെ ബ​ന്ധു. അ​വി​ടെ കോ​വി​ഡ് ബാ​ധി​ത​ര്‍ ഏ​റെ​യു​ള്ള പ്ര​ദേ​ശ​ത്തു നി​ന്നാ​ണ് ഇ​യാ​ള്‍ വ​രു​ന്ന​തെ​ന്ന് അ​റി​യാ​മാ​യി​രു​ന്നി​ട്ടും വി​വ​രം കോ​വി​ഡ് പ്ര​തി​രോ​ധ സെ​ല്ലി​ല്‍ അ​റി​യി​ക്കു​ക​യോ നി​രീ​ക്ഷ​ണ കേ​ന്ദ്ര​ത്തി​ല്‍ പ്ര​വേ​ശി​പ്പി​ക്കു​ക​യോ ചെ​യ്തി​ല്ല.

തൊ​ട്ട​ടു​ത്ത ദി​വ​സം സി​പി​എം നേ​താ​വ് ഒ​രു കാ​ന്‍​സ​ര്‍ രോ​ഗി​യെ​കൊ​ണ്ട് ഇ​തേ കാ​റി​ല്‍ കാ​ഞ്ഞ​ങ്ങാ​ട് ജി​ല്ലാ ആ​ശു​പ​ത്രി​യി​ല്‍ കീ​മോ​തെ​റാ​പ്പി​ക്കാ​യി എ​ത്തി​ച്ചി​രു​ന്നു. രോ​ഗി​യെ ഇ​വി​ടെ അ​ഡ്മി​റ്റ് ചെ​യ്തു. ഏ​ഴി​ന് വീ​ണ്ടും നേ​താ​വെ​ത്തി രോ​ഗി​യെ വാ​ര്‍​ഡി​ല്‍ ചെ​ന്ന് ക​ണ്ടു. ലാ​ബി​ല്‍ പോ​യി പ​രി​ശോ​ധ​ന​ഫ​ലം വാ​ങ്ങി സ്റ്റാ​ഫ് ന​ഴ്‌​സി​നെ ഏ​ല്‍​പി​ച്ചു. എ​ട്ടി​ന് ശ​ബ്ദം അ​ട​ത്ത​തി​നെ​ത്തു​ട​ര്‍​ന്ന് ജി​ല്ലാ ആ​ശു​പ​ത്രി​യി​ലെ ഇ​എ​ന്‍​ടി ഡോ​ക്ട​റെ പോ​യി​ക്ക​ണ്ടു. ഫാ​ര്‍​മ​സി​യി​ല്‍ നി​ന്ന് മ​രു​ന്നും വാ​ങ്ങി.

മും​ബൈ​യി​ല്‍ നി​ന്നെ​ത്തി​യ ബ​ന്ധു​വി​നെ ഇ​തി​നി​ട​യി​ല്‍ രോ​ഗ​ല​ക്ഷ​ണ​ങ്ങ​ള്‍ കാ​ണി​ച്ച​തി​നെ തു​ട​ര്‍​ന്ന് കാ​സ​ര്‍​ഗോ​ഡ് ജ​ന​റ​ല്‍ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചി​രു​ന്നു. 11-നാ​ണ് ബ​ന്ധു​വി​ന് കോ​വി​ഡ് സ്ഥി​രീ​ക​രി​ച്ച​ത്. ഇ​തോ​ടെ​യാ​ണ് സി​പി​എം നേ​താ​വും ഭാ​ര്യ​യു​മു​ള്‍​പ്പെ​ടെ​യു​ള്ള​വ​ര്‍ നി​രീ​ക്ഷ​ണ​ത്തി​ലാ​യ​തും സാ​മ്പി​ളു​ക​ള്‍ ശേ​ഖ​രി​ച്ച​തും.

വ്യാ​ഴാ​ഴ്ച​യാ​ണ് സി​പി​എം നേ​താ​വി​നും ഭാ​ര്യ​യ്ക്കും ഇ​വ​രു​ടെ ര​ണ്ട് ആ​ണ്‍​കു​ട്ടി​ക​ള്‍​ക്കും കാ​ഞ്ഞ​ങ്ങാ​ട് ജി​ല്ലാ ആ​ശു​പ​ത്രി​യി​ലെ​യും കാ​സ​ര്‍​ഗോ​ഡ് ജ​ന​റ​ല്‍ ആ​ശു​പ​ത്രി​യി​ലെ​യും ഓ​രോ ആ​രോ​ഗ്യ​പ്ര​വ​ര്‍​ത്ത​ക​ര്‍​ക്കും കോ​വി​ഡ് സ്ഥി​രീ​ക​രി​ച്ച​ത്.

ര​ണ്ടു മ​ക്ക​ളും ജി​ല്ലാ ആ​ശു​പ​ത്രി​യി​ലെ ആ​രോ​ഗ്യ​പ്ര​വ​ര്‍​ത്ത​ക​നും ആ​ദ്യ​ത്തെ രോ​ഗി​യു​മാ​യി നേ​രി​ട്ട് സ​മ്പ​ര്‍​ക്കം പു​ല​ര്‍​ത്തി​യി​രു​ന്നി​ല്ല. നേ​താ​വു​മാ​യി മാ​ത്ര​മാ​യി​രു​ന്നു ഇ​വ​രു​ടെ സ​മ്പ​ര്‍​ക്കം.

ജി​ല്ലാ ആ​ശു​പ​ത്രി​യി​ലെ കാ​ന്‍​സ​ര്‍ വാ​ര്‍​ഡി​ലും ലാ​ബി​ലും എ​ക്‌​സ് റേ ​വി​ഭാ​ഗ​ത്തി​ലും ഇ​ദ്ദേ​ഹം പ​ല​വ​ട്ടം ക​യ​റി​യി​റ​ങ്ങി​യി​രു​ന്നു. ഇ​പ്പോ​ള്‍ ഇ​എ​ന്‍​ടി ഡോ​ക്ട​റും ഓ​ങ്കോ​ള​ജി​സ്റ്റും സ്റ്റാ​ഫ് ന​ഴ്‌​സും റേ​ഡി​യോ​ള​ജി വി​ഭാ​ഗ​ത്തി​ലെ ആ​റു ജീ​വ​ന​ക്കാ​രും ക്വാ​റ​ന്‍റൈ​നി​ല്‍ പ്ര​വേ​ശി​ച്ചി​ട്ടു​ണ്ട്.

കാ​ന്‍​സ​ര്‍ രോ​ഗി​ക​ളു​ള്‍​പ്പെ​ടെ​യു​ള്ള​വ​രി​ലേ​ക്ക് രോ​ഗ​പ്പ​ക​ര്‍​ച്ച ഉ​ണ്ടാ​യി​ട്ടു​ണ്ടെ​ങ്കി​ല്‍ സ്ഥി​തി അ​തീ​വ ഗു​രു​ത​ര​മാ​കാ​നു​ള്ള സാ​ധ്യ​ത​യും നി​ല​നി​ല്ക്കു​ന്നു. നാ​ട്ടി​ലെ വി​വാ​ഹം, തൊ​ട്ടി​ല്‍ തൂ​ക്ക് ച​ട​ങ്ങു​ക​ളി​ലും ഒ​രു ആ​ദ്യ​കാ​ല ക​മ്മ്യൂ​ണി​സ്റ്റ് നേ​താ​വി​ന്റേ​തു​ള്‍​പ്പെ​ടെ​യു​ള്ള മ​ര​ണ​വീ​ടു​ക​ളി​ലും ഇ​തി​നി​ട​യി​ല്‍ നേ​താ​വ് സ​ന്ദ​ര്‍​ശ​നം ന​ട​ത്തി​യി​രു​ന്ന​താ​യും സൂ​ച​ന​യു​ണ്ട്.

പ​ഞ്ചാ​യ​ത്ത് അം​ഗ​മാ​യ ഭാ​ര്യ​യും വി​വി​ധ സ്ഥ​ല​ങ്ങ​ളി​ല്‍ നേ​രി​ട്ട് സ​മ്പ​ര്‍​ക്കം പു​ല​ര്‍​ത്തി​യി​ട്ടു​ണ്ട്. ഇ​തേ​ത്തു​ട​ര്‍​ന്ന് പൈ​വ​ളി​ഗെ പ​ഞ്ചാ​യ​ത്ത് പ്ര​സി​ഡ​ന്‍റ് ഉ​ള്‍​പ്പെ​ടെ മ​റ്റ് അം​ഗ​ങ്ങ​ളും ക്വാ​റ​ന്‍റൈ​നി​ലാ​യി​രി​ക്കു​ക​യാ​ണ്.

അ​ക്ഷ​രാ​ര്‍​ഥ​ത്തി​ല്‍ ത​ന്നെ നാ​ടു​മു​ഴു​വ​ന്‍ ന​ട​ന്ന് രോ​ഗം പ​ട​ര്‍​ത്തി​യ നേ​താ​വി​ന്‍റെ നി​യ​മ​ലം​ഘ​ന​ത്തി​നു നേ​രെ ആ​ദ്യ​ഘ​ട്ട​ത്തി​ല്‍ ബ​ന്ധ​പ്പെ​ട്ട അ​ധി​കൃ​ത​രും ക​ണ്ണ​ട​ച്ച​താ​ണ് സ്ഥി​തി ഗു​രു​ത​ര​മാ​ക്കി​യ​തെ​ന്ന ആ​രോ​പ​ണ​വും ഉ​യ​ര്‍​ന്നി​ട്ടു​ണ്ട്.